قصیده لطمیه شور ( عدنه ثوره الزیارتکم) جعفر عبدالمهدی العبادی

حسین  آآآآآ   حسین  آآآآآآ

 عدنه ثوره  الزیارتکم واهي تعظیم الشعایرنه

طلعنه انزور ابو السجاد  ممشه اعله الجدم  رحنه

ترکنه اشما هسّت بالبیت اله لبیك اله صحنه

الک فدوه العمر مولای اخذنه اعله الجمر سحنه 

 حسین  آآآآآ  حسین  آآآآآآـ

طلعنه احنه المصیبتکم والک نسوه اطلعت واطفال

لان زینب مشت للشام یویلي اعلیهن ابیا حال

مشن بس العدوا حدّاي  لهن گید اصبحت لاحبال

وابگید الحدید الشیخ  واطواگ الحدید اثگال

حسین  آآآآآ  حسین  آآآآآآ

نطلع للمشی کل عام  وانواسی الزچیه ابهای

ما همني الخطر هیهات والمهدي طلع ویّاي

نبچي اعله الطفل یحسین ردّوا بالنبل مو ماي

وانواسی العلی السجاد من رد الضعن مشّای

حسین آآآآآا حسین آآاا

 

اضل اهمل دموع العین عله امصابک یبوالیمه

واظل امشی ابطریقک دوم وجد بالسیر أنه ابهمّه

واریدك سیدی یحسین تقبل منّه هل خدمه

منو مثلک صبح مولای ذبیح او سابح ابدمه

 

حسین آاااااااا حسین آااااااا

 

جعفر عبدالمهدی العبادی

قصیده لطمیه(ما تمنع اکرونه) جعفر عبدالمهدی العبادی

مجنونه شیعة حيدره   بحسين مجنونه
ذبوهه عل موت الجدم  والخطر يمشونه
ما  ننمنع   هیهات 
منذوره هالرگبات
تفجير داعش ما منع    ما تمنع  اكرونه

کف لومتک یا ناصبی ونته ارجع الدارك
خلینی  بفکاری  ولک  خلیهن  افکارك
یا  أيها  الكافر  بعد   ما  تشتعل  نارك
صحناله يحسين  الأبي كل عام  زوارك

لو ضدنه كل الناس
  موعدنا   للعباس
مجنونه شیعة حيدره   بحسين مجنونه

هل عام يفرق يختلف عن باقي لعوام
هل  عام حجتهم  وبا  يردونه  ننظام
وحيات ذاك اللي انقتل ما تمم اصيام
مجلس عزانه مستمر لو  تمطر اسهام

ما ينگطع هالصوت
لحسین حد الموت
مجنونه شیعة حيدره   بحسين مجنونه

وطلابتي ويّه الذي محسوب  عالشيعه
لو  ويّه  قاتل  فاطمه   لو ويّه الوديعه
لو توگف ابصف حرمله واشما اُمر طیعه
لو  نادي  لبيك  علي   واعلن  إله البیعه

بين  مصيرك  وین
لبيك نادي احسين
مجنونه شیعة حيدره   بحسين مجنونه

يوم المعاد او بالحشر  خالیه إل إیدین
باچر املاگه اویه الوصی والعین بالعین
شتجاوب انته الحیدره  لو  یسئلک زین
شتگله خفت امن الوبا  محضرت لحسین

باچر تضل محتار
شتجاوب  الکرار
مجنونه شیعة حيدره   بحسين مجنونه

مجلس عزاهم بي شفه  ما تبگه علّه
واحسین یا درب  العدل  للعنده  زَله
لو  تدری چم تایه هِده  وال الله دله
 هیهات  ناده ابکربله  وأرفض  الذله

ناده الحُسین ابصوت
یا محله عندی الموت

مجنونه شیعة حيدره بحسين مجنونه

الشاعر جعفر عبدالمهدی العبادی

 

قصیده لطمیه { ثورة احسین مجالس مدارس } جعفر عبدالمهدی العبادی

قصیده لطمیه

 

ثورة احسین  مجالس مدارس  الک اعظم درس

یعني شیعي  صلاتک صیامک زکاتک والخُمس

الدنیه ساعات او تِمُر **والأهم صلّي الفجر

ثورة احسین    ثورة احسین 

****/**

ها یشیعي من یأذن لازم  اول بالصفوف

بیّنه لحسین امامک وضّحه بأرض الطفوف

أذن ابکرب او بلائه مأعتنه ابّیض السیوف

صفت اصفوف الجماعه صلّا والوادم تشوف

هذه درسه ،، یعبّر ، یفسّر  ،لکل واحد یحس

فدوه لحسین العمر  والاهم صلّي الفجر

ثورة احسین    ثورة احسین 

*********/**

شرد اسولفلک یمُسلم عن مواقف کربله

کلهه تعرف بالشهاده النالهه اینول العُله

وإهوه یعلم ساعه وحده  تنتهي هل مسئله

لکن ایریدک یشیعي تعرف ابقدر الصله

لازم انته،، تفکّر، تقدّر، تزکّی بلنفس

خاطر اتنول النصر والاهم صلّي الفجر

ثورة احسین    ثورة احسین 

*******//**

تعرف اشگایل الاهک عالذي ایخف بصّلات

العیشه تصبح عنده ضنکه  بالعسر یگضي الحیات

وإسمع الصادق حدیثه وإبحَر ابهاي النُکات

لاینالُ أي شفاعه او ما نحضّره بالممات

إله یهتم،، یصلّي، ابوقتهه، ولا یتبع رجس

وإعرف الهذه الأمر والاهم صلّي الفجر

ثورة احسین    ثورة احسین 

**//***

قائل  الصادق  امامک  مثلونا  شیعه  زین

انته لو شیعي هویتک یعني کأصحاب الحسین

یعني لو جسمک تگطّع توگف او ثابت یقین

یعني متهاب المنایه  تمشی توصل لأربعین

لا یهمّک ،،یفجّر ،یقتّل ،ولو خصمک شرس

لا تهم حچي الکفر والاهم صلّي الفجر

ثورة احسین    ثورة احسین 

************/**

جعفر عبدالمهدی العبادي

تمت بحول الله 29محرم 1439

 

 

قصیده لطمیه { صیحه صعدت للسما} جعفر عبدالمهدی العبادی

صیحه  صعدت للسما*** والخبر هب  بالفضا

راید احسین النصیر*** یالله نمشی الکربلا

*********/**

یالله یا شیعه  ** جددوا  البیعه *** زینب إوحیده

تمشی کل خطوه*** عالارض تهوه *** وسطة البیده

تنتظر منکم ** هیّه غیرتکم *** والمشی اتریده

إمشي ابهمه *** عند ابوالیمّه ** لاترد إیده

رافع ابیمناته لیک *** یالله قدمله إدیک

لا تأخّر بالمسیر ** یالله نمشي الکربلا

******/*/*

کلشي میهمنه ** نفدي ابدمنه *** لجل ابوالعترا

تعتنی زوّار *** شیعة الکرار *** توصل الحضرا

تعرف إبکلشي ** تحضر الیمشي ** فاطمه الزهرا

نرهب اعدانه ** المهدی ویّانه *** نمشي إبأمره

طایعینه ابکل امور *** تشهد اعلینه الصدور

یبگه بس هوّهَ الامیر *** یالله نمشی الکربلا

******//**

والیهددنه *** مایرددنه *** عن عقیدتنه

کل فرد عابس *** والدرع لابس ** هذی غیرتنه

رافضه ایگولون ** واللقب مجنون** ای هویتنه

صح نعیش ابظیم**لاکن اعله القیم** تعله رایتنه

رایة احسین او تدوم**ترتفع فوگ النجوم

واهیه اول والاخیر*** یالله نمشی کربلا

****/**/*

لو تگوم اردود** چاشفت موجود *** سیفک ابیمناک

نوگف اجنودک ** ای وحگ عودک** نگلب الافلاک

شیعتک یحسین **تفدی بالچفین ** ما یطیح الواک

واحنه لک انصار** بالمشی ثوار** خل تشوف اعداک

لو وصل ضرب السیوف** خلّي اعداکم تشوف

نوگف ابحّرالظهیر ** یالله نمشی الکربلا

*****/**

تمت بحول الله 7محرم 1439

لخادم  الحجه جعفر عبدالمهدی العبادی

 

قصیده لطمیه { شیعه * نلطم علی احسین الصدر*شیعه} جعفر عبدالمهدی العبادی

القصیده علی لحن دنیه * مابیهه بس هم او غدر* دنیه

**************

شیعه __ نلطم عله احسین الصدر

شیعه__ للمهدي ندعي  او  ننتظر

شیعه   __ یا  ربّي عجّل  لل أمر _ شیعه

********/**

من یمر عاشور بینه  –  کلنه نحزن  – کي نواسي

  زینب إحنه

عدهه عباس الکفلهه – إچفوفه طاحن – وهیه تبچي

والله محنه

نادته إتعاتب یخویه – وینه وعدک – یل جبتني

ما تردنه

صاحت – ما  ردنه ماي المشرعه

صاحت – ویلي  الچفوف امگطعه

صاحت – ضلّت غریبه اُم الخدر – شیعه

*******/**

زادت الفتنه إب أُممنه – والّي یفتن – گلبه طابع

یا الهي

ذبحوا الشیعه ابحقدهم – والقتاله – بالشوارع

  یا الهي

والسبب چ گلنه حیدر – اول اول – ماهو رابع

یا الهي

نِصبر- دایم  علی  جور الزمن

نصبر – وامعلمین إعله المحن

نصبر – مهما یمر بینه العصر –شیعه

*******/**

ثارک إنریده یمهدي – اظهر اظهر – الشیعه نادت

یا بوصالح

اُمک الزهرا الودیعه – هم تنطرک -  عالي صاحت

یابوصالح

ضلعي کسروه العواذل – ثاري اریده – تالي طاحت

یابو صالح

عجّل – والشیعه کلهه إبخدمتک

عجّل – نفنیهه   ناس الخانتک

عجّل – یالمهدي مَـلّانه  الصبر  - شیعه

******/**

نگصد احنه الکربلاهم – مایهمنه – بل یفجر

ها  یشیعه

بیهه ابوالسجاد ضامي – نحره گطعوا – آل اُمیّه

یا فجیعه

واحنه نمشیله اونزوره – بــأربعینه – هذه موعد

للودیعه

نمشي – حافی القدم حد حضرته

نمشي – واجب علینه   إزیارته

نمشي – خلّي الیضدنه ینتحر - شیعه

******

الشاعر جعفر عبدالمهدی العبادی

قصیده لطمیه { ثوره ثوره رافضیه } جعفر عبدالمهدی العبادی

 

یا سقیفه الساعدیه     ثوره ثوره رافضیه

نحزن إبعاشور نحزن   للشهید ابن الزچیه

*************

نرفض اصـحـاب الرزیه  او مانبالی

 یبگه بس حیدر ولینه هو والی

نندب الکرار احنه ابصوت عالی

 حاضر الشدات حیدر آ یغالی

نضل ویاک ابشهامه ***  تشفع إبیوم القیامه

شیعتک  شِیعة حمیه   ***  ثوره ثوره رافضیه

***********

حیدر إکمال الدیانه بَــحـرالعلوم

ما ابیعن حب علینه یالذی إتسوم

نعمة الباری هدیه اثنعش معصوم

  فاطمه ویه نبینه کلهم إنجوم

بیهم الاسلام راضی  *** والنبی شاهد اوقاضی

نِتبع اقدام الهدیه  *** ثوره ثوره رافضیه

*****

تبگه مشهوده الولایه بالشّهیده 

  إحنه ما نقبل سقیفه او هــالــــعقیده

هذی شوری الـهـجـمت الدار الوحیده 

 حرگوا   اثیاب الزچیه الکل حقیده

هذی اول مَظلمه*** تالی ضربوا  فاطمه

نرفض اعمال الغبیه *** ثوره ثوره رافضیه

************

سهمـچ إنتی یالسقیفه   سبّب  أَسبّاب

   وإنتی بدیتی الـخـیانه إبـحَـرگت الباب

وإنتی سبّبتی الرضیع إبسهم ینصاب

 وإنتی خَلیتی العقیله اتگودهه أجناب

إنتی سبّبتی الـمصایب **وإنتی سوّیتی العـجـایب

إحنه نِلطم عالزچیه**** ثوره ثوره رافضیه

*********

اشلون ننسه کربله او هذی الـمأسی 

صاح هیهات الـــمذله آ یه  ِناسی

ذبـحـوا   إحسین   إبشقاوه   إبگلب قاسی

 نفسه ضحاها الزکیه من یواسی

هوَ  عَلّمنه الشهاده*** حبه من یوم الولاده

احنه نـحـیهه القضیه*** ثوره ثوره رافضیه

************

إحنه عَلمونه الشهاده لا نهایه 

 إحنه گطّعنه الزنود إلأجل رایه

رایة  الاسلام   هذی  والنه غایه  

  نرکض إحنه  ارکاض وإندور الـمنایه

نمشی إبدرب الشهید  ****** نرفض ابدولة   یزید

فدوه لِـحـسین او عَلیه  ***  ثوره ثوره رافضیه

**********

الشاعر جعفر عبدالمهدی العبادی

 

قصیده لطمیه{ اکتب یشاعر } جعفر عبدالمهدی العبادی

اکتب یشاعر      عن الشعائر

آنه الصادق آنه        اکتب عن عزآنه

***********

اکتب عزانه ابکل حزن یا شاعر احسین

اَجرک علیه او لا تهم مو  واحد اثنین

عبدالله مذبوح  ابحقد  ما ذنبه  یا بین؟

های الحسین او ثورته  وین السلاطین؟

والیلطم علینه      وابحاله حزینه

للجنه عابر     اکتب یشاعر

***********

اکتب علی  ام  الخدر یا شاعر   ابساع

رکضت بچت ام الصبر بس هوت عالگاع

نادت ألّا من  ناصرن    لا  ماکو  فزاع

ظلت وحیده  ابکربله او کل ساع تلتاع

یالله اکتب هظمنه      عن احسین او ابنه

عطشان او صابر        اکتب یشاعر

*************

اکتب مصیبتنه الجرت یاشاعر اردود

رتّل وحی النزل   صیر  انته رادود

وابمجلسک هم فاطمه او هم آنه موجود

والیلطم امصاب الطفل اشفعله والجود

مارید اشتم الریح      مذبوح الطفل صیح

لا لاتکابر             اکتب یشاعر

***********

اکتب مصیبتنه ابعجل  یا کاتب احزان

خانوا وصایه المصطفی خانوا القران

واحسین وحید ابکربله  او بلگوم حیران

تسحگ علی صدره العده ابوسطة المیدان

اکتب عالعقیله         مفجوعه او نحیله

اعبرهه المخاطر         اکتب یشاعر

 *******

الشاعر جعفر عبدالمهدی العبادی

قصیده لطمیه{حبیب ابن مظاهر} جعفر عبدالمهدی العبادی

قصیده لطمیه( لحبیب ابن مظاهر)

انصار ابوالسجاد یا نِعم الانصار****سجّلنه ای خدّام یا شیخ الاحرار

حبیب ابن مظاهر حبیب ابن مظاهر

*********

رافع لوی الانصار بیمینک الرایه

واحچایتک للدوم ضلت هل احچایه

خادم لبوالسجاد بحچایتک غایه

سجلّک التاریخ وانته الصرت آیه

واحنه النزور احسین نتعنه مشایه

ویاکم احنه ابدوم هل تبگه لفکار

********
نبگه ابطریقک دوم والفکر واحد

خدّام الک یحسین سوف نُعاهد

انصارک احنه اندوم بس الله شاهد

حبیبک احنه انصیر لجلک نجاهد

هیهات من الذل هل یبگه خالد

والمهدی بس یظهرنفنیهه الشرار

************

خلیت اسم عنوان للیمشی دربک

غایه او یضلل لدوم یحسینحربک

هادم عروش ایزید ما رجف گلبک

من أجل دین الحق قدمت نحرک

ذله او مذله اتکون دنیانه عگبک

وابحبک احنه انفوز وابسیرت الکرار

*********

حبیب القدوّه للاجیال دربک سعاده

خادم چنت لحسین حد الشهاده

یموافی رب الکون زینت عباده

قادتنه ابوالسجاد یا نعم قاده

طلبتنه موت إبعز ماهی زیاده

یا سِر اله الکون یا سر الاسرار

*******

الشاعر جعفر عبدالمهدی العبادی