قصیده عمودیه لشجاعة السیده زینب سلام الله علیها{ جعفر عبدالمهدی العبادی}

 

انتی حرمه لا وحگ احسین

 مثلچ ما یصح بین الحریم

 

رحتی مسبیه او علی نوگ الهزل

لاکن اهناک اشلقیتی اعله الخصیم

 

صار ابن مرجانه یمچ چالنساء

او صوتچ النار او نزل بیهه الجحیم

 

او من وصلتی الشام عد ذاک اللعین

ما سکتی او گلتی هم الله کریم

 

مثل امچ فاطمه ابیوم الضلع

گلتی حیدر ای سراط المستقیم

 

گلتی ابو السجاد قاده الکل یثور

والیثور ما سلک دربه قشیم

 

کد کیدک فما کیداً الک یبن اللآم

هذه صوت الحق فما یخفه او یدیم

 

وانت تنجر للفناء موتک جریب

او من تروح اهناک منتظرک حمیم

 

گام واختل وارتعش بدنه او نزل

وانهدم عرشه او سقط من الهبل

گال اعذرنی  یبت  خیر  العمل

رجعی اهناک لعد دار النبی ،، تم السبی،،

صوتچ الحق وآنه عد شخصچ سلیم

 

انتی حرمه لا وحگ احسین

مثلچ ما  یصح بین الحریم

 

 

****

جعفر عبدالمهدی العبادی

 

تمت بحول الله ۲۰ جمادی الاول1438

قصیده لطمیه{ الیله مضلمّه السمه چنهه ماتت فاطمه} جعفر عبدالمهدی العبادی

 

الیله مظلمه السمه

چنهه ماتت فاطمه

الله اکبر یا علي     الله اکبر یاعلي

********

اسمع  اصوات   النعي  من  السماء

إسمعت ضجّه او نحیب اویا البکاء

عالودیعه الطاهره فخر النساء

کسروا  اضلوعي مُحمّد  یا   أبا

 

انظر او شاهد لِحالي

نادته وإبصوت عالي

 

وینه بدر الغانمه

الیله مظلمه السمه

******

ها یحیدر فاطمه زهرا البتول

ما نختک وإنتخت بس بالرسول

وانته بالجذّاء ما تگدر تصول

انته وحّدک والخصم حولک یجول

 

هسه لو تفزع یحیدر

شیعتک ویاک تحضر

 

ما   تِهم   بل لایمه

الیله مظلمه السمه

*****

چنه أحّسن  بالحسن ویه الحسین

 زینبک تبچی او تنادی اُمی وین

وإنتوا  فاطم  بالظلام  إمشیعین

مو گبر واثنین سویت   أربعین

 

وانته   أخفیته   گبرها

حتّی آیه ایضل خبرها

 

حتی ناسک تِعلمه

الیله مظلمه السمه

*****

وصلت أخبار الجرت صدر ابصدر

عالزچیه ام الحسن ام الخدر

وگفت اگبال الظلم  حد الکسر

یالله یالمهدی العجل وکت النصر

 

یالله   إشهر  صارمک

وینه وینه الخاصمک

 

الشیعه کلهه إمحزمه

الیله مظلمه السمه

★*****★

الشاعر جعفر عبدالمهدی العبادی

تمت بحول الله ۲۱ ربیع الثانی ۱۴۳۸