قصیده لطمیه ( لاضلت انصار اتناصر) جعفر عبدالمهدی العبادی
لا ضلت انصار اتناصر
لا عباس الکافل حاظر
لا واحد من اهل الغیره
ضلت بس زینب بالحیره
یا زینب ویلاه یا زینب ویلاه
یا حیرة زینب بالعاشر من حرگوا لاخیام
اطفال او نسوه امسلبیهه واسیاط الظلام
راحت للعباس اتنادي شوف اختك تنظام
گوم انهض واچفوفك ردهن ما ردناك اتنام
گوم الحگ یالکافل گوم
ردناك احنه الهذه الیوم
گوم انهض یا راعي الغیره
ضلت بس زینب بالحیره
یا زینب ویلاه یا زینب ویلاه
من شافت عباس الکافل طایح وامطبّر
شاطت واتدور بالحومه وصلت للاکبر
رادت کون اتحشمه اوتنخا شافته اموذر
یا وسفه اعله الیشبه طه والیشبه حیدر
یا وسفه اموذر بالحومه
طایح وامسلبین اهدومه
والگوم امقتلین الخیره
ضلّت بس زینب بالحیره
یا زینب ویلاه یا زینب ویلاه
والقاسم نایم شافته او یا محله النومه
عریس اموذرینه او طایح ما کمّل یومه
واچفوفه امحنایه او حلوه والحنّه ادمومه
مامن واحد ینغر صاحت واشکبر الحومه
یالقاسم یا عمّه القاسم
انهض هد اعلینه الظالم
نار ال بل خیمات اچبیره
ضلّت بس زینب بالحیره
یا زینب ویلاه یا زینب ویلاه
صعدت عالتل او مهضومه بت حیدر یا ویل
مامن واحد یفزع صاحت وایرجّع هالخیل
لو ما ینغر واحد بیکم نرکب عالهزّیل
نتگیید بحبال الکافر من غصبن وانشیل
میسورات او نمشی الکوفه
اخیالی المحد چان ایشوفه
بالگید انطب وسط الدیره
ضلّت بس زینب بالحیره
یا زینب ویلاه یا زینب ویلاه
جعفر عبدالمهدی العبادی
ای کاش سبک شعر رو هم میدادیند