قصیده لطمیه للحسین (صاح الا من ناصر) عبدالمهدی
دوشنبه, ۲۱ مرداد ۱۳۹۸، ۰۱:۰۸ ب.ظ
صاح ألا من ناصرٍ يحمينه
وحده حاير والعده امحوطينه
وحده حاير والعده شبه الدبيب
يا زهير ايصيح مرّه او ياحبيب
ماكو بل انصار اله واحد مجيب
والبَطل یم النهر چفینه
والبطل یم النهر طایح وذر
صاح وسفه اعلیك عباس الگمر
انته نور اعیونی یا ماي النظر
ليش نايم والعده تولينه
لیش نایم والعده اخلافک زلم
زاد بیهم خویه یا خویه العزم
وآنه حیلي اعليك كامل منهدم
واحنه من دونك تره اتعذبينه
صاح زينب جهزي الميمون الي
لاچن ابیاحال ابن حیدر علي
اتگله من بعدك نضل ابلا ولي
گلهه امر الله وامنفذینه
تالي من لاح المهر بيهه انحدر
ضامي چان احسین وانزل عالنهر
من غرف یشرب ینادونه ابخبر
الحگ اخیامک تره امحرگینه
ذبه من چفه او رجع صوب الخیم
ثاري خدعه امن الخصم بيهه افتهم
طفله یابه او گال وین اهل الشیم
شنهو ذنبه وانتم امعطشینه
جعفر عبدالمهدی العبادی
