میمر{ ماحالی} جعفر عبدالمهدی العبادی

رب البریه اشچم ذنب ماحالی

مُر الذنب یا هالخلگ ماحالی

هم تعلم ابحالی اشجرا ماحالی

آیه   الولف  بس ربک الیستّر

**********

الشاعر جعفر عبدالمهدی العبادی

هات{لوعلی، یاعلی}جعفر عبدالمهدی العبادی

گلی بالله انته خلی لو علی

صار منک فی فؤادی لوعلی

شنهی إنته إِختار هنده لو علی

ربی گایل علی سید الکائنات

**********

الله   عالی   واعله   منه یا علی

 شیعی وافخر من اصیحن یاعلی

تقوی ثوبی لبسی طبعاً   یا علی

درب حیدر بس طریقی للنجات

**********

الشاعر جعفر عبدالمهدی العبادی

ابوذیه{لحسین؛ سجاد} جعفر عبدالمهدی العبادی

طیبه او کرم  للناس  لحسین

بین الطیبات  أختار   لحسین

سبحانه خلق عباس  لحسین

یشد   وزره  إبیوم  الغاظریه

******

ضل فی طریق   الخیر  سجاد

تحصّل حاصلک یفلان سجاد

تاج   البشر   مولانه  سجاد

ابو  الباقر   أمیر  الجعفریه

*******

الشاعر جعفر عبدالمهدی العبادی

عتاب {فطرنا} جعفر عبدالمهدی العبادی

نعم  ربی  العلی  هوّه   فطرنا

نطر درب الخطر لجله  فطرنا

لبوالــــــحسنین  طروانه   فطرنا

لان عدنه علی حامی الحمیه

********

الشاعر جعفر عبدالمهدی العبادی

ابوذیه{وجدای}جعفر عبدالمهدی العبادی

فحص گلبی طبیبی آنه وجدای

یضل مغرم الحیدر هوُ وجدای

لون  یوم  اطرقت  بابه وجدای

یشل الخاتم  او ینطی هدیه

*********

الشاعر جعفر عبدالمهدی العبادی

ابوذیه{ وهابی،وکرهه} جعفر عبدالمهدی العبادی

  فخر دایم نهج حیدر وهابی

واذم کلمن نذل صایر وهابی

یفرقه   خافی  من الله وهابی

الیضد حیدر یطب نار السریه

*********

فرقه العافتک هدمت وکرهه

واذم کلمن دخل بیهه وکرهه

ابث اشعاری الحیدر وکرهه

لوقت الموت والحد المنیه

***********

الشاعر جعفر عبدالمهدی العبادی

قصیده لطمیه{یعباس العلم} جعفر عبدالمهدی العبادی

 خویه شوف الحرم   اِبنار کلها الخیم

عالنهر طایح رمیه       یـــــــــــــعباس الـــعلم

******

خویه یوم الی اطلعت من المدینه

ابـــــــرایتک رایة فـــــــــــــخر رایــة ولینه

وانته یا لیث الحرب حارس علینه

اشلون وحدی یالعضید اِبگه حزینه

خویه ضیم او أَلم**انته راعی الشیم

والعلم بید اَجنبیه ***عالنهر طایح رمیه

  یـــــــــــــعباس الـــعلم

************************

خویه وابطول الدرب انته الّی حادی

حاضر ابدومک یخویه بس انادی

ظنّتی خابت علیه لا مُرادی

والمراد الی طلبته فی فوادی

خویه ریتک تِکوُن *** حتی جرحی یِهوُن

والحسین اعله الوطیه *** عالنهر طایح رمیه

یـــــــــــــعباس الـــعلم

*******************************

خویه هجرک اَثّر اهوایه علیه

والنواصب هم اِجت شتمت رقیه

آنه اَنادی وانته نایم عالوطیه

خویه دگعد شوفنی اَمشی سَبیه

خویه شوف الهظم *** بالحقد والظلم

   من هظم هذی الرزیه *** عالنهر طایح رمیه  

یـــــــــــــعباس الـــعلم

***********

ضلّت اسکینه تِنادی وینه عمی

وآنه محتاره إِبیتامه مِنته یمی

عدمن اشکیهه المصیبه واشکی همی

ریته یمک عالوطیه سَال دَمّی

ریته دَمّی یِسیل ***لا اشوف الرحیل

وآنه میسوره اوسبیه*** عالنهر طایح رمیه

یـــــــــــــعباس الـــعلم

*************************

الشاعر جعفر عبدالمهدی  العبادی

 

قصیده لطمیه{حبیب ابن مظاهر} جعفر عبدالمهدی العبادی

قصیده لطمیه( لحبیب ابن مظاهر)

انصار ابوالسجاد یا نِعم الانصار****سجّلنه ای خدّام یا شیخ الاحرار

حبیب ابن مظاهر حبیب ابن مظاهر

*********

رافع لوی الانصار بیمینک الرایه

واحچایتک للدوم ضلت هل احچایه

خادم لبوالسجاد بحچایتک غایه

سجلّک التاریخ وانته الصرت آیه

واحنه النزور احسین نتعنه مشایه

ویاکم احنه ابدوم هل تبگه لفکار

********
نبگه ابطریقک دوم والفکر واحد

خدّام الک یحسین سوف نُعاهد

انصارک احنه اندوم بس الله شاهد

حبیبک احنه انصیر لجلک نجاهد

هیهات من الذل هل یبگه خالد

والمهدی بس یظهرنفنیهه الشرار

************

خلیت اسم عنوان للیمشی دربک

غایه او یضلل لدوم یحسینحربک

هادم عروش ایزید ما رجف گلبک

من أجل دین الحق قدمت نحرک

ذله او مذله اتکون دنیانه عگبک

وابحبک احنه انفوز وابسیرت الکرار

*********

حبیب القدوّه للاجیال دربک سعاده

خادم چنت لحسین حد الشهاده

یموافی رب الکون زینت عباده

قادتنه ابوالسجاد یا نعم قاده

طلبتنه موت إبعز ماهی زیاده

یا سِر اله الکون یا سر الاسرار

*******

الشاعر جعفر عبدالمهدی العبادی

 

قصیده لطمیه{آه او الف آه}جعفر عبدالمهدی العبادی

آه او الف آه  آه او الف آه

    زینب یزنب  آه او لف آه

تمشی سِبیه  بین أجنبیه 

آه او لف آه آه او الف آه

**********

 من عافت احسین عالغبره هیه

غصبن عَلیه تمشی سبیه

عافت الابطال کلهم رمیه

نومه بلا روس بالغاضریه

مایِرحموها *شِتموا ابوها

معقوله تنسب    زینب یزینب آه او الف آه

************

ترکت الخوان تمشی او تعثر

بین الاعادی تندب یحیدر

حاضر الشدات یمته النه تحضر

ذبحوا اعضیدی والگلب فرفر

سلبوا حرمهم ***حرگوا خیمهم  

والنار تِلهب زینب یزینب   آه او الف آه

***************

من الطفوله ظلموا الحره

هجمواعلیهم عدوان الزهرا

کسروا ضلعها  او بالوجه سطره

قتلوا  المحسن او شافت العصره

صبحت یتیمه*** واللّه هضیمه

خدرچ تِسلب  زینب یزینب  آه او الف آه

****************

جتهه المصایب من دون الحساب

سِمعت شتایم من ذولی لجناب

گالو حقدهم من داحی الباب

سمعوا الـمصیبه بالمتن تنصاب

هذه المصیبه ***عجبه او عجیبه

والفکر یعجب،زینب یزینب  آه او الف آه

**********

قصة الکوفه أهضم رزیه

ابن الرذیله  سب الزچیه

 من حچت زینب ضربوا رقیه

اللّهم العن  بنی امیه

خانو نبیهم، قتلو ولیهم  

فکری تِعذب،  زینب یزینب،آه او الف آه

*************

تِسمع الترتیل ابصوت إخوها

آیة  العجاب کلهه اسمعوها

بس رأسه اعجب وحق ابوها

رادوا  اِیسکتو هیه إضربوها

ویلی العقیله** تمشی نحیله      

والگلب شیب،   زینب یزینب،  آه او الف آه

 *******

الشاعر جعفر عبدالمهدی العبادی

 

قصیده لطمیه{آنه شفت اعظم مصیبه} جعفر عبدالمهدی العبادی

آنه شفت أعظم مُصیبه*** زینب الحره الغریبه

آنه مفجوعه او یسیره*** لا عضید اولا عشیره

عدمن اشکی هالمصاب

*********

راح للحومه عضیدی المای چانت وعدِته

أَنتظر   ساعه او یجنی او ماشفتهه رجعِته

الجربه چانت فی یمینه الوسفه گطعوا یَمنِته

فاطمه  اُمنه  الزچیه  والله  والله   حِضرته

وآنه منتظره او اتانی ****کافلی شو ما اجانی

نومه  أبطال الحریبه*** آنه شفت اعظم مصیبه

*************

مابگه بس ابوالیمه حایر او بالحیره حار

ناده یا قوم إسمَعونی بالخِطاب اعلیهه دار

آنه ابن ذیچ الزچیه الواجهت گُوم الشِرار

وآنه ابن خیر البریه السیفه حقق لنتصار

ناصر الدین ابفقاره*** آنه ابن ذیچ الغیاره

ذبحوااحسین العجیبه*** آنه شفت اعظم مصیبه

*******************

طاحابوالیمه ولینه او شبوا النار ابخیمنه

فرت اطفال الیتامه شرد اسولف من هضمنه

لاذت النسوان بیّه او لا شریف اللی رحمنه

وآنه انادی درحمونی امطرحه کلهه زلمنه

واندبت حیدر ولینه***والعجبمامرعلینه

تالی میسوره او سلیبه ***** آنه شفت اعظم مصیبه

 ************

چل علینه الیل   وآنه  الماشیه بین القتاله

چن اشوف النوردامی  هذا من اطیب سلاله

ظل ثلث تیام عاری بس   شمس مامن ذلاله

وآنه عشت أوهام عگبه صورته اگبالی او خیاله

تالی یسرونه ابحقدهم**** والشمات اصعب ظلمهم

ماشیه ابیسری او نحیبه********* آنه شفت اعظم مصیبه

 **********

الشاعر جعفر عبدالمهدی العبادی