قصیده لطمیه لام البنین والعباس ع { یمّه عینی لازم اتباری الخواتک} جعفر عبدالمهدی العبادی

یمّه عینی   لازم   اتباری   الخواتک

یمّه عینی   من رحیلک حد مماتک

یمّه عینی

یمّه موعد عالفرات    توگف الحد الممات

یمّه عینی  یمّه عینی

**********/**

یمّه وعدک والوعد عندک ثمین

رضّعیتک غیره من ثدیی الحنین

توعد اتوافی العضیدک للحُسین

گلهه   أمرچ   یمّه  یا اُم البنین

آنه اوافی    خادم الاُمی الزچیه

آنه اوافی    کافل  الحُرّه  الابیه

آنه اوافی

اوگف اگبال الطغات   یمّه موعد عالفرات

یمّه عینی    یمّه عینی

**********

لا تجافي بللي   گاله  والدک

تسقي اطفال العطاشه موقفک

والهم  اتخلّي  ییمّه امساندک

کافل انته   والعقیله  ابشاربک

هذه واجب   لازم  اتروّی  الیتامه

هذه واجب   توگف احزام الامامه

هذه واجب

یُعتَبر مثل الصلاة    یمّه موعد عالفرات

یمّه عینی    یمّه عینی

**********/**

آنه  عباس   البچت  منّي   الرجال

اشلون اخونن وآنه معروف  الخصال

لإختي ما   توصل  ولو  هبّت شمال

توصل  أخباري  التسرّچ   عالنزال

کلهه تحچي     باچر ایشیع الخبر

کلهه  تحچي   هذه ابن فارس مضر

کلهه تحچي

مارکع شان البغات   یمّه موعد عالفرات

یمّه عینی    یمّه عینی

**********//**

تبچي ضلّت بالدموع  ساجمه

راسي إترفعه یبن حامي  الحمه

تحضر أدر ابکربلا الکم فاطمه

وانته تصنع یمّه اکبر ملحمه

گَلّي حیدر    عینک اتنول السهم

گَلّي حیدر  عگبک إتشب الخیم

گَلّي حیدر

زینب إتواجه شمات    یمّه موعد عالفرات

یمّه عینی    یمّه عینی

**********/**

الشاعر جعفر عبدالمهدی العبادی

قصیده لطمیه { شیعه * نلطم علی احسین الصدر*شیعه} جعفر عبدالمهدی العبادی

القصیده علی لحن دنیه * مابیهه بس هم او غدر* دنیه

**************

شیعه __ نلطم عله احسین الصدر

شیعه__ للمهدي ندعي  او  ننتظر

شیعه   __ یا  ربّي عجّل  لل أمر _ شیعه

********/**

من یمر عاشور بینه  –  کلنه نحزن  – کي نواسي

  زینب إحنه

عدهه عباس الکفلهه – إچفوفه طاحن – وهیه تبچي

والله محنه

نادته إتعاتب یخویه – وینه وعدک – یل جبتني

ما تردنه

صاحت – ما  ردنه ماي المشرعه

صاحت – ویلي  الچفوف امگطعه

صاحت – ضلّت غریبه اُم الخدر – شیعه

*******/**

زادت الفتنه إب أُممنه – والّي یفتن – گلبه طابع

یا الهي

ذبحوا الشیعه ابحقدهم – والقتاله – بالشوارع

  یا الهي

والسبب چ گلنه حیدر – اول اول – ماهو رابع

یا الهي

نِصبر- دایم  علی  جور الزمن

نصبر – وامعلمین إعله المحن

نصبر – مهما یمر بینه العصر –شیعه

*******/**

ثارک إنریده یمهدي – اظهر اظهر – الشیعه نادت

یا بوصالح

اُمک الزهرا الودیعه – هم تنطرک -  عالي صاحت

یابوصالح

ضلعي کسروه العواذل – ثاري اریده – تالي طاحت

یابو صالح

عجّل – والشیعه کلهه إبخدمتک

عجّل – نفنیهه   ناس الخانتک

عجّل – یالمهدي مَـلّانه  الصبر  - شیعه

******/**

نگصد احنه الکربلاهم – مایهمنه – بل یفجر

ها  یشیعه

بیهه ابوالسجاد ضامي – نحره گطعوا – آل اُمیّه

یا فجیعه

واحنه نمشیله اونزوره – بــأربعینه – هذه موعد

للودیعه

نمشي – حافی القدم حد حضرته

نمشي – واجب علینه   إزیارته

نمشي – خلّي الیضدنه ینتحر - شیعه

******

الشاعر جعفر عبدالمهدی العبادی

ابوذیه { ودّا} جعفر عبدالمهدی العبادی

وحگ ذاک الیشافي السگُم ودّا

دلیلي إنجعل   لأل  البیت  ودّا

یطیر الشوگ إخذ   الگلب  ودّا

الطوس عند الرضا او أدّي التحیّه

******/**

الشاعر جعفر عبدالمهدي العبادی

ابوذیه { برکان} جعفر عبدالمهدی العبادی

 

أحس إیمال  صبري  إبوحل   برکان

او طفح وسط الگلب یا صاح برکان

لچنّي   إتمسکت    بالعوز    برکان

الهُدی  وما ضاگت  الدنیه  علیه

**********/**

الشاعر جعفر عبدالمهدي العبادی

قصیده عمودیه { گالوا انتم مشرکین} جعفر عبدالمهدی العبادی

 

ترکوا حیدر گالوا انتم مشرکین

والیعوفه منکم  اینول  النجاح

 

ناس تبعتهم فقیره إمن  العقول

تالي  دزوهم  زعمهم  للکفاح

 

ذبحوا الشیعه عجیبه  إبلارحم

مد  علیهم   لیل  ما  فیه الصباح

 

 لاکن الله الیفضح إبهیچ الشکول

هب خبرهم اي نعم  هبة  ریاح

 

 فسداً  اي  نسوانهم  عملاً  زنا

تالي سموهه  إبجهادن  للنکاح

 

یعني ماعدهم دیانه او لا جهاد

یعني شغلتهم رذیله او بس فساد

الله  شال الثامهم  طاح السواد

یعني اُمتهم فتن  مو  للصلاح

 

هذي تالیته  الیعوف  المرتضی

یخسر او لاما یحصل اي فلاح

 

واحنه والینه الأیمه  او  ما  نعوف

حب علی الکرار عدنه أقوی سلاح

 

واحنه ما ذلینه چه  عدنه  الحُسین

واحنه طیر الحُر لوّن طگ الجناح

******/***

الشاعر جعفر عبدالمهدی العبادی

تصویر گیف { مرت الجمعه یمهدی} جعفر عبدالمهدی العبادی

ابوذیه {منصبلهم} جعفر عبدالمهدی العبادی

أبد هیهات عمري  منصبلهم

وانا الودّی  یلایم  منصبلهم

ابوالکاظم   ویهله   منصبلهم

رفیع الشان  عد  رب  البریه

*********//***

الشاعر جعفر عبدالمهدی العبادی

قصیده لطمیه للصادق ع { مجالس مجالس أمیر الجعفریه} جعفر عبدالمهدی العبادی

مجالس  مجالس    أمیر  الجعفریّه

مدارس مدارس      تخرّج   رافضیه

بیهه ابوالکاظم مُدرّس  *** صاحب الغایه او مؤسس

مجالس  مجالس

******/*****

صادق او صادق فعاله **  بالعلم  ما من مثاله   

  فعله مصدر

ثابت او ثابت کلامه  ** واضحه ابوجهه الامامه  

جدّه حیدر

لو حچه قران ناطق  ** اي نعم جعفر الصادق

  بسمه نفخر

مدرسه او دایم تِعلّم **بالسدر هوّه المعلم  

  ما  تِأخّر

درّس إشیوخ المذاهب   **   بیّن انواع العجائب

تالي نکروهه القضیه  ** مجالس مجالس

*******/*****

من یسولف کلهه سکته ** نفسه طاها لو وصفته  

  بالهواشم

علمه والمنطق رهبهم ** رکعوا او دگّوا رکبهم   

  والله عالم

 بیته حرگوه ابخیانه ** والله ماعدهم دیانه   

  خصمه ظالم

اي نفس أل الرزیه  ** والحرگ باب الزچیه  

 أُمّه   فاطم

بالحبال امگیدینه *** ینجر إبأرض المدینه

اشگد قبیحه الناصبیّه ***مجالس مجالس

********/**

یمشي واینادي اشکبرهه ** اتذکرت عمتی او خدرها

والارامل

یا مصیبتهم مصیبه **    آه یا زینب غریبه 

والثواکل

حرگوا اخیمهم علیهم ** فرّوا او محّد یجیهم

ماکو عادل

نادت العالم حزینه ** یالله رجعونه ولینه

 یل عواذل

هذه چن طاها أمینه ** ثورته او ثورةحُسینه

اي نعم خیر البریه ** مجالس مجالس

***********/**

هانوا الصادق یشیعه** هذي بالعالم فجیعه

 نلقي سُمعه

دزّوا السم الحقوده ** هزوا الدین او عموده

 خل نودعه

اظلمت الدنیه عَلینه **  نلطم الیله إجینه  

 جُمله جَمعَه

یا أمیر الشیعه جعفر ** في عزائک کلنه نحضر

 فزعه فزعه

نعلن الیوم ابحداده ** نلطم او ناخذ شهاده

واحنه نخرج رافضیّه  ** مجالس  مجالس

******/***

الشاعر جعفر عبدالمهدی العبادی

قصیده لطمیه لجسّام ع{ بدر الهواشم طلع} جعفر عبدالمهدی العبادی

القصیده علی لحن گومن بنات النبي ص

بدر الهواشم طلع      چنّه الگمر من سطع

یشبه صفات الحسن   للطاغیه   ما   خضع

******/**

هلیله زفّه لجاسم   علگن شمع یا حرمنه

نادولی سکنه ینسوه خلوهه تضوی خیمنه

نوفي وصیّت اخونه  تنزل ملایک خدمنه

کلهه تخدمک یمعرس هلیله چانت أملنه

حنّه او عرس للبدر *** فجر الحزن لایطر

باچر تبدّي المحن ** للطاغیه ما خضع

******/***

نادتله رمله أبصباحه خلینی اشبگک واشمّک

عمّک وحید  إبغربته   گوم  انته ناصر لِعمّک

راح او یگلّه ترخّص   فدوه آنه دمي  لدمّک

 ناداله  لا  لا   تقاتل  إرجع   یعمّی   لِأُمِّک

یاعمّي رد للخیم *** خایف یلوحک سَهم

ما ترحم أهل الوَثن ***/* للطاغیه ما خضع

******/**

راح او یردله ابوصیّه جاله  ابعزم  وابتسامه

راید  أقاتل  یعمّی  عندی  ابیمینی  علامه

رخّصتک ارحل یگله  یبن  الغیاره  النشامه

من هد یبارز خصمهم ذکّرهه خیبر حسامه

شبهه الحسن من یکر ** ذللهه جیش الکفر

قاتل لإهل الفتن ** للطاغیه ما خضع

*********/**

 کَر عالزم   بالحریبه    نزلهه   بیهم   زلازل

ضل یرتجز آنه وآنه   واگطعهه روس العواذل

ناده المناد إعله گومه  من هوّه هذه  المناظل

حرب الجمل صوّریته  چنّه الحسن من یقاتل

بالهدّه مارد  أبد ***  عالذله لا ما  گعد

ضل اسمه طول الزمن *** للطاغیه ما خضع

******

الشاعر جعفر عبدالمهدی العبادی

ابوذیه {منتگدهه} جعفر عبدالمهدی العبادی

الخطاب للذین یقولون إترکوا التشیّع

اذا کان الغُراب   دلیل  قومٍ

 یَمُرُّ بهم علی جیف الکلاب

........

العلي امفصله الخلافه منتگدهه

هلي الگدهه واعرفک منتگدهه

الهلاک اتجرهه شعبک منتگدهه

غراب انته او خصالک هیه هیه

**********/**

الشاعر جعفر عبدالمهدی العبادی