قصائد مولودیه{جلوّه} :: دیوان عبدالمهدی

قصیده جلوه (علی یا علی علی) جعفر عبدالمهدی العبادی

#قصیده_جلوه

علي یا علي علي علي

یا امیر المومنین المرتضی علي علي

انته یا حصن الحصین امن اللضي علي علي

بالحشر انته شفیع الرافضه علي علي

یا علي نادینه

بالحشر تنجینه

یا امام الاولي علي یا علي علي علي

یا من ابکل عرکه شرّدت الزلم علي علي

الله گال ابکیفک اتطش او تلم علي علي

بیدک الصک یا علي او راعي الختم علي علي

حبک الربانه

یا علی مولانه

انته صوت المعتلي علي یا علي علي علي

منهو غیرک طیّح اصنام الجهل علي علي

وابغدیر الدین بوجوده اکتمل علي علي

صاح ابوالقاسم علي خیر العمل علي علي

والعهد للشیعه

بالغدیر البیعه

للنبي صحنه بلي علي یاعلي علي علي

علي یحزام النبي ابکل الشدد علي علي

لو نطیح ابمشکله انصیح المدد علي علي

للنوایب انته حلّال العُقد علي علي

للممات اویاکم

یا علي نهواکم

یا بعد ناسی او هلی علي یا علي علي علي

جعفر عبدالمهدی العبادی

۰ تعلیق
۰ ۰

جعفرعبدالمهدی العبادی

قصیده شعبانیه جلوه للشاعر جعفر عبدالمهدی العبادي

قصیده شعبانیه جلوه

مولِد خمس انوار شمس او نجم واقمار**

خل نفرح ابشعبان إنس او مَلَک والجان**

****/*

مولد ابوالثوار صوت الرجوله

هنّوا علي الکرار واتبارکوله

والمصطفی التبریک واُمه البتوله

محله النشید ایصیر من غردوله

عشّاگ ابوالیمه * عدنه الوعد ذمّه**

غردله بالاشعار خل نفرح ابشعبان**

********/*

مولد بطل صندید راعي الحمیه

داس الزلم والخیل بالغاضریه

عید او فرح یا ناس للرافضیه

تحظر أکید الیوم اُمنه الزچیه

واتسجل الجلاس * إبمولِد العباس**

ضنوة علي الکرار * خل نفرح ابشعبان**

********/

یا هله بالسجّاد صوت العباده

ساجد الی المعبود حدالشهاده

والشیعي صاح ابصوت محله الولاده

کلمن حظر هلیوم یحضی ابسعاده

سعاده بالدارین * من چف ابن لحسین**

خليهه الک تذکار * خل نفرح ابشعبان**

*******/*

رابع گمر شعبان لحسین ضنوهَ

لمن طلع عالکون وبنوره ضوّهَ

خلّه المحب مسرور وابعشگه یِهوهَ

یشهدله طف احسین وبزوده یروهَ

ساعه البرز عالگوم مثل الصگر وایحوم**

من سیفه یجدح نار خل نفرح ابشعبان**

***///*

والخامس الموعود مُحِيي الشریعه

شیعه او نضل للموت للمهدي شیعه

نهدیله دم انحور والبیعه بیعه

هذه الوعد موثوق عند الودیعه

کلهه تصیح ابصوت ویّاک حد الموت**

شیعه او نضل احرار * خل نفرح ابشعبان**

************///*

جعفر عبدالمهدی العبادي

۰ تعلیق
۰ ۰

جعفرعبدالمهدی العبادی

قصیده مولودیه للامام الزمان عج { یاگمر صار الگمر انته تنحّه} جعفر عبدالمهدی العبادی

قصیده مولودیه جلوه

للمهدی عجل الله تعالی فرجه

********

یا گمر صار الگمر انته تنحّه

هذه موعود البشر هلیله فرحه

هلیله مهدي المنتظر

نوره یشعشع عالبشر

هلیله فرحه ** هلیله فرحه

****

هلیله شیعة حیدره تنشد أناشید

والفرحه بشفاف الشعب وامعید العید

هلیله ذبینه الحزن والبسنه لجْدید

هلیه یوصل للعرش صوت الروادید

وانبارک الحجه الحسن

هلیله ما عدنه مِحّن

والمهدي للشیعه فخر

هلیله مهدي المنتظر

نوره یشعشع عالبشر

هلیله فرحه هلیله فرحه

****

نرسل أمانی للوصی وانودي اشواگ

وانّادی یالمهدی إلعجل والشیعي مشتاگ

نبگه ابولایت حیدره هیهات تنباگ

بس انتم اشیوخ العرب والباقی موحگ

بس انتوا فرسان الوغی`

نور الله واتکشف الدُجّی`

یل نورَکم غطّه الگمر

هلیله مهدي المنتظر

نوره یشعشع عالبشر

هلیله فرحه هلیله فرحه

*******

هلیله فرحة فاطمه او فرحة الخاتون

هلیله کل شیعي سجد وال الله ممنون

یالمهدي وفایه الک چن عابس او جون

والتحچي عالشیعه ابحقد خلهم یگولون

تظهر تصفیهه العرب

واعیونک إتجادح غضب

مولانه انته المُنَتصَر

هلیله مهدي المنتظَر

نوره یشعشع عالبشر

هلیله فرحه هلیله فرحه

*******

نبعث تهاني للنبي والعسکري الیوم

وي حیدره ثُمَّ الحسن والبحر العلوم

زین العباد او باقره والصادق الگوم

موسی الکظیم اویا الرضا والباقي لأنجوم

وإبنه الجواد أعني التقي

والهادي والینه النقي

محلاته شعبان الأغر

هلیله مهدي المنتظر

نوره یشعشع عالبشر

هلیله فرحه هلیله فرحه

*****

جعفر عبدالمهدي العبادي

شعبان ۱۴۳۸

۰ تعلیق
۰ ۰

جعفرعبدالمهدی العبادی

قصیده مولودیه جلوه بحق الامام الرضا ع { جعفر عبدالمهدی العبادی

قصیده مولودیه( جلوه) بحق الامام الرضا ع

*****

صوت الروادید غرّد أناشید

والتکتب أشعار تکتب موالید

*******

اول بدایه فاطمه نور الإمامه

تالی رضانه ینولد عشنه إبغرامه

طارت یسامع روحی له مثل الحمامه

والفاصله ما بینهم عشره الکرامه

محلاها الأیام اشواگ او احلام

للشیعه عتبار والتکتب أشعار *تکتب موالید**

*******

تفزع شعبنه للرضا واتزوره کلهه

تمشیله تزحف شیعته هیّه او اهلهه

طول الدرب لا مایهم لا ما یذلهه

والّي تروح المشهده یعني قبلهه

ساعات الأفراح لهموم تنزاح**

نمشیله زوار والتکتب أشعار *تکتب موالید**

******

حصن الامامه من تطب ما بیهه حیره

گال الرضا واحنه انعرف واضح مسیره

درب النبي کلمن سلک طیّب ظمیره

من عالم الذر ما نکر حیدر أمیره

والینه ابواحسین نفدیله بالعین

حیدرنه کراروالتکتب أشعار *تکتب موالید**

******

وکت الولاده من وصل یگعد سعدنه

والشیعه کلهه تبتسم والفرحه عدنه

یوم انولد بیهه الرضا بیهه انولدنه

شال او رفعهه إبیمتنه رایة مجدنه

رایة مُحمد بیده إتمجّد

اي شیخ الأحرار والتکتب أشعار *تکتب موالید**

**/

الشاعر جعفر عبدالمهدی العبادی

۰ تعلیق
۰ ۰

جعفرعبدالمهدی العبادی

قصیده مولودیه للامام الحسن ع { نرکض واندگ البیبان گرگیعان او } جعفر عبدالمهدی العبادی

نرکض واندگ البیبان

گرگیعان او گرگیعان

وانبارک های الیله

شان الاهل و الجیران

********/

گرت عینک یالوالی شان الحسن نتبارک

نتمنه یمک مولاي خیعونه کلمن زارک

نعرفهه جبریل اهناک وابکل فخر طب دارک

یتبارک الطاها ابزود عندک نزل خطارک

خوّت جبریل او طاها

رب العرش سواها

محلاها لمّت لإخوان

گرگیعان او گرگیعان

*********/

افواج ابخلف الأفواج اطفال اتگرگع واتدور

یا محله هذی الأیام تذکار إبمر الإعصور

مهما تمر بینه اتعود یا ربّي صحنه مشکور

هذه ابسجل الشیعه ما ینمحی إیضل مذکور

شهرک مبارک محبوب

یغفر ربک للي إیتوب

شهر الکرم والإیمان

گرگیعان او گرگیعان

*********/*

من یطرق الباب الیوم بس حاجته اینادیهه

والچسوه من الزهراء ام الحسن تنطیهه

تستقبل الشیب او شاب والحاجه هم تگضیهه

اهلا وسهلا بالجای بیت الوحی ایحیهه

وام الحسن فرحتهه

اول ثمر دنیتهه

راعی الکرم والاحسان

گرگیعان او گرگیعان

****/

معناته گرت العین للماعرف معناته

هوّه الرکن للإسلام والشیعه هم بحماته

رافع علم ضد طاغوت لیل الهظم ما باته

شیعی الیحبه بالصوت لازم یرفع صلاته

لأل النبی ایصلیهه

بالمصطفی ایزکیهه

بخمسطعش من رمضان

گرگیعان او گرگیعان

**********/*

الشاعر جعفر عبدالمهدی العبادی

۰ تعلیق
۰ ۰

جعفرعبدالمهدی العبادی

قصیده مولودیه جلوه ملاد الحسن ع{ ایه الحسن یالله} جعفر عبدالمهدی العبادی

آیه الحسن یالله إتزیح المحن یالله

ابحبک نطب یالله جنة عدن یالله

انته یا هیبت علي * اهمومی بیکم تنجلي**

{وابزودک دوم ارفع راسی}

********/

نور انولد یالله ضوّه البلد یالله

گلبی إبتهج یالله نال السعد یالله

یا سلالة فاطمه * نورک الشع بالسمه**

{وامضوی الکون او ارکانه}

*******/

هیبه او شرف یالله منک غرف یالله

شهر الکرم یالله بیک إنعرف یالله

انته شرفت الشهر * بالکرم دوم اشتهر**

{رمضان إشمحلات ایامه}

*********/

نبعث سلام یالله الثانی امام یالله

شبه النبی یالله سید الأنام یالله

یشبه السید البشر * هوّه للشیعه فخر**

{وابطیبه اتسولف عدوانه}

********/

الشاعر جعفر عبدالمهدی العبادی

۰ تعلیق
۱ ۰

جعفرعبدالمهدی العبادی

قصیده مولودیه جلوّه {مهدی الموعود .. ای والله} جعفر عبدالمهدی العبادی

مهدی الموعود » ای والله

دایم موجود » ای والله

******

لو هد المهدی ابهداته

نفس الکرار ابکراته

یفنیهه ابزود » ای والله

مهدی الموعود » ای والله

دایم موجود » ای والله

********

ماتگرب ناس العیاله

یسحگهه ابحافر خیاله

وابسیه ایعود » ای والله

مهدی الموعود » ای والله

دایم موجود »ای والله

**********

یفنیهه الجیش ابطگاته

من حیدر ماخذ حملاته

غیره اویه الجود » ای والله

مهدی الموعود » ای والله

دایم موجود »ای والله

********

مایگدر واحد یدناله

خیال او بچه الخیاله

وایعود اردود » ای والله

مهدی الموعود » ای والله

دایم موجود » ای والله

******

یاربی انصیح التعجیله

من یظهر کلنه انحیّله

نگطعله ازنود » ای والله

مهدی الموعود »ای والله

دایم موجود » ای والله

*********

الشاعر جعفر عبدالمهدی العبادی

۰ تعلیق
۱ ۰

جعفرعبدالمهدی العبادی

قصیده مولودیه جلوه { یالمهدی او یالمهدی} جعفر عبدالمهدی العبادی

قصیده مولودیه { جلوّه } لولادت مولانه صاحب الزمان عجل الله تعالی فرجه الشریف

یالمهدی او یالمهدی او یالمهدی

غیرک سند یا سیدی ماعندی

*********/

نورک بزغ وسط الشهر شعبانه

ضوّه الشمس ضوّه الگمر ضوّانه

شگ الظلام او شع شعت دنیانه

من حگهه شیعتکم صفت فرحانه

فرحت الک کل الفلک مولانه

یل بیک افاخر یا امام المجدی

یالمهدی او یالمهدی او یالمهدی

*********/*

من إنولد نوّر أرض سامرا

أل النبی الهذه الأمر مسترا

دره الثمینه او یا نعم هالدُره

من الیزل بینه الأرض مفترا

درب الیضدهم یا خلگ ماطرا

واسلک طریقک یا وصی من جدّی

یالمهدی او یالمهدی او یالمهدی

******//*

یابو الشجاعه والکرم مهدینه

انته الذی ابیوم الحشر تنجینه

والینه الک وانریدک اتحامینه

کظ ابعجل یالمنتظر إیدینه

جنّة عدن لمن تطب ودینه

من السراط ابکل شهامه اتعدّی

یالمهدی او یالمهدی او یالمهدی

******/*

یابو الشجاعه والکرم قائمنه

یا ضنوه من ام الحسن فاطمنه

لمن تجینه یا وصی اتحشمنه

نفدیلک ابروح او نفس وابدمنه

وابطلعتک زیح الفتن وي همنه

نبعث تهانی وي طیور السعدّی

یالمهدی او یالمهدی او یالمهدی

**********/*

الشاعر جعفر عبدالمهدی العبادی

۰ تعلیق
۱ ۰

جعفرعبدالمهدی العبادی

قصیده مولودیه جلوه { واحسینی مولوده الیوم} جعفر عبدالمهدی العبادی

القصیده علی لحن جوابی وایضا له مضاف فی الهوسه

وإحسینی مولوده الیوم نار العرش میلاده

وإنهنی فاطم حیدر صار الفخر للساده

یحسینی زود او عتبار

وانهنی الیوم الکرار

کلمن یبغضهم بالنار

{والشیعه اتدش جنه ابزوده}

***********/**

نادینه فاطم مبروک کل الخلگ والشیعه

والحیدر ابهای الیوم نعلنله دوم البیعه

ثالث امامی المهیوب واجب علینه انطیعه

مو بس نطیع الحسین والبیعه شان اولاده

با یعناهم دوم ابدم

والغیره تسری اونهتم

والحبهم لازم نلتم

{وانهوس بایعنه الوالی}

***********/*

نزلت ملایک إتصیح واتبارک إهیه الطاها

میلاد الانوار انگول یا مرحبا او حیاها

والفرحه دایم متزول کل شیعتک منواها

شهر الفرح یشعبان والشیعي نال امراده

والشیعه نالت لمراد

من والیهه بوالسجاد

مبروک انصیح المیلاد

{ یا حیدر مبروک الیله}

*********/*

هلیله مولود إحسین کمل کماله الباری

شع نوره وانشر الیوم ما ینوصف بشعاری

درسک تعلمته ابزود مِنّک خذت عتباری

خادم اصیرن مولای دربک طریقه إسعاده

منّک تِعلّمت إهوای

تشفعلی راید مولای

یمک اموتن منوای

{ یا محله الموت المحبوبی}

*************

الشاعر جعفر عبدالمهدی العبادی

۰ تعلیق
۰ ۰

جعفرعبدالمهدی العبادی

دیوان عبدالمهدی

دیوان عبدالمهدی

الصفحه الرسمیه للشاعر جعفر عبدالمهدی العبادی

قصائد لطمیه{نوحیات}

للسیده زینب ع

فاطمة الزهراء وام البنین س

للسیده سُکینه س

جسّام ع

امیرالمومنین ع

الامام الکاظم ع

للحسین ع

للمهدی عج

للعباس ع

علی الاکبر

اعتقادیات

للسیده رقیه وحمیده س

مسلم بن عقیل ع

الامام الصادق ع

عبدالله الطفل ع

للامام الرضا علیه السلام