قصیده المربعه ( زینب ابحقچ حرت شکتب شگول ) جعفر عبدالمهدي العبادي

زینب ابحقچ حرت شکتب شگول

یا عفیفه الطاهره بنت البتول

 

یا  عفیفه   الطاهره   لمهذبه

صرتي مَثله الکل شریفه امحجبه

جدچ المختار الله امأدبه

وانتي مِثله اتحیرین اهل العقول

 

وانتي مِثله اتحیرین العاقلین

داخت ابوصفه او کماله الناطقین

مامحو ذکرچ علی مر السنین

انتي حیدر وانتي فاطم الرسول

 

انتي حیدر وانتي فاطم والحسن

والحُسین الهدم اعروش الفتن

انتي ثوره الخالده ابطول الزمن

انتي فرع الشیعه وانتي الهم اصول

 

انتي اصل الشیعه وانتي الهم سند

تحضرین الکلمن ایرید المدد

مایهم اشما کثر وابلغ عدد

چف عطائچ ما یرد کلمن سئول

 

چف عطائچ ما یرد کلمن سئل

انتي یا بنت الوصي خیر العمل

ما تضل شده ابوجودچ لا عُضل

والنکر فضلچ غبي او جدّاً عذول

 

والنکر فضلچ غبي او جدّاً حقیر

یا أمیره اعله الخلَگ بنت الامیر

انتي دربچ للإله أفضل مسیر

وابصراطچ للجنان إیکُن حصول

 

وابصراطچ للجنان انطب أکید

انتي یا أعظم مرا الفضحت یزید

غیر شخصچ من عرف یوم الشهید

یوم ابوالسجاد داسته الخیول

*****/**

الشاعر جعفر عبدالمهدی العبادي

قصیده المربعه ( گامت النسوان) جعفر عبدالمهدي العبادي

قالت الصدیقة الشهیده فاطمة الزهراء سلام الله علیها : وجعل الله الامر بالمعروف والنهي عن المنکر مصلحةً للعامه.

****

شي عجیبه الناس صارت والعجاب

گامت النسوان  تطلع  لا  حجاب

 

گامت  النسوان  تطلع  عاریه

واللّه أخجل مِن أجیبن طاریه

لازم المنکر أصیرن ناهیّه

باچر إمکاني شبر تحت التراب

 

باچر إمکاني شبر لمّن أموت

واجب احچیهه النصیحه ابعالي صوت

وسفّه عالعربي یعدیهه ابسکوت

غیرتک چا وین ما گلک ثواب

 

غیرتک چاوین راحت یا کتر

اقصدک انته یمن تحچي اشکبر

او تطلع امریتک فلا عدهه ستر

والمأشر تأشر اعلیهه السباب

 

والمأشر تأشر او عیني التِرَب

هذي تعرفهه تراهي امن العرب

بإذني من أسمع اگب امن الغضب

من عسا بیتک یهل فاسق خراب

 

من عسا بیتک لون ما تهتدي

ارجع النفسک او افهم مقصدي

من لباس العِز اریدک ترتدي

والمذله ارفضهه وانزع هالثیاب

 

والمذله ارفضهه حطلک احترام

شنهي بنتک تحکمک یبن الکرام

صیر زلمه او چلمتک هیّه التمام

خاطر الباري یکرمک بالحساب

 

 

خاطر الباري یکرمک والنبي

حجّب ابنیتک حجاباً زینبي

کن علیٰ منهاج ابوالیمه الأبي

والمناهج غیر منهجهم سراب

 

جعفر عبدالمهدی العبادي

 

۱۰ ربیع الثاني ۱۴۴۰

قصیده المربعه ( اسولف عالزمان) جعفر عبدالمهدي العبادي

 

گاعد ابروحی او اسولف عالزمان

لن ضمیری ایصیح دنیانه امتحان

 

لن اسمعه ایصیح دنیانه الممر

تحوي کلش زین واتجید الغبر

والدرب ماشي ولا منّه المفر

لازم انته اتطوف واتمر کل مکان

 

لازم انته اتطوف واتمر الدیار

اتعاشر الطیبین واتعاشر شرار

لاتضل محجوب وبخَلفِ الستار

کلشي کون اتشوف لا تغمض جفان

 

کلشي کون اتشوف من هذه العصر

لا تخلي إبغفله کل عمرک یمُر

دنیتک یومین وایخلص العمر

لا تخله ایروح بس لفضة لسان

 

لا تخله ایروح بل گال او گلت

خلي چلمة زینه لو باچر رحت

أرّخ اکتب کلشي بي هذه الوکت

صافح الناطور سرّاق الأمان

 

صافح الناطور مو عجبه  او عجب

شفت أخس من هاي مر اعله الشعب

صاحِب الحگ لکن  ابیته  احتجب

خایف المطلوب یطلع هوّه دان

 

خایف  المطلوب  من حگه  اکید

وکت مرته إبّیته في منهج  یزید

تطلع ابعاشور بس کشختهه عید

هذه حال ازماننه او بعض البیان

 

هذه حال ازماننه الیشبه سعیر

راح اگلک عالغني او حال الفقیر

ما سئل جاره ولا یدري اشیصیر

او یطلب امن الله ینطیه الجنان

 

یطلب إمن اللّه  راید  جنته

لکن اهوه الدنیه کلش غرته

من أجل تومان عارکهه اخوته

ماعرف هالدنیه مگضیه وفان

****

جعفر عبدالمهدی العبادی

قصیده المربعه ولادات الامام العسکري (سلسلة الذهب) جعفر عبدالمهدي العبادي

گالو  الحادي  عشر  هم  انولد

یعني سلسلة الذهب تکمل بعد

 

یعني سلسلة الذهب لاخر وصول

هذه ما قاله النبي طاها الرسول

المهدي منا من وِلِد زهرا البتول

یکتمل بوجوده خاتمة العدد

 

یکتمل بوجوده گالوهه العده

والحسن للطلعه أمره ایمهده

گالو إنسجنه یشیعه انهدده

بالمعسکر نگطع اعلیه المدد

 

بالمعسکر نگطع اعلیه الطریق

لا هواشم توصله او لا من صدیق

والخبر عنه یجي او یوصل دقیق

وانعزل عن اهله مولانه انفرد

 

وانعزل عن اهله غصبن مُجبري

ولهذه ایلقبوا بالعسکري

کان مسجوناً بأیدي الکافري

آل عباس اللعین المعتمد

 

آل عباس او أُمیّه او کل رجس

ما تطفّي افواهم نور الشمس

هذه ابوالمهدي أعَز من کل نفس

اللّه شائه او حطّه للولدم سند

 

الله شائه او حطّه للوادم سبیل

تعرف الباري لوحدک مستحیل

إلّا اهل البیت للخالق دِلِیل

منهو ثبّت  قُل هوّه الله اَحد

 

منهو ثبّت واِنحفظ بیمن سوأل

للمخالف  یگدر  ایجاوب  م‍حال

هیّه سلسلة النبي عذب او زلال

تکملتهه المهدي والمُنزل شهد

 *****

 جعفر عبدالمهدی العبادی

۴ربیع الثاني ۱۴۴۰

قصیده المربعه ( عیدالنبي او آله) جعفر عبدالمهدي العبادي

یاهله ابعید النبي او آله الطهور

انته عیدک یشبه العید الظهور

 

انته عیدک صوغه من باري المجیب

لهفة العاشگ لمن یوصل حبیب

هیچ اشبگنک واعاید کل جریب

او کل بعید الگاصد او جانه ابسرور

 

کل بعید او کل فرد من الگرب

نعتني البیته او لعد داره نطب

عیدک امبارک الک یهوه الگلب

هذي من اطباع کل عربی غیور

 

‌هذي هذی اطباع قوم الیعربي

یسلک ابدرب النبي او آل النبي

شیعي وارفع راسي دوم ابمذهبي

اجرع ابمر الصبر وابگه صَبور

 

اجرع ابمر الصبر واشرب دهر

اي وحگ الله او کتابه والسور

آنه شامخ والخصم میت قهر

صایم اسنین العمر وآنه شکور

 

صایم اسنین العمر مو هسه بس

عدنه عادي بصباح اویه النفس

ننتظر عید الچبیر البي ونس

وانته عیدک بشره وایخضّر زهور

 

انته عیدک بشره بگلوب اندرج

یعني من بعد الصیام ایحل فرج

محله یوم النسمع المهدي خرج

ذاک یوم الفرحه فرحه ابلا شعور

 

ذاکه یوم الفرحه وایحق الأمل

یاخذ المغصوب ینطي للأهل

ما یرد چف اللي عد بابه سئل

دنیه جنّه اتصیر واتفوّح عطور

 

 

دنیه جنه اتصیر کل لحضتهه عید

چسوه منّه ایلبس الفقره جدید

ذاک یوم الظالم ایعض عض بالاید

والظلام ایروح والدنیه تنور

******

جعفر عبدالمهدی العبادی

قصیدة استقبال عید الفطر (امودّع ابألله) جعفر عبدالمهدی العبادي

امودّع ابالله او رسوله یا شهر

انته درسک للخلایق معنوي

 

چنّه بضیافت کریم اعظم کریم

عفیه بل فاز ابمقام التربوي

 

یعني کل صایم تعلمه ایکن صبور

او چفّه وکت الظیم لا ما یلتوي

 

او لو وصل لمرادم ابدًا مایهاب

من ضعف جسمه یضل گلبه قوي

 

قاري القران واقوال الرسول

او یمشي ابمذهاب خط العلوي

 

ثائر إبنهج الحسین او مذهبه

یحچي بالحق ما یطب ذانه العوي

 

آنه واثق بالگلب عندي یقین

الباگ شط أهلي او شرب ما یرتوي

 

خلصیت او ضلّن ادروسک طریق

فزنه مدرستک تخرّج حربوي

 

حافظین ایمانْه اسلاح انتظار

حد وکت نادو قیام المهدوي

 

ننتفض ویا نهاجم کل شرور

العاده طاها او خاین ابآله الطهر

 

هسه ما نحچي لچن وکته یصیر

اندلي کلمن حاقد انیوم الظهر

 

یصلح الدین او یعیده اعله الاصول

 یمحي کل خربوط  من خلف الستر

 

یصفه بس کلمن عذب مابي نقاش

نرفع الرایات وانصیح النصر

 

کل شهر رمضان لو صار اوخلص

خلف ابوصالح نصلّي کل فطر 

*******

الشاعر جعفر عبدالمهدي العبادي

قصیده وابوذیه( ترحنه.ساحه اباثر ساحه) جعفر عبدالمهدي العبادي

امشي ابنوم مدري ابیقضتي او حیران

واطر ابلاد ساحه إبأثر ساحّه

اي نعم مجنون وامضیع حبیب

او ماعرفت الیل من اصباحّه

ابچي وادگ وانحب مدیم

او گلبی ما بطل یناس انیاحّه

کل گاع الاطرهه اتموت

من کثر الدمع مات الزرع سباحّه

او عَلَي صدروا اکید الموت

اهل الملک واشما هست فلاحّه

هربت اوگمت اخوض ابحور

ردت اویای کون ارجال کفاحّه

شهگت اعله السمه حد  القیم

صعد گلبي او یطگ بجناحّه

کل ما امر ودیان اعاین عالارض

بالچي الحبیب اهناک نوّخ راحّه

واگله دعاین للزمن غار ابیور

جیّش علینه او یرمي ضل بسلاحّه

او علیهم یمته راح ایغیر صُبحاً

او یخلّي الموریات اتصیر قدّاحّه

ویزیح الضلام او یکشف المحجوب

او نشوفه اینور نار الکون مصباحّه

متی تظهر یبوصالح ترحنه

ابرحاهه الخصم گعدت ترحنه

نصیح ابصوت خدامک ترحنه

إب بني العباس طحنه او آل اُمیه

****/**

الشاعر جعفر عبدالمهدی العبادي

قصیده عمودیه ( یاللی تضن طایح واموت) جعفر عبدالمهدي العبادي

 

های الک یاللي تظن طایح وإموت

اي گمت آنه اعله حیلي او ما أذل

 

صح بقیت اسنین مطروح الفراش

بس إله الباري الحمد هسه عدل

 

خوّتک ویای چانت باللسان

آنه اشیلن وانته تطرح بالحمل

 

صار مکشوف الامر واضح عیان

والبیان اسهل عله أبیاتي یدل

 

شتت گومي او گمت وحدک تجول

بیدک اتعکره او تحله انته الحبل

 

واللي ضل ویاي راح اعوج طریق

صار ضدي او بررک من کل فعل

 

لکن اهوه ایعود واعرف بي تمام

ذاته تطیب چ إخوي او مو نذل

 

هسه ممکن عوز ضکه امن الزمان

لو عثر وانته تصورته خبل

 

اگلب إبویهک یبن مرجانه روح

بالزماط اویاي سیفه اهوه یسل

 

نوگف ابوجهک یمن شفت الحشود

بربعین احسین ابن سید الرسل

 

وأعرف إبهاي الخبر کلّش اکید

یظهر المهدي او یلم کل الشمل

*********/*

جعفر عبدالمهدی العبادی

 

قصیده عمودیه لرسول الله ص( مولد کریم ) جعفر عبدالمهدی العبادي

 

 

 

صافن ابصفنة خیالی او فکري طار

لن نزل برض الحجاز ایطگ قدم

 

هذه واحد یدفن ابنیته عجیب

وهیه تصرخ بابا والمشهد ألم

 

شفت ناس ابلا ضمیر اولاشعور

لا مبادئ عدهه لا عدهم قیم

 

عدهم القتل او نهب کلش بسیط

ماکو خوّه او لاکو الفه اولا شیم

 

اهنایه محد یعرف الباري الجلیل

تارسین الکعبه وإعبادت صنم

 

والحجیج اصفیر تصفیگ او ضجیج

عگلي داخ او کلشي ما منهم فهم

 

گتله ربي ارجوک رجعني اردعود

من مجیئي او قد حصل لیّه الندم

 

صار لیل او من صفنت اعله السماء

لن اشوفن نور شگ وجه الظُلَم

 

واسمعت صوت انهدم عرش المجوس

انطفت ناره او طاق کسراء انهدم

 

وانطرد ابلیس مایصعد سماء

والمعسکر ماله اشوفنه انهزم

 

گالو اصباحه انولد مولد کریم

اي محمد سید العربی او عجم

 

وحّد الامه او ربط بین القلوب

والدخل لاسلام من جهله سلم

 

والمسیره امتدت الحد ما وعیت

حد وکتنه الان والحد منختم

 

منتظر یظهر شبیهه المصطفیٰ

ینقذ الامه او یرف بیده العلم

 

*****

الشاعر جعفر عبدالمهدی العبادي

 

ومضه لاستشهاد الامام الحسن العسکري( جعفر عبدالمهدي العبادي)

ماجور اگلک یابوصالح عالفراق

والیتم  بین ابوجهک وانحنیت

 

 راح اوصفک چالحسین اویه العضید

ابطیحت العباس هیچیه بچیت

******

جعفر عبدالمهدی العبادی