ابوذیه ( ماچل ) جعفر عبدالمهدی العبادی

علي  نور العلیك الیل ماچل

بحر واشما غرفنه ازداد ماچل

النکر  واهوه ابسفرتک زاد ماچل

ردی او ما یمتلک ذرة حمیه

جعفر عبدالمهدی العبادی

قصیده للزهرا س ( عله طاری القناعه) جعفر عبدالمهدی العبادی

عله طاري القناعه او عیش الاحباب

حیات الزهرا لازم  کون تنیاب

کل همهه الستر وارضات ابوحسین

ولا تنشد تگول اشوده واشیاب

عله الخبزه تصوم او تفطر ابماي

غموس العدهه تنطي للیدگ باب

نطت بدلت عرسهه ابلیل الزفاف

 رضات الله التریده او موش الثیاب

نعم عند البعض کللش عجب هاي

لچن لام الحسن ماهي امن الاعجاب

واذا طاري العباده انسولف اشلون

وکت تخشع جنازه اتشوفهه احساب

لحد الاربعین امن الجوارین

 بیوت اهل المدینه البیهه الاصحاب

تسبح چانت اویاها الحیاطین

او ترتل چانت امن اترتل الکتاب

واذا طاري النسب ینجاب فد یوم

نسبهه ایشرف اشما توجد انساب

واذا طاري الکرم ام الحسن هاي

فضل عدهه امن الآهك رب الارباب

یمن عندک طلب بس تنخه واتشوف

ذهب یتحول امن اتجیس التراب

واذا طاري العلم واسوالف الدین

ملائکت السمه ابهل بیت طُلّاب

واذا عن الشجاعه ابیوم یحچون

نگول اول شهیده الطیحت انگاب

 

وحگ من هم شیوخ الناس ونگاب

انهتک باب الزچیه ابنار ونگاب

لچن طیحت لثام الگوم ونگاب

اهل ذیچ السقیفه الساعدیه

 

جعفر عبدالمهدی العبادی

ابوذیات وهوسات للعباس (مردعنه .بخالا ) جعفر عبدالمهدی العبادی

خطاب العباس علیه السلام مع الشمر علیه اللعنه

إحنه اهل الکرم محنه بخالا

وإنه الیطعن لإخو لاچن بخالا

خطّه او گلتوا خنغشّه بخالا

ولک رد لا ارد جثتک لإمیه

 

المارد قبل خروجه للمیدان کان یقول للجیش حول برازهُ مع العباس

 

اطگ وارشگ واهدّن مردعنه

تشوفوا اچفوفی بالطگ مردعنه

ساعه الجدم بالطف مردعنه

تمردع والگمر هووس لاخیه

 

هووس یا ابوالسجاد یا سبط النبي المختار

یثّائر عله الظلام یا حُر یا ابو الاحرار

ودو مارد العراک مردعته او صلیته ابنار

گطّعته ابسیفی زلمتهم

هوسات للعباس علیه السلام

 

من صار الگمر عباس واستبشر علی الکرار

ناده ابصوت یم ابنین احچیلچ نباء واخبار

یوم العاشر ابعاشور یشعل بالخصیم النار

هذه ابنچ رفعت راس،، یم الغیره

 

سیف ازماط ابو السجاد یوم الطگ والملاگه

والیگرب لحد احسین بالطف ینگطع ساگه

مثل الحمزه من ایصیب حتما یکتل اطراگه

کلمن صابه العباس،، طلّع روحه

 

هذه ابنچ یأم عباس سیف الحگ عله الباطل

بس اهوه الکفوهه ایصیر کافل والنعم کافل

یتوصف صگر بالصید ساعه الـ بالعرک نازل

وایصید الماینصاد،، هذه العباس

 

جعفر عبدالمهدی العبادي

ابوذیه للحجه عج ( وضعنه ) جعفر عبدالمهدی العبادی

وحگ الفرهدوا بیته وضعنه

ولو ما طفّه چا تهنه وضعنه

 غیر المنتقم بائس وضعنه

نجات الأُمّه بس ببن الزچیه

 

جعفر عبدالمهدي العبادي

ابوذیه ( شل عاب ) جعفر عبدالمهدی العبادی

 

تعیّب ها یشامت ولك شل عاب

عله جسم اللي من الظیم شل عاب

العب عـود تالي الـعمر شـل عاب

ونه عمري خلص کله ابأذیه

 

جعفر عبدالمهدی العبادی

ابوذیات (لاشین . شنه) جعفر عبدالمهدی وحمزه السلامی

 

مجارات ابوذیات عبدالمهدی وحمزه

یریت اعظام اهل الفتن لاشین

ابد ما حاچي عنک سوء لاشین

لما؟ شخصك عَلِي لاغار لاشین

حرب من حاطت العدوان بیّه

 

جعفر عبدالمهدی العبادی

 

يوم الواشي صوبك حرب شنّه

افزعت فزعة زلم ما گلت شنّه

 فخر یکفینه لیك اوداد شنّه

و خاويناك چی ذاتك وفيه

حمزه السلامی

ابوذیه ( وبتّاه ) جعفر عبدالمهدی العبادی

وحگ السلّبوهه اخته وبتّاه

علي امصابك شلع گلبي وبتّاه

ذهل فکري یبوالحمله وبتِاه

تضل فیتك چبیره اعله البریه

 

جعفر عبدالمهدی العبادی

ابوذیه ( طف الحسین ) جعفر عبدالمهدی العبادی

اشچم نار اللي گبّت طفه لحسین

دروح انشد یصاحب طف لحسین

سبع مرات بالطف طاف الحسین

یلم بالشوک لا تسحگ رقیه

 

جعفر عبدالمهدی العبادی

ومضه وابوذیه (کفه .. مارید انه اچفوف) جعفر عبدالمهدی العبادی

لون کل الخلگ یا صاح کفه

الحسن ارجح یضل للدوم کفه

وفه او زاد او بعد بالکرم کفه

 لما شهدت ابفضله الناصبیه

 

من بعد چف الحسن مارید أنه اچفوف

یعمي القاسم ابعینک تعال شوف

اریدک شاهد اتسولف عله الصار

تگل الوالدک عن وادي الطفوف

 

جعفر عبدالمهدی العبادی

ابوذیه (مرهفانی) جعفر عبدالمهدی العبادی

الوکت هفیته مرّه مرهفانی

تمر الدنیه لکن مرهفانی

لبوصالح اصیرن مرهفانی

واکون ابیمنة الحگ عالردیه

 

جعفر عبدالمهدی العبادی