قصیده لطمیه لامیر المومنین ع { استقبلی حامی الحمه} جعفر عبدالمهدی العبادی

قصیده لطمیه لشهادة امیرالمؤمنین ع

لسان حال السیده زینب س

 

*******

فاطمه او یا فاطمه   او  یا فاطمه

یمّه گومي إستقبلی حامی الحمه

*********

یمّه  جالچ  حیدره  فحل  الفحول

یالله  گومی  خبّری  طاها  الرسول

شفته راسه إمعصّبه إبلوعه یجول

هامته  مطبوره  وإمخضب  إبدمه

*********

نبچی او نلطم لمْا نعمی النظر

راس ابوالحمله  أیا  وسفه  أنطبر

وانفرگ  نصین  والسم  بي  أثر

لن  صرخ  جبریل  کبّر  بالسمه

*********

منهدم   والله  رکن   البي  هُدی

هذه ابو الأیتام   نفس المصطفی

مایجي   وایعود  گطعینه   الرجاء

زینب آنه   ابلا  علي  متیتّمه

**********

بالطفوله من شفت کسر الظلع

یا فجیعه بس علیچ اهمل دمع

هسه   بالکرار   گلبی   منفجع

نصبي الماتم  ونا نصب ماتمه

*****/**

 

الشاعر جعفر عبدالمهدی العبادی

قصیده لطمیه لامیر المومنین ع { یا رکن الامامه } جعفر عبدالمهدی العبادی

یارکن الامامه     ضلّینه  یتامه

من بعدک یوالي   دنیانه إبظلَامِه

********/*****

وحشه  او  مُضلِمِه  دنیانه  یا صاح

والعیشه إبهضم    منسیه   لأفراح

بس ننعه  ابحزن  والینه    من راح

ضَلمَه او هندست والبیت هم طاح

های اکبر رزیه   یا حامی الحمیه

ما یرجع دَلالی   من بعدک یوالی  ضلّینه یتامه

***********/***

طاحت خیمتی واتگشّع البیت

راسی المنطبر یا ناس  یاریت

دمعات الیتم عالوجنه هلّیت

نادیتک علي وابلوعتی إنعیت

  راح الطم وعانی   *** یتّمنی زماني

هذه الّي جرالی** من بعدک یوالي  ** ضلّینه  یتامه

************/**

جینه انودعک نصرخ  إجینه

هذه   أخر   وداع  أویا ولینه

مو وکت السفر درجع  علینه

دم اویه الدمع لجلک بچینه

سلّم عالزچیه *** اُم الرافضیه

ما یرتاح  بالي  ** من بعدک یوالی** ضلّینه یتامه

**********//*

یل عدلک چبیر او ما مثیله

ضامن للفقیر انته  او  کفیله

حمل الاُمه مِن؟بعدک یشیله

إلّه المهدی  ابو غیبه الطویله

 ما نقبل بداله    یا راعی العداله

هوّه اعلینه غالی ** من بعدک یوالی** ضلّینه یتامه

**********

الشاعر جعفر عبدالمهدی العبادی

قصیده لطمیه{ حیدر ابا الایتام} جعفر عبدالمهدی العبادی

رافع لوی الاسلام     حیدر ابا الایتام

ما مرنی هالیله     ماترضه عینی اتنام

************

مامرنی هالیله علی هالیله ماجالی

 وآنه الیتیم ابلا ولی ماجیت یالوالی

وانته التعرف المشکله من یِعلَم اَحوالی

ماتنسه دایم شیعتک حاشاک یالغالی

نار الشماته الحاقده تحرگلی دلاللی

 دِحضرلی یا ضِرغَام ***ماترضه عینی انتام

*************

منهو الیگلی المسئله هل عینی سهرانه

 مِنتظره واَنطر جیته هل روحی ولهانه

آنه او یتامة هالبلد هالیله ماجانه

 آیه المناد اِشهالخبر وضحلی عنوانه

بس لاتگلی حَیدره قِتلوُه عدوانه

شنهی الخبر چن هام ***** ماترضه عینی اتنام

****************

صَبراً عَلیّه واِستمع   یالتنشد اخباره

طبرت لَعیِن اِبهامته  والطبره غداره

اثر عَلِیه سم الحقد ماتِحصَل الچاره

والدنیه صارت مُظلِمه وادموم تتجاره

 حیدر علی المرتضی مایوم ذل جاره

من بعده صرنه ایتام**** ما ترضه عینی اتنام

************

ما مرنی هالیله علی خل آنه أَمشیله

وابحالتی او حال البلد هالیله اَشچیله

حامی حمانه المرتضی  مایقبل العیله

 یحضرنه من صارت شدد  والطایح اِیشیله

لاکنّه مسموم الوصی  والحره تِبچیله

ماتم شهر لِصیام  ******* ما ترضی عینی اتنام

************

آیه الحسن یالمجتبی  هل یصدق الراوی؟

خلینی ادخل وأنظره  والشیعی غیراوی

های الّبن للمرتضی  والعلته ایداوی

 یاچف لوی چفک علی  واچفوفک إتلاوی

بس الغدر یا ابا الحسن  هلیله مِتناوی

خل یلطم الَّطام*** ما ترضه عینی اتنام

**********

الشاعر جعفر عبدالمهدی العبادی