قصیده لطمیه {عباس عباس} جعفر عبدالمهدی العبادی

عباس عباس عباس عباس**هیبة کلامی  هو المحامی

بید ابو فاضل   رایة امامی *** عباس عباس عباس عباس

***********

یا عمی الیث صاحت اسکینه

یا ساقی المای من المدینه

وعدک یبوالجود لَحِّگ علینه

بیمینه صمصام راجع اِحسینه

رخصنی للمای ** هذه آنه رجوای

یفنیهه  الارجاس  عباس عباس

**********

یا خویه یحسین بس آمر اِیصیر

 روس المراجل جدامک اِتطیر

من سیفی معلوم ما حاجه تفسیر

 آنه المبارز تصدیق او تصویر

موعودی هالیوم *** رخصنی عالگوم

غابض الانفاس   عباس عباس

******

نبع   الاخوه  راعی الرجوله

هذا ابوفاضل سجل بطوله

وابصوت عالی گلهم یجوله

 عسکرکم افنی آنی ابسهوله

شبل ابوالحسنین***ارجالکم وین

هذا انی یاناس *** عباس عباس

********

هالیوم بالطف انعود الاحزاب

غزوة المختار وی داحی الباب

ماهاب ماهاب من گصة الرگاب

لخلی  الدم  یوصل  للرچاب

ناداهم ابصوت **هل جاکم الموت

والغیره بالراس**  عباس عباس

********

ما چنت اَنا حیف یوم الظلیمه

وکت الزچیه  صبحت  یتیمه

هجموا  علیهه  ناس  اللأیمه

چاگطعتهه  اِچفوف  الجریمه

هم ناخذ الثار ** وی مهدی الاحرار

واِیصیح لا باس *** عباس عباس

*******

رایة  الکرار  رایة  شرفنه

بید  ابوفاضل بیهه  انعرفه

بیت النبوه لیهم   هتفنه

شجاعه والجود هذا سلفنه

والماضی معروف  ***خالعالم ایشوف

بی نرفعالراس**** عباس عباس

*********

الشاعر جعفر عبدالمهدی العبادی