قصیده للسیده زینب ع { ثوره الزینبیه} جعفر عبدالمهدی العبادی

صدگ زینب مشت راحت سبیه

 کمال    النهضه  ثوره  الزینبیه

*********

تمت الحجه العلیهه   او  بلّغت

 والنوایب  ما  تهمه  اشما  جرت

همهه ابن هنده وکت بیهه  شمت

 وین  اخوتچ  یا  عقیله  الهاشمیه

*************

وین   اخوتچ  وین   صارو  یا کتر

 شفتی  الله  اشلون  جابلنه   النصر

صاحت  إخرس  آیبن  هنده  القذر

 وینک  انته  او وین بنت  الفاطمیه

**************

آنه بنت الحید بنت عقد الوله

وانته اصلک لا رجوله او مرجله

وآنه  جدی  العلّم   الوادم  صله

 وانته ابوک ابذاته ما یملک حمیه

**********

آنه بنت راعی الشداید لو حضر

 وانته   ابوک  ابحیله  دورله مفر

وده عمرو العاص هاتف للخبر

 لن رجع لاثوب عنده او لا ردیه

**********

آنه بنت کرار یشهد خندقه

وانته ابوسفیان ضایع مضجعه

اهلی  من  تفزع  تروح  امفرعه

 ما یهمه الموت وامطلگه الدنیه

**********

ضربت الضرغام ساوّت ثق لین

 علي ذولنورین اعنی الحسنین

وانته  ابیک  چان  یعبد وثنین

 یعبد  العزِّ  ویه  الّات  سویّه

************

وکت سمعوا من کلام الطاهره

 صارت الوادم ابضجه او حایره

والّی بیده الکاس طگه او کسّره

 کلها  صاحت  تبّا  الکم یا اُمیه

**********

لاربعین اتکون یا هالشیعه سُنّه

عدنه موعود او نحضره انروح کلنه

انروح وانزور الشفیه  اهناک جنّه

 انواسی زینب کل سنه الهای القضیه

*************/***

الشاعر جعفر عبدالمهدی العبادی