قصیده مولودیه للامام للرسول والامام الصادق {سبحان رب الخالقک} جعفر عبدالمهدی العبادی

سبحان رب الخالقک  عالهالخُلِق  سبحان

ندمان  کلمن  عاندک  یوم  الحشر ندمان

**********

واِنته  الشرف یوم الحشر یوم القیامه

والعاذلک یبگه  إبقهر  یبگه   ابندامه

والّی یحبک عالسراط اتعبّره انته ابسلامه

سلطان تبگه  عالبشرحد   الابد سلطان

**********

بس شیعتک توفی او تضل صادق عهدهه

 هالرافضه   ترفض   تضل کلمن یضدهه

بیک الفخر سید البشر  وانته    ضمدهه

خوّان احنه   ابطاعتک  من الازل   خوّان

**********

سَیدی  الجَهل بیک اند حروإنته  الدحرته

 نور إِبظلام الّی   ضوه    إِنته      العلگته

 

عزة نفس   أَوضح   شمس  والکل   عجبته

فرحان  تدری  إِبمولدک جن او إنس فرحان

********

خاتم نبي   او   اول  نبي  لأهل المعالم

دین الکرم    دین   العزم   دین المُسالم

رحمه  اوخُلق  إِعله  الخَلق یا ابوالقاسم

غرگان تدري  کِالمُحِب من العشگ غرگان

************

حیدر  علي   بعدِی  الولی  إِنته الگلتهه

ابیوم  الغدیر جمع الخلِگ کِلهه إِجمعتهه

واعله  المنصه اِمن إِصعدت ایده ارفعتهه

 ایمان آمنه ابعلی   وابحیدرک     ایمان

**********

وصه النبي هذه الوصی صادق الافعال

 صادق وعد یوفی العهد صادق الاقوال

من المهد  حد  الابد لا  حُـــبّه    مازال

 برهان  ربک   أَیده  یا   محله   برهان

**********

وابوالقاسم  وکت إِنبعث  بین حقیقه

 بث العلم  لاهل الفهم لأهلی الشیعه

کل البشر  مدیون  اله  واجب   إِنطیعه

قرآن   ناطق یمشی عالارض مولد القرآن

*********/****

الشاعر جعفر عبدالمهدی العبادی