قصیده لطمیه {یخویه یبو السجاد} جعفر عبدالمهدی العبادی
عگب
الکفیل *دمعتیِ إتسیل ** صِحتک ادخیل
یخویه یبوالسجاد
تِدمع
العین *خویه یـحـسین*خانک البین
یخویه یبو السـجـاد
یبو السـجـاد * یبوالسـجـاد* یبو السـجـاد
یخویه یبو السـجـاد
***********
خویه حبک ساکن إبدلالی
من عفتنی عَذّبیت احوالی
آنه إختک وانته الی یاغالی
یا عزیزی دایم انته ابّالی
خویه تدری ** تآه فکری ** اِنهتک ستری
یخویه یبو السـجـاد
**********************
وآنه حرمه إبلآ ولی عفتونی*
باقیه بـــــــــــالـحـیره آیه اعیونی
تدری بِـخـلافک إنه اِیشتمونی
آنه بنت خیر البشر سمعونی
یا خلیلی**ما تجیلی**شب دلیلی
یخویه یبو السـجـاد
**********
گلهه
خویه آنه ظهری مِنکسر
راح عباسی او عَمیدی والذخِر
طِـلبِتـی منِـچ یخویه بس صَبر
وآنه إِبدمی علیهم مِنتصر
إتگله وفیت** وإنته ادّیت ** ریت ما جیت
یخویه یبوالسـجـاد
******
آنیِ للواجب خرجت إبعزوتی
مثل إبویه طلگتهه دنیتی
طلعتی نهی الفواحش طلعتی
للیسر هم أدری تمشی إبنیتی
خویه معقول **تالی مچتول**اتسحگک إخیول
یخویه یبو السجاد
**********
بالیسر بالـچ عَلی إیتامة هلی
یختی روحی لا یهمـچ عاذلی
واللّه من یدنوچ یگلبهه علی
هذی ثورة دین مکتوبه الی
صاحت إنروح **وإنته مطروح **گلبی مـجـروح
یخویه یبو السـجـاد
**********
خویه أمرک نِمشی یا مولایه
روحی یمک روحک إنته اویایه
خویه یومک والله شَل إعضایه
بَلوِتک یا خویه هَم بَلوایه
هذا الودآع* وانته عالگاع *ماکو فزّآع
یخویه یبو السجاد
********
الشاعر جعفر عبدالمهدی العبادی
