قصیده لطمیه { ثورة احسین مجالس مدارس } جعفر عبدالمهدی العبادی

قصیده لطمیه

 

ثورة احسین  مجالس مدارس  الک اعظم درس

یعني شیعي  صلاتک صیامک زکاتک والخُمس

الدنیه ساعات او تِمُر **والأهم صلّي الفجر

ثورة احسین    ثورة احسین 

****/**

ها یشیعي من یأذن لازم  اول بالصفوف

بیّنه لحسین امامک وضّحه بأرض الطفوف

أذن ابکرب او بلائه مأعتنه ابّیض السیوف

صفت اصفوف الجماعه صلّا والوادم تشوف

هذه درسه ،، یعبّر ، یفسّر  ،لکل واحد یحس

فدوه لحسین العمر  والاهم صلّي الفجر

ثورة احسین    ثورة احسین 

*********/**

شرد اسولفلک یمُسلم عن مواقف کربله

کلهه تعرف بالشهاده النالهه اینول العُله

وإهوه یعلم ساعه وحده  تنتهي هل مسئله

لکن ایریدک یشیعي تعرف ابقدر الصله

لازم انته،، تفکّر، تقدّر، تزکّی بلنفس

خاطر اتنول النصر والاهم صلّي الفجر

ثورة احسین    ثورة احسین 

*******//**

تعرف اشگایل الاهک عالذي ایخف بصّلات

العیشه تصبح عنده ضنکه  بالعسر یگضي الحیات

وإسمع الصادق حدیثه وإبحَر ابهاي النُکات

لاینالُ أي شفاعه او ما نحضّره بالممات

إله یهتم،، یصلّي، ابوقتهه، ولا یتبع رجس

وإعرف الهذه الأمر والاهم صلّي الفجر

ثورة احسین    ثورة احسین 

**//***

قائل  الصادق  امامک  مثلونا  شیعه  زین

انته لو شیعي هویتک یعني کأصحاب الحسین

یعني لو جسمک تگطّع توگف او ثابت یقین

یعني متهاب المنایه  تمشی توصل لأربعین

لا یهمّک ،،یفجّر ،یقتّل ،ولو خصمک شرس

لا تهم حچي الکفر والاهم صلّي الفجر

ثورة احسین    ثورة احسین 

************/**

جعفر عبدالمهدی العبادي

تمت بحول الله 29محرم 1439

 

 

قصیده لطمیه {یالله نمشی انودعه} جعفر عبدالمهدی العبادی

یالله نمشي إنودعه      عدنه تصبح فاجعه    

ضنوة اُمي فاطمه     باچر إیحل مصرعه

****/***

گومو خن ودّع حبیبي     باچر  اتفگدونه

خصمه باچر یاحرایر   من قَــفه ایذبحونه

شبه ضلع اُمي الزچیه    ضلعَهَ إیرضونه

عاري طایح عالوطیه  إبخیلهه ایسحگونه

تِسحگه خیل الرجس ** عاري وابحّر الشمس

تصبح اکبر ملحمه ** باچر ایحل مصرعه

***/***

گومن او سمعن کلامي      وآنه اگول أسبابي

باچر الوحده إبغربته        إینادي وین اصحابي

یا حبیبي او یا زهیري      یالله ردوا  إجوابي

گومو من نوم الوطیه      ما تسمعو  إعتابي

سمعو یصحابي العتاب ** گوموا ردولي الجواب

یا بدور الغانمه ** باچر إیحل مصرعه

****//**

باچر إینادي العضیده   إیناشده إبحق عوده

انته یا حامل لوائي     وگفتک  مشهوده

لاکن الوسفه اوهضیمه   امگطّعات ازنوده

 والعمود إبراسه ینطگ   والسهام إبجوده

عینه یرموهه إبسهم ** راسه نصّین إنجسم

وسفه طایح صارمه ** باچر ایحل مصرعه

***/**

باچر الأکبر ینسوه   هالعده إیوذرونه

قاسم او عبدالله هَمّه  بسّهم یرمونه

والحُسین ابلاحمیّه  خُنصره ایگطعونه

هاي آخر لیله والله    انتم  اتشوفونه

یالله گومن للوداع  *** باچر إیبدي الصراع

والسما تمطر دمه ** باچر ایحل مصرعه

*****/**

لخادم الحجه جعفر عبدالمهدی العبادی

تمت بحول الله 9محرم 1439

 

قصیده لطمیه {شمس او گمر یم النهر} جعفر عبدالمهدی العبادی

شمس او گمر** یم النهر

یتوادعن  ** یتـعانـقن

طاحن عله الگاع **من حان الوداع

****/*//*

صورة خیالک خل تطر ما بین الاثنین

مابین عباس الگمر وي شمسه لحسین

یشبگ عضیده یودعه بس تهمل العین

ظهری ابفراقک یاگمر ینجسم نصین

تترکنی وتروح ** وتزیّد النوح

هل گوم خدّاع *** من حان الوداع

*****/**

گله ارد اشمّک یا شهم خلیني اشمک

ماتنّنسی عشرة عُمُر  یعضیدی یمّک

وانته الذی یابالفضل  کل همی همک

واشلون اشوفک عالرمل یتجاره دمک

وایطیحن اچفوف *** والعین متشوف

کل عمری ینضاع** من حان الوداع

*****//**

قد ضاق صدري  جاوبه  راید اقاتل

اطفال الک وانته إبضمه  واتسمه کافل

خلینی اروحن یا شمس اسمع هلاهل

زینب  تهلهل  یا  گمر  سوي  زلازل

خلیني أزلزل ** منهوّهَ یِجبل

خلیني فزّاع ** من حان الوداع

*****/*/*

کیف أرخصک وانته الذي حامل لوانه

گلاله  اروحن  للنهر   وأرجعلک آنه

یا خویه ادری لو رحت تشمت عدانه

یعني  یقتلونک  غدر  اهل الخیانه

لاکنّه مقسوم ** والأمر محتوم

گلبي ایتگطّع  ** من حان الوداع

*********/**

خادم الحجه جعفر عبدالمهدی العبادی

تمت بحول الله 8محرم 1493

 

قصیده لطمیه { صیحه صعدت للسما} جعفر عبدالمهدی العبادی

صیحه  صعدت للسما*** والخبر هب  بالفضا

راید احسین النصیر*** یالله نمشی الکربلا

*********/**

یالله یا شیعه  ** جددوا  البیعه *** زینب إوحیده

تمشی کل خطوه*** عالارض تهوه *** وسطة البیده

تنتظر منکم ** هیّه غیرتکم *** والمشی اتریده

إمشي ابهمه *** عند ابوالیمّه ** لاترد إیده

رافع ابیمناته لیک *** یالله قدمله إدیک

لا تأخّر بالمسیر ** یالله نمشي الکربلا

******/*/*

کلشي میهمنه ** نفدي ابدمنه *** لجل ابوالعترا

تعتنی زوّار *** شیعة الکرار *** توصل الحضرا

تعرف إبکلشي ** تحضر الیمشي ** فاطمه الزهرا

نرهب اعدانه ** المهدی ویّانه *** نمشي إبأمره

طایعینه ابکل امور *** تشهد اعلینه الصدور

یبگه بس هوّهَ الامیر *** یالله نمشی الکربلا

******//**

والیهددنه *** مایرددنه *** عن عقیدتنه

کل فرد عابس *** والدرع لابس ** هذی غیرتنه

رافضه ایگولون ** واللقب مجنون** ای هویتنه

صح نعیش ابظیم**لاکن اعله القیم** تعله رایتنه

رایة احسین او تدوم**ترتفع فوگ النجوم

واهیه اول والاخیر*** یالله نمشی کربلا

****/**/*

لو تگوم اردود** چاشفت موجود *** سیفک ابیمناک

نوگف اجنودک ** ای وحگ عودک** نگلب الافلاک

شیعتک یحسین **تفدی بالچفین ** ما یطیح الواک

واحنه لک انصار** بالمشی ثوار** خل تشوف اعداک

لو وصل ضرب السیوف** خلّي اعداکم تشوف

نوگف ابحّرالظهیر ** یالله نمشی الکربلا

*****/**

تمت بحول الله 7محرم 1439

لخادم  الحجه جعفر عبدالمهدی العبادی

 

قصیده لطمیه{ طاها انذبح بالظهر} جعفر عبدالمهدی العبادی

قصیده لطمیه علی لحن گومن بنات النبي

 

عندک ضلع ینتظر ** راید لثار الکسر

واللّي أشد کربلا  ** طاها إنذبح بالظهر

******/*/*

عمک سگط یابوصالح لاجل الولایه الشریفه

وامک تنادی یضلعي  کسرته اهل السقیفه

وکته  تنادی  یعالم  حیدرنه  اول  خلیفه

واحنه جنودک نوافي  غذتنه اُمنه العفیفه

لا تنسه سطرت غبي ** یسطر وجه بت نبي

وإهیّه تنادي أبا *** طاها انذبح بالظهر

****/*//*

عندک گمر عالشریعه گطعوا  زنوده أل اُمیّه

وإبعینه صابوا سهمهُم  والجربه طاحت رمیّه

وابطیحته ضل یفکر من یروي خَوله او رقیّه

طگوا عمود إعله راسه  وإبصوته ناده اعله أخیّه

دلحگ علیّه إبعجل** یا خویه حان الأجل

منّي دگطعه الرجا *** طاها إنذبح بالظهر

*****/**

جدک وحید ابغربته ضل حایر إبّین أعادي

وده الطفل للمعسکر وإبصوته ناده مُنادی

شِربِت عذب بس أریدن جبت آنه زهرة فؤادي

عدوانه محتاطه حوله إبنبل او رماح او هنادي

رامو سهم والنبل *** گطعوا ورید الطفل

ظهر الحُسین إنحنا *** طاها إنذبح بالظهر

*****/**/

عندک هواشم تنادي بالطف جثثهم طریحه

وإموذرتهه الصوارم وإبدمهه ضلت سبیحه

یالمهدی عجّل لثارک ثار القلوب الجریحه

لاتنسه أعظم مصیبه جثّت ولینه ذبیحه

ضامي إنذبح والرسول *** وابصدره داست خیول

اکبر مُصاب الجرا*** طاها إنذبح بالظهر

****//**

اطفال الک والأرامل حرگو علیهم خیمهُم

بل بیده فرّت یتامه  یالمهدي منهوّه یلمهُم

والنسوّهَ ضلّت حیاره وإمذبحه کل زلمهم

شحچي شگول المصایب إتصوّر إنته إبصورهم

گیدوهه کلهه إبحبل ** رَکبوهه زینب هزل

میسورّهَ کل النسا** طاها إنذبح بالظهر

****/**

جعفغر عبدالمهدي العبادی

تمت بحول الله

2محرم 1439

 

قصیده لطمیه { جیب مای العلگمی} جعفر عبدالمهدی العبادی

یالله یا عباس ***إنته ابوالنوماس

جیب ماي العلگمي

****/***

آنه  اختک  من  أنادي   لازم  اتلبّي  نداي

إنته یا خویه إکفلتني و إضمنت گلت إبحماي

خویه اطفالک عطاشه او ناشدت گالتله ماي

گوم وارهب هاعساچر لا تگطّعلي رجاي

انته ابو احچایه ** اِرفع الرایه

خل تشوف الناس *** یالله یا عبّاس

***/*/*

گلهه عد عینچ یخویه أحمل او عینچ تشوف

إلّه أخوضنهه الحرایب وآنه افشکل هل صفوف

راح اجیب الماي لجلچ یختی غصبا عالانوف

ما اهمّن لو یجونی والله ضعفین الالوف

آنه ابن حیدر **بالحرب ما فر

بالفعل أنقاس *** یالله یا عبّاس

***/**

سیفه شاله او بیده رایه حامل اعله احزامه جود

من وصل عسکر اُمیّه گلهم آنه ابن الاوسود

عندی زینب خط الاحمر منهو یتعده الحدود

انتو یا زُمرة نواصب من نسب گوم الیهود

منهوّهَ إیقاتل *** آنه الکافل

قاتل الارجاس *** یالله یا عبّاس

****/**

شافته زینب أخوها گامت اتهلهله صوت

هذی جمعتهم یخویه بالخزر دلیهه موت

انته گدهه او ما أبالغ لا تخل واحد یفوت

إمِلک الشاطي ابیمنتک وإخلس العسکر سکوت

والحچوا بیهم ***/* گص ایادیهم

فارس او فرّاس *** یالله یا عباّس

***/**

ناده والعالم سمعهه هل مُبارز للقتال

وینه فارسکم اریده یالله یا مارد تعال

آنه ابوفاضل یمارد موت الاحمر للرجال

آنه معروف ابصفاتي سامع انته ابهل خصال

زینب أرضیهه ** الجربه اودیهه

وإهیه ترفع راس *** یالله یا عباس

****/**

جعفر عبدالمهدی العبادی

تمت بحوالله الله

2 محرم 1439

 

 

قصیده لطمیه { یا شبیه الحیدر} جعفر عبدالمهدی العبادی

یالله گوم إتحضّر ** یا شبیهه الحیدر

****/**

یالله یا حیدر الثانی  یالله  سیفک  شیله

والدرع خلّه اعله صدرک والحرب دمشیله

شیل  چفیة  عُمرهم  لبّسه  انته  الشیله

والمعسکر  من  تطبه  رِد  نهاره  ابلیله

یالله لا تتأخر *** یاشبیه الحیدر

****/**

علي الاکبر آنه عمک إطلع انته اویایه

بالمهنّد کظ یسارک خل نطب بالثایه

رایة الاسلام تِعله وآنه  اشیل الرایه

رایة الباطل نذلهه والله یدري ابهایه

والهُبل یتکسّر*** یا شبیهه الحیدر

****/**

 

آنه لاکبر یابوفاضل منّک إنته افعالي

أمشي ویّاک او أصولن بالضرب ما بالي

هالعساچر  کلهه  عمّي  ما  تغیّر احوالي

لو تضدنه الدنیّه کلهه یبگه حیدر والي

فکر ما یتأثر *** یا شبیهه الحیدر

****/**

مرهفه  اِبیمناته  شاله  المعرکه  اتعناهه

هذه حیدرکلهه صاحت والبعض لا طاهه

طلعت ابطال آل اُمیّه او بالصدر لاگاهه

بکر  ابن غانم  برزله  او  رگبته  کراهه

هالأمر یتکرر *** یا شبیهه الحیدر

***/**

من رجع لحسین باسم گلّه بویّه إبشاره

راس ابن غانم گطعته الماي ارید الچاره

بویه ماعندي التریده إنته تدري أخباره

ألقی (آ) ربّک وإنته ضامي طاها وي کراره

بإنتظارک کوثّر *** یا شبیهه الحیدر

***/**

جعفر عبدالمهدی العبادی

تمت بحول الله

2 محرم 1439