قصیده لطمیه ( زفة القاسم) جعفر عبدالمهدی العبادی
زفة القاسم یا بني هاشم
علگوا الشمع زهبوا الخیم
یا بني هاشم یا بني هاشم
*
زهبوا الهنادی الزفته ، جهزوا اهدومه
یبن الحسن حان الوعد، اي وصل یومه
سل صارمک یبن الاسد، واگصدالحومه
چفک یعمي للعرس ، حنته إدمومه
عاین عمامک وإخوِتک عالارض نومه
صَب الدمع شیل العَلم
یا بني هاشم
علگوا الشمع زهبوا الخیم
یا بني هاشم
*
ناده الحُسین ابعبرته ، وإتهمل عینه
صیحوله بت عمه تجي، إتودعه إسکینه
بیني الوعد یبنیتي ، والوعد بینه
بالجنه تصبح زفته ، من تلاگینه
واُمي الزچیه الشاهده ، عن محاچینه
تحچی الوضع هاي الچلم
یا بني هاشم
علگوا الشمع زهبوا الخیم
یا بني هاشم
*
صاحتله رمله یالولد، وهیه محزونه
صوب المعاره هالبدر ، لا تزفونه
لحظه العُمر ماریدنه ، او شلّي من دونه
فدوه الجماله الوالده ، فدوه لعیونه
گلبي فلا یحمل قهر، لا تفجعونه
من هالفجع گلبی انجسم
یا بني هاشم
علگوا الشمع زهبوا الخیم
یا بني هاشم
*
یتخطیٰ بجدامه طلع، چالبدر ساطع
صاحن یولی إبن الحسن ، للحرب طالع
اُمه عله الخیمه اوگفت ، تبچی وتباوع
والنسوه حاطنهه او بچن ، لا فلا راجع
حد ما وصل صوت البچي ، لسمه السابع
صوت الجمع لبن الشیم
یا بنی هاشم
علگوا الشمع زهبوا الخیم
یا بني هاشم
*
جعفر عبدالمهدی العبادی
محرم ۱۴۴۰ هـ ق
سلام احسنت جمیل