قصیده عمودیه للحسین ع{ یا حبیب الروح } جعفر عبدالمهدی العبادی

یا حبیب الروح یا نعم الحبیب

                   یا من العشّاگ  تنجن   إبهوا

جننت جبریل والعشگک نزل

              کلّم المختار طاها  المصطفی

آیة الاعجاب یالأعجب حدیث

               سورة النور العضیمه او  یالضحی

خصک الرحمن من دون الخلگ

               ثبتت لأسلام   وابطف   کربلا

یشهد الخصم الصمودک یاحسین

                 یاهو مثلک  هیچ   ثابت بالوغی

انته یا   باب   الحوائج   للامم

                  انته یا چف الکرم  ما بي   نهی

انته یا شافی الحبیبک یا طبیب

           انته جودک للیسئلک    بالسخی

یا سفینه المارست وکت إلضباب

              انته مصباح الهدایه  او یا  ضیا

إحسین لولاک الوجود ابلاوجود

                  چان دین الله انهجر صوب الفنا

إحسین یفرق عالبقیه ابکل زمان

                  حاضر الکل شده صد لیه النجی

احسین یشفع للمسیحی أو صابئي

                        اشحال لو تطلب روافض مرتضی

یحضرالهم لو نخوا وکت البلا

                      عله للمعلول  بحسین  الشفا

احسین یا نعم الامیر اوفتخر

                   لو صحتلک یاحسین ابکل ندا

احسین علمنی الشهامه او ما اذل

               احسین علمنی الصمود اویه الإبا

احسین علمنی الکرامه اشلون أعیش

                             ما اطخ الهام بگبال الطغا

احسین علمنی الممات ابیا طریق

                   اسلک ابدربه او مسیر الشهدا

اسلک ابدربه او مسیر الشهدا

                 اسلک ابدربه او مسیر الشهدا

**********/**

الشاعر جعفر عبدالمهدی العبادی

هوسات نجیل للعباس { من هد الگمر} جعفر عبدالمهدی العبادی

من هد الگمر العباس صوب المعرکه اتعنّه

او صاح الزلم چاوین فنه الّي  وصل   فنه

مارد کضه چن وهواس شبخه ابشبخه واتدنه

واینادی الیوم آنه ابشانه

**************/**

لمّن وصل للمیدان ناده الگمر  خل  یگرب

مایعرف صفات البیه غیرت علي لو ضهضب

شاله الغضب والعباس دخن راسه  من  عطب

ما یقبل ذلّه الغیراوي

*************/***

جر سیفه اعله خصمه ابزود واشطر مارد ابسرعه

من خزرات ابو الحملات مات الخصم من لمعه

او من هد عله الجیمان  ضاگت بیهم الوسعه

ریال الظم روحه اهناکه

****************//**

الشاعر جعفر عبدالمهدی العبادی

قصیده مولودیه جلوه { واحسینی مولوده الیوم} جعفر عبدالمهدی العبادی

القصیده علی لحن جوابی وایضا له مضاف فی الهوسه 

وإحسینی مولوده الیوم     نار العرش میلاده

  وإنهنی فاطم  حیدر     صار الفخر للساده

یحسینی زود او عتبار

وانهنی   الیوم  الکرار

کلمن یبغضهم  بالنار

{والشیعه اتدش جنه ابزوده}

***********/**

نادینه فاطم مبروک   کل الخلگ والشیعه

والحیدر ابهای الیوم    نعلنله دوم البیعه

ثالث امامی المهیوب  واجب علینه انطیعه

مو بس نطیع الحسین  والبیعه شان اولاده

با یعناهم دوم  ابدم

والغیره تسری اونهتم

والحبهم  لازم  نلتم

{وانهوس بایعنه الوالی}

***********/*

 

نزلت ملایک إتصیح     واتبارک إهیه الطاها

میلاد الانوار انگول      یا مرحبا او  حیاها

والفرحه دایم متزول     کل شیعتک منواها

شهر الفرح یشعبان    والشیعي نال امراده

والشیعه نالت لمراد

من والیهه بوالسجاد

مبروک انصیح المیلاد

{ یا حیدر مبروک الیله}

*********/*

هلیله مولود إحسین      کمل کماله الباری

شع نوره وانشر الیوم     ما ینوصف بشعاری

درسک تعلمته ابزود    مِنّک خذت عتباری

خادم اصیرن مولای    دربک طریقه إسعاده

منّک تِعلّمت إهوای

تشفعلی راید مولای

یمک اموتن منوای

{ یا محله الموت المحبوبی}

*************

الشاعر جعفر عبدالمهدی العبادی

قصیده مولودیه جلوه للعباس ع{ یالگمر یالگمر ضاوی ابسمانه} جعفر عبدالمهدی العبادی

یالگمر یالگمر ضاوی ابسمانه

یالگمر یالگمر    نعلن   ولانه

************/**

ماکو تمثال الجمالک * یرکع الکون الجلالک

یللی ماتشبه خوالک * تشبه احسین

تشبه احسین ابفعاله*** انته عنوانه اوخصاله

فرحت ابشانه الرساله *  تدمع العین

انته غایه *  وانته رایه  *  وانته علمت   الصمود

انته طاهر * بیک افاخر* اکتب اویاک العهود

یالگمر یالگمر ضاوی ابسمانه

*********//**

گطّع اگماط الطفوله* یحوی من زغره البطوله 

 هوّه معنات الرجوله *  هذه عباس

تسری الغیره ابضمیره * ما یزل لحضه ابمسیره

 یفتخر لحسین أمیره* یرفع الراس

طبعه وافی * مایجافي *ابراسه غیرت حیدره

سیفه یلمع * غیره یسطع* هذه سبع الگنطره

یالگمر یالگمر ضاوی ابسمانه

 **************

تفخر الشیعه ابولاها* من أباکم صار أباها

بوالفضل بیک انتباها**   یا  ولینه

یا نجل حامی الحمیه *** یا شفیع الرافضیه

بالحشر بیک النجیه* کظ ادینه

تشفع النه ** یا أملنه * بالحشر نکسب أمان

  ماتردنه* یا عمدنه  *تفتخر   بیک  الجنان

یالگمر یالگمر ضاوی ابسمانه

*************/*

نعلن افراح او تهانی* الیله یا أحله الأمانی

والسعد طار او اجاني** یبعث اشواگ

غردت لیک البلابل* خضّرت شانک سنابل

 یللی ماردیت سائل** گلبی مشتاگ

روحی جتلک *واعتنت لک * یا حبیب الله الشهم

ماهی صدفه **شوگ او لهفه** گلبی یخشع للاسم

یالگمر یالگمر ضاوی ابسمانه

 ************

الشاعر جعفر عبدالمهدی العبادی

 

 

عتاب { وسجاد .. والحسین } جعفر عبدالمهدی العبادی

هلي العباس   واحسینه   وسجاد

وانه الامشی ابطریق اهلي وسجاد

یمن راید نجی^ا ابحشرک وسجاد

تمسّک بالوصی حیدر ابا اتراب

*********/**

هلي المهدی ویه اکبرنه والحسین

تعلمنه  الکرم   منهم   والحسین

ابو صالح  لوّن  یظهر والحسین

یقیم المحمکه او یرفعهه الاطیاب

***********/**

الشاعر جعفر عبدالمهدی العبادی

موال ازهیری { الی امیرالمومنین ع حتی المهدی عج (من هلک)} جعفر عبدالمهدی

عطر المجالس علي هیله صبح من هلک

 شیعه نضل رافضه   بس الرجح منهلک

راح آنه اگولن  یهم  للماعرف   من هلک

 ام الحسن    فاطمه  حیدر علی  بعلها

هیّه    الفخر   وافتخر  دایم  أنا  بعلها

 عالی   المقام  إصبحت ما واحده بعلها

عدهه الحسن بالکرم یاهو الذی یوصلا

وابگده ماضن شخص صایم یضل یو صلا

سید شباب العدن چان النبي   یوصلا

 بحسیني  دوم  أرتفع والّی  یضده هوّه

قائد روافض  علي  ثالث   إمامی  هوّه

گلب المحب یومی له والطفه دایم هوّه

یگصد لعند الکفل نِعمِ  الإخت  زینبا

 ام البنین  إتعبت  شان  البطل    زین أبا

وفّه  التعب  من زمط من حیدره زینه با

عم تسعه صار الوفی تسعة حُجج عمَّـهُم

من انولد مهدیک شیعه الفرح عمَّهُم

ناس الحچت بالحقد ربک یسل عمَّهُم

طاب الیطب کل شخص یبغض علي من هلک

 

**********/**

الشاعر جعفر عبدالمهدی العبادی

موال ازهیری لشعبان { هلّ بی و مایزل} ویالمهدی { بی هله} جعفر عبدالمهدی العبادی

شهر   الولایه  ابتهج    بإحسیننا  او هلّ بی

صحت آنه یابالفضل گلب المحب  هلّ  بي

دمع   الفرح   عالوجن  من   إبتشر هلّ بي

زین العباد  التبع   ثابت    یِضَل   ما يِ زَ ل

و الاکبر   إبرایته  شامخ   علم   ما  يِ زَ ل

 للمهدی  من هوسوا بس  الغبر  ما يِ زَ ل

من یظهر إلطلعته  اینادی  الخلگ  هلّ  بي

عطر  الکرم   شع  وانتشر  بي هله

مهدی الامم صاح المحب بي هله

لن  یعلم   الهای   الوله    بي هله

فُوز او نجات امن السقر واتعدّی

یالمهدی او یالمهدی او یالمهدی

*******

 الشاعر جعفر عبدالمهدی العبادی

ومضه لولادة العباس ع جعفر عبدالمهدی العبادی

یاهله ابچف الزمط بي حیدره

گلبي حبک وانته سرّی عالمه

یا هله ابنور المحافل کل مکان

کافل الحوارء .. زینب فاطمه

 

************/**

الشاعر جعفر عبدالمهدی العبادی

بیت یاحیدر { من ربّه} جعفر عبدالمهدی العبادی

حیدر   علي   نِعم   الولد  من ربّه

ماخذ   صفات   المکرمه  من ربّه

نظره ابحسر صوب الخیم من ربّه

صاح  الصبر  والزینب إخته اتعذر

یا حیدر او یا حیدر او یا حیدر

******/**

الشاعر جعفر عبدالمهدی العبادی

بیت یا حیدر {مشایه } جعفر عبدالمهدی العبادی

احسین قران العذب مش آیه

واحنه النزوره ابکربلا مشایه

حتی المگرم من ندب مشا  یه

وهیّه المعاجز کل سنه تتکرر

یاحیدر او یا حیدر او یاحیدر

********/*

الشاعر جعفر عبدالمهدی العبادی