اذا سئلوا منو الکرار او گالو اشنهو انجازه
نگلهم حیدر ابسیفه فخر کل البشر حازه
یوم الخندق المعروف اصعب موقف اجتازه
بس حیدر رد العیاله
اذا سئلوا منو الکرار او لیش امسمه بالحیدر
مرحب للیهود ازماط والیحرس حصن خیبر
صابه اصواب ابوالحسنین وابصوته البطل کبّر
وابخیبر عدیت ازماطی
یا صحابه العنهه تحچی واباُحد کلهه الفرار
صاح جبریل او یکبّر والمُحمد لــــنتصار
لا فتیٰ الّا علي او لا سیف الّا ذوالفقار
چان اتعبدون اصنام .... لو ماحیدر
جعفر عبدالمهدی العبادی
قال رَسُولُ اَللَّهِ صَلَّى اَللَّهُ عَلَيْهِ وَ آلِهِ مُعْلِناً لَأُعْطِيَنَّ اَلرَّايَةَ غَداً رَجُلاً يُحِبُّهُ اَللَّهُ وَ رَسُولُهُ وَ يُحِبُّ اَللَّهَ وَ رَسُولَهُ كَرَّاراً غَيْرَ فَرَّارٍ لاَ يَرْجِعُ حَتَّى يَفْتَحَ اَللَّهُ عَلَى يَدَيْهِ. فَأَعْطَاهَا أَمِيرَ اَلْمُؤْمِنِينَ علیه السلام و لما ذهب الی حصن خیبر فصاح علیهم ابوالحسن ع
هل توجد زلم واتبارز ابهلیوم
او تطلع للحرب بگبال ابوالعباس
هل یوجد بطل بیکم یرد منصور
یعنی ایعود لاهله اعله الچتوف الراس
صاحوا عدنه واحد هسه راح ایـــیک
خلاس العدونه او یگطع الانفاس
شردوا منّه بوبکر او عمر عثمان
مرحب عدنه ینعد بالزلم نبراس
لن مرحب طلع وایزامط الکرار
الیوگف اگبالی ابهل جِدم ینداس
راد ایشیل سیفه او یهد عالصندید
واتبسم علي او تنظر جمیع الناس
اشّرله علي مرحب تعال اهنا
آنه البالحرب فرّاس کل فرّاس
وطیت الشوامخ غصبن اعله الروس
او کل رایه الترف حیدر لها النکاس
او من یشتد عرک من یطحن المیدان
اطحنهه الزلم ویه الدرع و الطاس
هد المرتضی او سل الفقار اعلیه
لن اصواب حیدر یشرگه ابمقیاس
کض باب الحصن حیدر علي ابیمناه
شاله او شال خیبر شلع من الساس
جعفر عبدالمهدی العبادی
متعنین الک زوار واتخط الجدم باشواق
او لو تمطر مطر حالوب مانخلف ابد میثاق
نعرف انته منجه ابیوم ساق التفت اعله الساق
اتدافع عن الزوار یوم المحشر
سلطان الخلگ معروف واحد بالخلگ سلطان
ابومحمد یشیخ الناس تسطع گبته بخریسان
والیبغض جنابك یوم هذه اشلون احسبه انسان
گصینه اعیوبه والیبغض
الو ثگلت اهمومک والحمل اصبح ثجیل
دیر وجهک صوب مشهد صیح ابومحمد دخیل
حاجتک مگضیه حتما خالی ترجع مستحیل
یربته او مارد الحاجه
ما همنه البرد هیهات ولو دثت علینه اضباب
نوصل للرضا السلطان ضنوة علي داحي الباب
شیعه اعتنت للزهراء شباب اطلعت وي شیاب
یتک مشایه ابومحمد
جعفر عبدالمهدی العبادی
فاطمه المعصومه تشبهه لامهه فاطم بالفعل
واهیه ثورة علم صارت ضد ضلالات الجهل
یا شعر یوصفهه یگدر والوصف لا موسهل
چن فاطم صارت معصومه
جعفر عبدالمهدی العبادی
الچ جبریل ضل ایون او حزنت املاک السمه
اوغیمه صارت غیمه حمره او تمطر اعلیچ ابدمه
انتی یا بضعة محمد یالودیعه فاطمه
یالزهرا امصابچ بچانه
جعفر عبدالمهدی العبادی
موش من الخمسه طبعا لکن السته ابیقین
نوبه ام عباس اسمهه او نوب اسمهه ام الحسین
واحنه کل مجلس نقیمه تنذّکر ام البنین
صارت من اهل البیت . مو بدویه
جعفر عبدالمهدی العبادي
کتبتها بایام المشایه الفاطمیه من نیشابور الی الامام الرضا علیه السلام1443
جینه وابدمعاتنه انواسی الغریب
نبچی نلطم عالضلع ذاک الکسیر
واحنه متعنین والمشایه الك
لجلك اتحدینه کلشی اللی خطیر
شیعه ویاکم فلا نخلف وعود
عدنه کل یوم الیمر بیعة غدیر
یا مجیر اللاذت ابسده الملوك
انته سلطان الخلگ وانته الامیر
او یا کریم الیوصلك یابوالجواد
او مثلك ایخلف جواد ابلا نظیر
سفرتك گدما چبیره ابکل مکان
القاده تاکل منهه و امشبع الفقیر
العنده حاجه او صاح مولاي الرضا
هاك گتله او ماگلت لا مایصیر
انحلفك ابظلع الزچیه ام الحسین
نمشی کل اسنینه ابهذه المسیر
طلبه منك تحضر ابوکت الممات
ابیوم لایوجد معین او لا نصیر
جعفر عبدالمهدی العبادی
یا لثار الزهرا فاطمة البتول
لازم ابکل شارع اندگ لافتات
والمواتم تنّصب والثوره عام
الشیب والشاب العجوز اویه الفتات
عالمصیبه العمظمه والاعظم مصاب
لیش للزهراء الثیاب امحرگات
تنعصر بالباب والحایط لما
خلّوا اضلوع الزچیه امکسرات
واهیه تصرخ یا خلگ فاطم أنا
بیّه تُقبل تنرفض بیّه الصلاة
والزنیم ایصیح وایجاوب وإن
لازم ایبایع علي حامي الحماة
لکن الزهراء وگفت بالهجوم
عالولايه اتدافع اترد الطغاة
لا یقشمرنه اللعین ابمشتها
لا تجي العذّال واتگلنه فات
واحد الاُمه یقتلوها العداء
یگعد اویاهم یسولف کهکهات؟
طبعا ابکل لحضه یلعن مایهید
او لو تمکن یذبح ابأیده الغزات
واحنه اُمنه اللي ربت بیت الوحی
والعفیفه السیده اعله الطاهرات
بضعة المختار بیهه اموصي چان
والبغضهه امکانه بأسفل درکات
والله مانسکت ولا ننسه اللي صار
یا لثار الزهرا نصرخ للممات
الشاعر جعفر عبدالمهدی العبادی
ینقاس الرجل بالکلفات موش ابکثرة افلوسه
یوگف وگفه للخوان هارون الاخوا موسی
یعرف للکلام ایکون اویعرف شنهی ملبوسه
مایلبس کلشی ایفصلوله
جعفر عبدالمهدی العبادی
هایه ام الحسن وحسین والهه امن الفضل فضلین
یالمهدي تصیح الثار یا یمِه من الجبتین
من بعد النبي المختار بعده ما نشف گبرّه
اصحاب السقیفه اشلون آذوا فاطمه الزهرا
نیران الحقد بالباب ضلّت لسّه مستعرا
کلیوم ابلهبهه اتزود
واتعود السقیفه اردود
یاریتك چنت موجود
وابسیفك تطفی النار والثارات الك ثارین
واصحاب النبي یا حیف ملعونه ولاهي اصحاب
ما راعت نبیهه الگوم. عصروا فاطمه بالباب
صاحت یا ابوابراهیم ضلعي یا محُمد عاب
ناداهه اللعین او صاح
ما یرجع محمد راح
والمحسن یویلي طاح
وامچتّف علي الکرار واموصّیٰ علیٰ هالدین
یالمهدي او علي اموصِي لازم یغمد الفقّار
صاحت فاطمه اتحشّم بایعتم علي الکرار
یالعدکم سلاح او سیف لکن خذلته الانصار
خانوا بالعهد من حان
وکت الوگفه بالمیدان
بوذر والوگف سلمان
مقداد او ثبت عمّار چلمه او ماتصیر اثنین
لمّن شافت الزهراء ما واحد وگف حامی
صاحت یبني المنصور ثار المحسن الدامي
ثار اضلوعي لمکسرات من السوّود ایامي
بیدك تصلب الظالم
واتنادي أنه القائم
ابن المرتضی او فاطم
وابن المصطفي المختار ابن الطاعن ابرمحین
جعفر عبدالمهدی العبادی
