هوسه للزهراء س (الچ جبریل ضل ایون ) جعفر عبدالمهدی العبادی

الچ جبریل ضل ایون او حزنت املاک السمه

اوغیمه صارت غیمه حمره او تمطر اعلیچ ابدمه

انتی یا بضعة محمد یالودیعه فاطمه

یالزهرا   امصابچ بچانه

 

جعفر عبدالمهدی العبادی

هوسه لام البنین ع( موش من الخمسه) جعفرعبدالمهدی العبادی

موش من الخمسه طبعا لکن السته ابیقین

نوبه ام عباس اسمهه او نوب اسمهه ام الحسین

واحنه  کل مجلس  نقیمه  تنذّکر ام البنین

صارت من اهل البیت . مو بدویه

 

جعفر عبدالمهدی العبادي

هوسه اجتماعیه ( یعرف شنهی ملبوسه ) جعفر عبدالمهدی العبادی

ینقاس الرجل بالکلفات موش ابکثرة افلوسه

یوگف وگفه للخوان هارون الاخوا موسی

یعرف للکلام ایکون  اویعرف شنهی ملبوسه

مایلبس کلشی ایفصلوله

جعفر عبدالمهدی العبادی

هوسات بحق امیر البیان ) جعفر عبدالمهدی العبادی

يا حيدر علي الكرار يل اسمك عمود الدين

شيعه او نضل حد الموت ضد الكفر متحدين

مواته الشعب مولای لجلک یا ابو الحسنین

ما یردونه الما رادک یاحیدر

 

وصلوا للغدیر او صاح نوّخ یا ظعن لاسلام

ننطر کلمن اتأخر وانرجعه العبر جدام

من الله الخبر هاليوم مو خاص الامر بل عام

حيدر خليته من بعدك

 

لو يصير الكون دفتر  والبحر يصبح مداد

ما تخط نِص الفضايل من علي خير العباد

بالغدیر اشگال ربک حب علی اکبر جهاد

وااااجب حُب الکرار

 

لو نطونی الدنیه کلهه او گالوا افعل ماتشاء

ما اعوفن حُب علينه او ابگه ادافع عالولاء

وادري يحضرني ابمماتي او بالشدايد والرخاء

والاول حیدر مو غیره

 

من هد علی الکرار صوب الخندق او قط لیه

صارت ضغبره او دخان والوادم تصد اعلیه

شافو گام ابو الحسنین راس العامری ابیدیه

 

هووس والسيف البيمناته

 

جعفر عبدالمهدی العبادی

هوسات للرضا ع والسیده المعصومه ( جعفر عبدالمهدی العبادی)

یا ضنوة عجيد الگوم موسى الجعغر الكاظم

معصومه او یبت معصوم علمچ من شخص عالم

من گد ما یحببچ چان  سمّاچ  ابإسم  فاطم

هه اتشفعیله  کلمن والآچ اتشفعیله

 

ابمثل های الیالی النور شع شع بالفضا

والاجانب شنهو صاحت گلنه مولود الرضا

هذه شيخ الشيعه هذه يحمي ناسه امن اللضا

ما تدخل نار السعّاره

 

جعفر عبدالمهدي العبادي

هوسه للعباس (شیخ المایحل عجدات) جعفرعبدالمهدی العبادی

شیخ الما یحل عجدات ما ینخونه بل کلفه

عمّي الناس کلهه اتحیج والحاجات مختلفه

ادلیکم شخص موجود کافي ابخوّته اتحلفه

عباس ایحلهه  ابچفینه

*****/*

جعفر عبدالمهدی العبادی

هوسه للامام محمد الجواد علیه السلام {باب المراد} جعفر عبدالمهدی العبادی

ما  ترد کلمن  یسئلک  انته یا باب المراد

والّقب من الله نازل طاها سمّاک الجواد

الله یلعن من قتلکم  نعلن ابشانک حداد

وانعازی الزهرا  المضلومه

******

الشاعر جعفر عبدالمهدی لعبادی

هوسات ولائیه تختص الغدیر المبارک { جعفر عبدالمهدی العبادی

سلسلة هوسات ولائیه تختص الغدیرالمبارک

******

في مسیر الشوگ نمضي او دایم ابدربه نفوت

ما یهم  اشگد  خطیر   ایکون  لو  لازم   نموت

واحنه من نحچي إبعشگنه الباقي تختار السکوت

ما تطفر واتگول احچایه

********

احنه عشّاگ الرساله او احنه بس طاها نطیع

وإلّي   یختار  إبّداله  طبعاً  إهوه  إلّي  یظیع

عدنه اي نعرف مقامه او هالمقام اشگد رفیع

قوسین او  أدنه  اتدناله

*******

عدنه  طاها  من  نطق  ینطق  إبأمر الجلیل

لو  جبل  لا  ما گدر  وإهوه  شایل  هالثجیل

شایل أسرار الإمامه او غیره یگدر مستحیل

ربّک حاچیهه إبقرانه

*******

من  وصل  أمر   البلاغه  خاطبه   رب  الجلي

گله جمع الناس کلهه  او گلهه  من بعدي علي

آنه مولاکم تقرون إبکلامي کلهه گالت اي بلي

گللهم حیدر نفسي اتطیعونه

******

ضل ثلث تیام واگف هوّه وابحر چن سعیر

وإنعرف  یوم  الولایه إبیوم  یتسمه الغدیر

جِمْعت الناس إعله حیدر بایعوا طوعاً أمیر

وإفلاني البخ بخ للوالي

*******

إحنه من نتبع مُحمّد  نتبعه ابگول او فعل

وإبعلي الکرار صرنه کلنه  خوان  او  شمل

عدنه  رایتنه  الکرامه  او  للأبد  لا  ما نِذل

وإیّـنه  المهدي اترف بیده

*******

الشاعر جعفر عبدالمهدي العبادي

الرجاء عند النشر عدم قطع السلسله

هوسه الی مولای الرضا ع جعفر عبدالمهدی العبادی

شرد اوصف أمیر الطوس شمس الله الیشع نوره

یشفع  للخلگ  یا  صاح   خیعونه  المشه  إیزوره

ضامن  للغزال  ایکون   وانته   اتصوّر  الصوره

هه  الشیعه إتحبه او تفخر بي

******//*

الشاعر جعفر عبدالمهدی العبادی

هوسه { بس حیدر أمیری} جعفر عبدالمهدی العبادي

 

 

آنه خادم لال طاها او لحنی بس الهم عزف

 

 

وآنه بس حیدر أمیری او ساکن إبأرض النجف

 

 

من ظهر مهدی الزچیه او صوته للعالم هتف

 

 

بسم العباس ایسل سیفه

 

 

******/****

جعفر عبدالمهدی العبادی