قصیده حر.تفعیله (کل لحظه الک حیل اشتاگ) جعفر عبدالمهدی العبادی
جمعه, ۷ مهر ۱۴۰۲، ۰۴:۳۷ ب.ظ
کل لحظه لک حیل اشتاگ وارجع واگلّب ذکریات
آنه وانته وأغرگ ابهای الفکر
نطلع او نتمشی حد ما نوصل المفرق طریق
وانته تعزل تاخذ ابدربک تروح
او آنه اروح وین اروح
ارجع ابذیج اللیالي الچنه نضحک
واسرح ابفکري علیك
اسرح الذاک الزمان
او ربي اگولن یمته یخلص لإمتحان
یمته یخلص لإمتحان
وآنه غارگ وآنه غارگ
لن اشوفن چف عله امتونی او یهز
وآنه افز
ها ییمه اشبیک
نوبه تبچی او نوبه تضحک
نوبه تمشی او نوبه تگعد
وآنه اضل صافن علیهه او ضني اُمك
وارجع اصفن واصفن اردود الهواک
وامي تبچی اتگول ما فادت العوذه او خالنودّي للرضا ع
او هیچ کل عمری گضا
هیچ کل عمری گضا
جعفر عبدالمهدی العبادی
