قصیده عمودیه { انته یکفیک الفخر واکبر دلیل } جعفر عبدالمهدی العبادی

قلمي محتار او حرت شکتب بعد

                          صافنه افکاری او حواسی إمحیرات

انته   یا   نِعم   البطل   ربّا  علي

                          دمک المنصور چان اعله الطغات

انته من ینجاب طرواک ابمکان

                               تحضر امک هیّه نِعم الامهات

انته   یا   آیة   حقیقه  اعله  البطل

                              انته اسمک دوم خل المشکلات

شرفتنه ابهل  قدوم   او  طلعتک

                                 نوّرت   عرش   الله  ویّه    الکائنات

انته ربک بی غفر ذاک المَلَک

                                       صحه جنحه او صار من الطائرات

انته لو لاک الشهامه   إمیتّمه

                       وحدک او چانن سیوف املازمات

ماتهم بیهم رحت واتصدریت

                                      من خزرتک نوّلت خصمک ممات

انته مو سوره او نعدّک لو سوّر

                                 انته قرن العذب والمحکمات

 انته مابیک المشابه للمریض

                               وانته آیاتک عجیب امرتبات

انته حیّرت العقول او کل قیاس

                                       یا قیاس الیگدر ایقیس الصفات

انته طاهر والیحبک هم طِهر

                           یعنی اُمه اتکون من الطاهرات

وانته ربّک یفرد الضدّ ک شمال

                                  یدخل ابناره او تحرگه الحامیات

انته قطعه او روح من عند النبی

                                    انته ریحانة نبینه ابهل حیات

انته یکفیک الفخر واکبر دلیل

                                   للّی ما صلّه علیکم تنرفض منّه الصلات

****************/**

الشاعر جعفر عبدالمهدی العبادی