کتبتها وکنت مشّای مابین مسجد الکوفه الی مسجد السهله
عام 1443
فلت بالی عله الغالی وسهله
یربّی یسّر اب امری وسهله
مسجد الکوفه ازورنه وسهله
واروحن ممشه لحسین الشفیه
جعفر عبدالمهدی العبادی
دیوان عبدالمهدی
الصفحه الرسمیه للشاعر جعفر عبدالمهدی العبادی
هدف الموقع
بسم الله الرحمن الرحیم
إن من الشعرِ لحکمه
هدف احداث الموقع هو لنشر الشعر للمنصه والمنبر المهدوی وکل ما اکتبه لیکون خدمة لساحت الشعر والادب وان شاء الله اتمنا ان افید الجامعه بشعر الذی اقدمهُ للشعب الاسلامی
تاریخ احداث الموقع 21 10 1394 هجری الشمسی
30 ربیع الاول 1437 هجری القمري
تابعونا سوف آتیکم بجدید من الشعر ان شاء الله
للتواصل فی التلگرام
https://telegram.me/abdolmahie14
طبقات الـشـعـر
-
قصائد لطمیه{نوحیات}
(۷۰)-
للسیده زینب ع
(۱۳) -
فاطمة الزهراء وام البنین س
(۹) -
للسیده سُکینه س
(۱) -
جسّام ع
(۵) -
امیرالمومنین ع
(۳) -
الامام الکاظم ع
(۲) -
للحسین ع
(۱۱) -
للمهدی عج
(۳) -
للعباس ع
(۱۰) -
علی الاکبر
(۲) -
اعتقادیات
(۸) -
للسیده رقیه وحمیده س
(۴) -
مسلم بن عقیل ع
(۲) -
الامام الصادق ع
(۱) -
عبدالله الطفل ع
(۱) -
للامام الرضا علیه السلام
(۱)
-
-
قصائد مولودیه{جلوّه}
(۲۰) -
قصائد:عمودیه: إمربع:حُر
(۸۰) -
ابوذیه
(۱۱۵)-
اهل البیت
(۸۰) -
شتی المواضیع
(۳۳)
-
-
عتاب وهبی
(۱۶) -
هات
(۲) -
میجنه
(۱) -
یاحیدر
(۱۰) -
یالمهدی و شیعه
(۱۴) -
موال، ازهیری
(۶) -
هوسات
(۵۰) -
ومضه
(۱۳) -
دارمیات
(۹) -
مهداوی
(۱) -
الابداع والتغییر
(۲) -
غرام
(۹) -
قناة عبدالمهدی
(۵۹) -
اشعار فارسی عبدالمهدی عبادی
(۲)
آرشیف
- مهر ۱۴۰۲ (۹)
- فروردين ۱۴۰۲ (۳)
- اسفند ۱۴۰۱ (۸)
- مرداد ۱۴۰۱ (۸)
- تیر ۱۴۰۱ (۱)
- خرداد ۱۴۰۱ (۱۱)
- ارديبهشت ۱۴۰۱ (۲)
- فروردين ۱۴۰۱ (۶)
- اسفند ۱۴۰۰ (۱۰)
- بهمن ۱۴۰۰ (۱۰)
- آذر ۱۴۰۰ (۲)
- آبان ۱۴۰۰ (۴)
- شهریور ۱۴۰۰ (۴)
- مرداد ۱۴۰۰ (۲)
- خرداد ۱۴۰۰ (۳)
- فروردين ۱۴۰۰ (۴)
- آذر ۱۳۹۹ (۹)
- شهریور ۱۳۹۹ (۱)
- شهریور ۱۳۹۸ (۱)
- مرداد ۱۳۹۸ (۱۰)
- دی ۱۳۹۷ (۱۸)
- شهریور ۱۳۹۷ (۱)
- ارديبهشت ۱۳۹۷ (۳)
- فروردين ۱۳۹۷ (۲)
- اسفند ۱۳۹۶ (۳)
- بهمن ۱۳۹۶ (۴)
- آذر ۱۳۹۶ (۱)
- مهر ۱۳۹۶ (۷)
- شهریور ۱۳۹۶ (۲)
- مرداد ۱۳۹۶ (۱)
- تیر ۱۳۹۶ (۱)
- خرداد ۱۳۹۶ (۴)
- ارديبهشت ۱۳۹۶ (۱۲)
- اسفند ۱۳۹۵ (۱)
- بهمن ۱۳۹۵ (۲)
- آذر ۱۳۹۵ (۱)
- آبان ۱۳۹۵ (۲)
- مهر ۱۳۹۵ (۱)
- شهریور ۱۳۹۵ (۳)
- مرداد ۱۳۹۵ (۲۱)
- تیر ۱۳۹۵ (۲۴)
- خرداد ۱۳۹۵ (۲۲)
- ارديبهشت ۱۳۹۵ (۶۳)
- فروردين ۱۳۹۵ (۲۱)
- اسفند ۱۳۹۴ (۱۰)
- بهمن ۱۳۹۴ (۸۱)
- دی ۱۳۹۴ (۴۸)
مطالب الیوم
روابط الاصدقاء
حگ من گال عبدی الصنم کسری
ابمولد المختار طاح ایوان کسری
ثواب البالحساب ایطول کسری
صلاتك عالنبی او آله سویه
جعفر عبدالمهدی العبادی
أسن ابسیفی للطاغي وحد بي
واگول المذهب امبیّن وحد بي
اصیح ابصوت هالعالم وحد بي
لوّن یظهر یصفیهه الثنیه
جعفر عبدالمهدی العبادی
تذکرت ابزمان الفات ومضه
او کتبت امن الشعر چم بیت ومضه
أشد ایکون سهم الهجر ومضه
من اسهام الحدید او فتک بیّه
جعفر عبدالمهدی العبادي
لا ضلت انصار اتناصر
لا عباس الکافل حاظر
لا واحد من اهل الغیره
ضلت بس زینب بالحیره
یا زینب ویلاه یا زینب ویلاه
یا حیرة زینب بالعاشر من حرگوا لاخیام
اطفال او نسوه امسلبیهه واسیاط الظلام
راحت للعباس اتنادي شوف اختك تنظام
گوم انهض واچفوفك ردهن ما ردناك اتنام
گوم الحگ یالکافل گوم
ردناك احنه الهذه الیوم
گوم انهض یا راعي الغیره
ضلت بس زینب بالحیره
یا زینب ویلاه یا زینب ویلاه
من شافت عباس الکافل طایح وامطبّر
شاطت واتدور بالحومه وصلت للاکبر
رادت کون اتحشمه اوتنخا شافته اموذر
یا وسفه اعله الیشبه طه والیشبه حیدر
یا وسفه اموذر بالحومه
طایح وامسلبین اهدومه
والگوم امقتلین الخیره
ضلّت بس زینب بالحیره
یا زینب ویلاه یا زینب ویلاه
والقاسم نایم شافته او یا محله النومه
عریس اموذرینه او طایح ما کمّل یومه
واچفوفه امحنایه او حلوه والحنّه ادمومه
مامن واحد ینغر صاحت واشکبر الحومه
یالقاسم یا عمّه القاسم
انهض هد اعلینه الظالم
نار ال بل خیمات اچبیره
ضلّت بس زینب بالحیره
یا زینب ویلاه یا زینب ویلاه
صعدت عالتل او مهضومه بت حیدر یا ویل
مامن واحد یفزع صاحت وایرجّع هالخیل
لو ما ینغر واحد بیکم نرکب عالهزّیل
نتگیید بحبال الکافر من غصبن وانشیل
میسورات او نمشی الکوفه
اخیالی المحد چان ایشوفه
بالگید انطب وسط الدیره
ضلّت بس زینب بالحیره
یا زینب ویلاه یا زینب ویلاه
جعفر عبدالمهدی العبادی
آ یا رقیه او یا هظم دور الشام
عگب الدلال اعله الترب کون اتنام
آ یا رقیه آیا رقیه آ یا رقیه
ویلی علیچ امن الدرب حر او یشبعونچ ضرب
آآ یالسبیّه
کلهم یعرفون الطفل ما تحمل ایدینه الحبل
واسیاط امیّه
طفله او زغیره بالعمر حافي یمشوهه الظهر
جمره الوطیه
من کربلا ابحبل السبي وایتل حبلهه الناصبي
آآ یا رقیه
ابدرب السبي اشحال الیتیمه
ابظهر الحمر ما عدهه خیمه
آ یا رقیه آیا رقیه آ یا رقیه
آه او الف آه السبی زیّد عله امصاب النبي
درب السبایه
ویلی رقیه من مشت سوط اضربوهه لو بچت
وَلدِ الدعایه
لو بابا گالت یاخلگ حادي الضعن یاخذهه طگ
وابلا حمایه
طفله او زغیره ابلاذنب لیش التراچي تنسلب
یهل الدرایه
ذان الطفل ما تحمل الجر
والدم تراهوا اعله الارض خر
آ یا رقیه آیا رقیه آ یا رقیه
من طبن الکوفه اشلگن بحجار ایصیبون الضعن
وایصیبوهن
زینب تلم لم بل حرم لا خیمه عدهن لا علم
وایسلبوهن
راس الحسین اعله الرمح یرمونه من فوگ السطح
وایروعوهن
صاحوا علیهن رافضه شتموا علینه المرتضی
وایشتموهن
صاحن یحیدر ما تجینه
عوف القري لحّگ علینه
آ یا رقیه آیا رقیه آ یا رقیه
زین العباد الجامعه چانت ثجیله اتلوعه
واتسیل ال ادما
گعدت رقیه او ناشدت صاحت یبویه اهیه اوبچت
وین آنه الگا
گالوله سکتهه العدوا طفله او تنادی اعله الابوا
یا ویلی ویلا
نادتله وابگلب الجریح جابوا لها راس الذبیح
ای وا حسینا
یبست شفاهه امن البچی
ماتت رقیه ابلا حچی
آ یا رقیه آیا رقیه آ یا رقیه
جعفر عبدالمهدی العبادی
قصیده لطمیه لمشایة 1443
ما گدرنه انزورک ابذیچ السَنِه
خاف حجبتنه علیک اعمالِنه
وانته ما تخفه علیک الخافیّه
نذر نگصد هالسنه الکل حافیّه
الشیب ویه الشاب الک مشایه
حافي الجدم نگصد الک وادموعنه سچابه
انته الکریم اللي اذا نوصل لعند ابوابه
نسجد اله الباری الشکر والسجده یم اعتابه
بالمهدی نقسملک قسم من الذنب توابه
وانته تعلم بالحقیقه اشما جره
وآنه گلبی اعلیک ناره اموجره
بالعهد مشایتک وفایه
الشیب ویه الشاب الک مشایه
یحسین الک گلب المحب فرفر یرید ازیاره
والله انحرم ذیچ السنه وادموعه الک تتجاره
بیدک تحل کل مشکله کلشی تعرف اسراره
خلف الحجاب الیشتغل بیدک تطیح استاره
وانته تفضح کل معاند للنبي
لابس احجاب الشرف لکن غبي
یا حسین اترف الک چم رایه
الشیب ویه الشاب الک مشایه
ارحمهه ناس اللي اطلعت صافي الگلب لزیارتک
لا تنمنع یاسیدی واجعلهه من مشایتک
خافن نموت او ما نصل وانشاهد احنه الگبتک
یحسین احلفک بالضلع گلّي نطیتک حاجتک
وانته من انّحلفک ابضلع الکسیر
ماتردنه ابهاي یا نعم الامیر
الشیعه عد بابک صفت شچایه
الشیب ویه الشاب الک مشایه
اللي علینه نگصدک یا سیدی او نفتح گلب
واللی علیکم بالحدود الزایرک تفتح درب
خلّي بوفاضل یعتنی ویشنهه غارات الحرب
وایشلّع ابواب الحقد غصبن علیهم بالغصب
وانته من تامر ولا یبگه انتظار
هذه ابو فاضل او نعرف راسه حار
خل یصیح احسین ناطی احچایه
الشیب ویه الشاب الک مشایه
جعفر عبدالمهدی العبادی
حسین آآآآآ حسین آآآآآآ
عدنه ثوره الزیارتکم واهي تعظیم الشعایرنه
طلعنه انزور ابو السجاد ممشه اعله الجدم رحنه
ترکنه اشما هسّت بالبیت اله لبیك اله صحنه
الک فدوه العمر مولای اخذنه اعله الجمر سحنه
حسین آآآآآ حسین آآآآآآـ
طلعنه احنه المصیبتکم والک نسوه اطلعت واطفال
لان زینب مشت للشام یویلي اعلیهن ابیا حال
مشن بس العدوا حدّاي لهن گید اصبحت لاحبال
وابگید الحدید الشیخ واطواگ الحدید اثگال
حسین آآآآآ حسین آآآآآآ
نطلع للمشی کل عام وانواسی الزچیه ابهای
ما همني الخطر هیهات والمهدي طلع ویّاي
نبچي اعله الطفل یحسین ردّوا بالنبل مو ماي
وانواسی العلی السجاد من رد الضعن مشّای
حسین آآآآآا حسین آآاا
اضل اهمل دموع العین عله امصابک یبوالیمه
واظل امشی ابطریقک دوم وجد بالسیر أنه ابهمّه
واریدك سیدی یحسین تقبل منّه هل خدمه
منو مثلک صبح مولای ذبیح او سابح ابدمه
حسین آاااااااا حسین آااااااا
جعفر عبدالمهدی العبادی
آنه مسلم بن عقیل
ارکع الکم مستحیل
حیدری عنوانی
حیدری عنوانی
آنه مسلم بن عقیل الطالبی
عمي حیدر غالب کُل غالبي
ما اهاب اجموعکم یالناصبي
لو اذلکم لو تنفذوا مطلبي
سیفي یتجادح شرار
بالحرب چن ذوالفقار
منهو یتلگاني حیدری عنواني
گام یرعد چان رَهبه ابصوته
یلزم الفارس ابچفه او قوته
والیشمره ایطیح صف الموته
والیرید ایفوت یمنع فوته
منهو یتعده او یفوت
إلّه بالخزره یموت
خزرة العدناني حیدری عنوانی
واشتبك وابده الصراع ابهدته
والیبارز چان یکسر رگبته
طوعه صاحت کفو مسلم حشمته
یا بو طاهر ذل جمعهم نادته
هلهلت طوعه إله
یا هله ابهل مرجله
صیح مسلم آني حیدری عنوانی
صاح مسلم بالحرب واشناده
عمي حیدر هوّه شیخ القاده
الذیل ابن مرجانه ویّه اجداده
غصبن اعلیکم نضل الساده
هاشم اسیاد الخلگ
محله موت العله حگ
یلهج اعله الساني حیدری عنوانی
جعفر عبدالمهدی العبادی
یا عباس هان اعلیك واتنام
تخلي اختك یخویه إبّین ظلّام
تخلي اختك یخویه او چلچل الیل
بگیت آنه اویتامه الشافت الویل
گصدت المشرعه بس ما الي حیل
ردت بس کون اشوفك یا بدر تام
اشوفنك یخویه او ابدي الاعتاب
تعوف اختك غریبه إبّین الاجناب
کلشي امحسّبه او ما حاسبه احساب
زینب بت علي ابهلیوم تنظام
تنظام العقیله العدهه عباس
ما بین الشماته او بین الارجاس
یشتموني او تِصَیب احجار هالناس
وابظهر الحمر حرگوها لخیام
ترا حرگوها الخیم والنار علّت
واشوف النازله یاخوي حلّت
شنهو الخیل بالاطفال خلّت
داستهه الحوافر هشّمت لعظام
والحوافر منهه ماسلمت چثیره
بگیت آنه یتامة هل عشیره
تراهي حیرتی یا خوی حیره
اودعنك واروحن خویه للشام
جعفر عبدالمهدی العبادی