حچي الحگ فاز طبعا من صحابه
انشدك ظیم گلبي من صحابه
الـــنبي طــعنه الأجته من صحابه
اشتظن آنه الـــربع مــتخون بــیّـه
من بعد ما کتبت البیت تذکرت قول الحسین علیه السلام لمّا قال ما رایت اصحابا خیرا من اصحابی کتبت بیتا جوابا لبیتی
احب اللي ابمجالس رب عله احسین
وانه اختاریت ربعي ربع الحسین
یضل گلبی یوادم ربعه لحسین
او ثلث ترباع للزهرا الزچیه
جعفر عبدالمهدي العبادي
یاریتهه ابعیني سهمهم ورموهه
إنه اچتوفي یخویه ورموهه
اختك سحل جروهه ورموهه
عالارض واحبالهم گصّت بدیه
جعفر عبدالمهدي العبادي
قصیده للسیده زینب سلام الله علیها
آه یا زینب شجاچ امن الزمن
من بعد عباس اخوچ المؤتمن
من بعد ذاک الخدر یمدلِلِه
وسفه تنگادین من طف کربله
ابلا هوادج فوگ ناگه امهزّله
انتي وینچ وین کل های المحن
انتي تربایت علي فارس مضر
من گبل هلیوم ما شافچ بشر
وسفه نسمع یالعقیله ابهالخبر
تمشی مسبییه الامیره اخت الحسن
والرجال اعله الرمال اموذره
والکفل عباس یم الگنطره
وآل هاشم کل نساهه امیسره
او حد بلاد الشام یا حرّه إنسبن
للسبی اتروح او زلمهه امچتله
من بعد عباس یحدي حرمله
والشمر بالسوط یبره العایله
او تکثر اسیاطه لَوَن یسمع بچن
شحچي عن الشام وابلاد العراگ
وسفه وایمرون زینب بسّواگ
والنذول اعله الشتم صار استباگ
او بالحجاره اطفال والنسوه إنرمن
یاریتهه ابعیني سهمهم ورموهه
إنه اچتوفي یخویه ورموهه
اختك سحل جروهه ورموهه
عالارض واحبالهم گصّت بدیه
جعفر عبدالمهدي العبادي
گلب الله ایساعده ماجور اگول
التموت اُمه نشوفه ابیا وضع
یبچی سکته اویمسح ادموعه الیتیم
خاطر الشمّات لا تنظر دمع
ینهدم حیله اویضل مابي یگوم
یصبح ارچیچ البدن ذاک السبع
تحچی ویاه الخلگ بس مایرد
یبگه مغتم صافن امطرش السمع
های حال الاُمه من ناس العوام
اشحال لو علویه اُمه او تنصفع
اشحال لو اُمه الزچیه فاطمه
تنعصر بالباب حد کسر الضلع
توصل الاخبار من صدر الصدر
حقي بیدین النواصب منتزع
ثاری یمه الثار لو حان الظهور
تاخذه او تصلبهم اگبال الجمع
جعفر عبدالمهدی العبادی
لو ما علي السجاد والوگفه بالشام
چا والله بالعباس ضیعنه لاسلام
جعفر عبدالمهدی العبادی
مرّه شفت احسین مولای الغریب
مدری واقع حال لو شفته ابخیال
گال احچی شنهو البگلک دگول
گتله یا مولای ممکن فد سوال
گلی اسئل واعرفک شنهو الترید
گتله سولف عالحسن وابهل مجال
والحسن مظلوم ظلمته الشعوب
گال حط اقدامک ابخلفی او تعال
رحنه طبینه ابارض کرب او بلا
شرد اسولف آه یصور الثگال
ناس تکره حیدر امجیشه إبالوف
موته ربع احسین وابسوح القتال
وحده حایر لاکو ناصر لا معین
لن بدر ساطع اجه ایرید النضال
صاح عمی ارجوک أطلع للبراز
والمواقف تنعرف بیهه الرجال
خطوه راح او خطوه خطیت الجِدم
رحنه بیت ام الحسن و ام الدلال
وآنه اشوف امضیف مناک او تفوح
منه ریحة گهوه وامسطر الدِلال
موش من کیفی مشیت او رحت الیه
صَب لی گهوه الله یا ذاک الجلال
خِطوه رد مولای وآنه امشی وراه
رحنه للمولی الحسن وکت الرحال
وجه مصفر گله یا خویه الحُسین
اسمع اوصیتی عله اهلی اویه العیال
القاسم آنه اوصیک بالقاسم یخوی
لازم اتزفه او تسویله احتفال
اردود رد خطوه او رجعت آنه وراه
صاح زفه الیوم وابسوح النزال
زفه صارت و ارتفع بیهه النیاح
اشلون زفه اسیوف وارماح او نبال
گال أفتح قوس یا جعفر او دشوف
شفت امیرالمومنین اب أيي حال
ناده ابو محمد یبوی انته الفخر
روح خمد الفتنه وابسرعه او عجال
راح ابو محمد یهز بالسیف او کر
عالعده او صار ابمعسکرهه اختلال
گطّع اچفوف الخصم وأحنه الرگاب
او شکه رمحه او طاحت ابنیت النعال
طاح ذاک الجمل والچانت علیه
وانکسر جیش الفتن وأبده الزوال
سده قوسه او شاهدت نفسه أکید
آنه آنه القاسم او یحچی ارتجال
آنه ابن المجتبی المولی الکریم
البلحرب ما طاح من چفه العِسال
جعفر عبدالمهدی العبادی
اللئیم اشما تکرمه ایزید بلما
اترکه او خله یغرگ کون بلما
سعید الما حچه للناس بلما
یجرحونه الخلگ من غیر نیه
جعفر عبدالمهدی العبادی
سیف حطنی ابیمتک وکت الطراد
زامط العدوان وافزع بیّه هد
او لون گطعوا زنودک بالنزال
انگلب یا مذهبي ابشانك زند
لا گبل لا تنگطع منک چفوف
راح جدامک انه اچفوفی امد
آنه شيعي او منهجيتي امن الحسين
يعني لو صيرن وصل لا ما ارد
مني إسگیهه الارض حد ما تفیض
وادری من دمي يضل ينبع مجد
آنه متلمني الخرايط والحدود
او لا عشيره البيهه ألهه او انعجد
لا دِوّل ليهه أنتمي او لا أيي حُوز
والسراط الأتبعه امبينلي جِد
آنه مو واحد ولا عشره او أولوف
آنه اكبر طائفه او لله الحمد
لا یكسر ابراسك الخصمك دگول
گله شعبي ابعلمه اكبر مجتهد
اي طفلنه ايناقش العالم جميع
لو تجربه اتشوفه قائم مستعد
وانته یا درب الروافض یاعظیم
بینه حل اشما ترید او بینه شد
جعفر عبدالمهدی العبادی
انته یا شیخ المشایخ لو اجیت
تامر او تنهی او تمشّی احچایتك
تنزل الرایات طوعاً واحترام
وانته تصعد عالبیارق رایتك
تالي تحله الهوسه والهوسات الك
يا من الضدك تموت شارتك
انته مو لازم تقاتل بالنزال
خزره من لمحت طرف منضارتك
تذهل الكفار من شرق او شمال
او تركع العذال واتحب صايتك
وانته بعلومك تدليهه الصراط
او كل خلگ ربك تشاهد آيتك
والحكومه اتمدهه يا وسع المداد
او كلهه بيهه اتعيش تحت اولايتك
جعفرعبدالمهدي العبادي
يا حيدر علي الكرار يل اسمك عمود الدين
شيعه او نضل حد الموت ضد الكفر متحدين
مواته الشعب مولای لجلک یا ابو الحسنین
ما یردونه الما رادک یاحیدر
وصلوا للغدیر او صاح نوّخ یا ظعن لاسلام
ننطر کلمن اتأخر وانرجعه العبر جدام
من الله الخبر هاليوم مو خاص الامر بل عام
حيدر خليته من بعدك
لو يصير الكون دفتر والبحر يصبح مداد
ما تخط نِص الفضايل من علي خير العباد
بالغدیر اشگال ربک حب علی اکبر جهاد
وااااجب حُب الکرار
لو نطونی الدنیه کلهه او گالوا افعل ماتشاء
ما اعوفن حُب علينه او ابگه ادافع عالولاء
وادري يحضرني ابمماتي او بالشدايد والرخاء
والاول حیدر مو غیره
من هد علی الکرار صوب الخندق او قط لیه
صارت ضغبره او دخان والوادم تصد اعلیه
شافو گام ابو الحسنین راس العامری ابیدیه
هووس والسيف البيمناته
جعفر عبدالمهدی العبادی
