قصیده لطمیه {آنه فاطمه الزهرا الزچیه} جعفر عبدالمهدی العبادی

آنه فاطمه الزهرا الزچیه***آنه  الباکیه صبـح او مسیه

آنه مکسورة ضلع ***  آنه  گلبی منفجع

او ذبحوا احسینی امیه

***********

هجموا اصحاب الرزیه او باب داریِ  إحرگوا

واصرخت دلحگ یبویه، ضلعی  بالباب اکسروا

بعد  اگلک  یا نبینه ، محسنی  هم  اقتلوا

ما گدرت اصبر یبویه ، حیدر امـچـتـف خذوا

واصرخت یا عاذلی *** یاللّه رجع لی علی

آنه مکسورة ضلع *** آنه  گلبی منفجع

او ذبحوا احسینی امیه

************

امک  آنه یلحسن  یالّی  سموک إبغدر

طارعگلی ابمقتلک  اللّه ینطینی الصبر

ریتهم رحموا ابحالک إمة السوء الکفر

لاکن انته شیعوک او صارلک احسن گبر

ریتک اتشوف الحُسین ***قطعوا منه الوتین

آنه مکسورة ضلع***آنه  گلبی منفجع

اوذبحواحسینی امیه

*************

آنا ام عباس  آنا، ضحه  لولیدی  الچفوف

ریتک اتعاین الحالی او حالتی ریتک تشوف

ضربوا العباس یمی او جِمعت اعلیه الصفوف

صحت لا تقتلو ا  اولیدی صرخت اویای الطفوف

شیعتی سمعوا  احوالی  ماشفت بیهم رئوف

قتلوا احبابی اگبالی** ابد مارحموا ابحالی

آنه مکسورة ضلع***آنه  گلبی منفجع

او ذبحوا احسینی امیه

************

آنه ام ذاک الشهید   داسته   الخیل   ابظلم

آنه کسروا ضلع منی او رضوا اضلوعه الخصم

آنه حرگوا باب داری او حَرگة اخیامه الهضم

آنه  لبکی طول دهری، ابد ما عطل الطم

آه یاذبحت فوادی ***للابد انصب حدادی

آنه مکسورة ضلع***آنه  گلبی منفجع

اوذبحوا احسینی امیه

***********

آه یمصاب العقیله شافت امصابی الـجـره

إتیتمت من الطفوله او رئت مقتل حیدره

للحسن نصبت عزاهه او بچت لیهه ابزنجره

اتشاهد الـمقتل اخوها اتصیح رحموا ابهالـمره

آنه ام زینب إنا ، شفت  تمشی امیسره

انه ام الی سبوها ***بالسیاط الی اضربوها

آنه مکسورة ضلع***آنه  گلبی منفجع

او ذبحوا احسینی امیه

***********************

الشاعر جعفر عبدالمهدی العبادی