هوسه { الیحچی الحقیقه انکره} جعفر عبدالمهدی العبادي

الیحچي الحقیقه انکره هذه المثل گالو هلي

واحنه کرهونه او حچینه حیدر  إهوه الأولي

احچی رباط العتاب  الگاله   المجدّم  علي

حچاي الحگ مایردونه

*************/**

الشاعر جعفر عبدالمهدي العبادی

هوسه للحسن ع { شمس ال الزچیه} جعفر عبدالمهدی العبادی

طربت الروح ابهواکم من هواک استنشقت

یا شمس أل الزچیه محله شمسک واشرقت

یالحسن نورک تشع شع وال أوادم بی حچت

هه  إبنچ یالزهرا انزامط بي

*********/*****

الشاعر جعفر عبدالمهدی العبادی

هوسه لمولای صاحب الزمان{ ثار اهل المجد } جعفر عبدالمهدی العبادی

ثار اهل المجد ینخاک گوم ابعجل لبیله

شخصک ینفس احسین کلنه ارواح نفدیله

ما نهتم لوّن حفاي فوگ الجمر نمشیله

هه الثار ابدمنه او ماننسا

*********/**

الشاعر جعفر عبدالمهدی العبادی

هوسات نجیل للعباس { من هد الگمر} جعفر عبدالمهدی العبادی

من هد الگمر العباس صوب المعرکه اتعنّه

او صاح الزلم چاوین فنه الّي  وصل   فنه

مارد کضه چن وهواس شبخه ابشبخه واتدنه

واینادی الیوم آنه ابشانه

**************/**

لمّن وصل للمیدان ناده الگمر  خل  یگرب

مایعرف صفات البیه غیرت علي لو ضهضب

شاله الغضب والعباس دخن راسه  من  عطب

ما یقبل ذلّه الغیراوي

*************/***

جر سیفه اعله خصمه ابزود واشطر مارد ابسرعه

من خزرات ابو الحملات مات الخصم من لمعه

او من هد عله الجیمان  ضاگت بیهم الوسعه

ریال الظم روحه اهناکه

****************//**

الشاعر جعفر عبدالمهدی العبادی

سلسلظ هوسات ولادت امیر المومنین ع { جعفر عبدالمهدی العبادی

هلهلت ام المعالی ابزود  او رحّبت بالمرتضی

وانطر جدار البیت شانه او نوره شعشع بالفضا

جابت ام کرار حیدر یعنی امر الله انقضی

وابحیدر ثبّت اسلامه

**//**

ثبت بسم الوصی الکرار دین الله انتشر

زامط العدوان احمد گلهم ابحیدر فخر

سیفه یشطر بالمعارک رایه للحق وانتصر

منصور ابعلمه او فقّاره

**/**

من باب العلم ابدی یا باب الاطبن کون

بس ضربت فقاره الحید ارجح من عمل هالکون

حگهه احتارت الالباب مالومه الصبح مجنون

لن حیدر مامن تمثاله

**/**

لا لا ابد هیهات ما ینوجد تمثاله

وکت البرز عمرو الود یاهو الذی اتعناله

بس هوّه راح او گال حیدر یرد عیّاله

مایوگف عیال احذاله

**//**

حگهه التخاف الحید یشطر زود ابو الحسنین

وکت البرز مرحب لیه لن وانشطر بالنصین

ما محتاج اسولف دوم ثابت یضل بسمه الدین

دین الله ابحیدر معناته

**//**

کمل کماله الدین ودنه انجعل للکرار

ربک عیّنه الفاروق بین الجنه بین النار

یعنی المایحب الحید مد ایده اعله چف العار

یتبهذل ربک ماراده

**/**

ربک مایرید المایریده او بس یحب الحب علی

واحنه ندریهه او نصیّح هوّه هوّه الاولی

غیره کلمن چان باطل خلّی یسمع عاذلی

بس حیدر والته الشیعه

************/*

الشاعر جعفر عبدالمهدی العبادی

هوسه للعباس ع جعفر عدالمهدی العبادی

طب ابو فاضل للمعرکه او صاح العدوا چاوین

الموت اجاکم اگص ارگابکم لاجل احسین

صاح کثر حط علی السبعین الف سبعین

بیدی سیف الکرار

**********/**

الشاعر جعفر عبدالمهدی العبادی

هوسات الکرم جعفر عبدالمهدی العبادی

شیعی   الکرار  هیهات او تعبر احدوده

او چفوف الکرم تبگه او تضل ممدوده

الرافضی زوده من عباس او یافخر زوده

لحسین ایگطع چفینه

************/**

الشاعر جعفر عبدالمهدی العبادی

هوسه لفرج الامام الزمان ع جعفر عبدالمهدی العبادی

یا الهی ابجاه طاها المصطفی خیر البشر

وابعضیده المرتضی اول وصی فارس مضر

عجل القائمنه عجل یظهر النه المنتظر

بارینه اتجیبه

مهدینه الهیبه

طوّلت الغیبه

عجل یاربی المولانه

***********/*

الشاعر جعفر عبدالمهدی العبادی

هوسات « النصیحه والعتاب» جعفر عبدالمهدی العبادی

الصداقه اترید واحد یعرف المعنی الصدیق

وآنه  اقصلک  علیهه  وانته  إتأکد  دقیق

محبس الخوا المرایل یحله بوجود العقیق

ما ینفع من دون الغیره

**********

رایده الغیره او ترید اکثر بعد یابن الشیّم

خاوی الزین ابشهامه او لا تحط اعلیه قیّم

والیعوف اهله او عمامه حاصله ایکون الندم

یتبهذل من دون اخوانه

************

جعفر عبدالمهدی العبادی

هوسات للمولی علی و لمسلم ابن عقیل جعفر عبدالمهدی العبادی

رایه شایل والخصم شایل سلاحه وارتجف

شاد عزمه ابضد عَلینه وآنه حیلی بالنجف

راح ازور احسینی قصباٌ صوت للعالم هتف

لحسین..... خدام الشیعه

****************

رفع سیفه البطل مسلم صاح طوعه هلهلی

آنه ادلیهم موت الاحمر آنه اذکرهم علی

إنه العباس ابن عمی او هیهات اهم ابعاذلی

خیال او من حیدر زوده

*******

الشاعر جعفر عبدالمهدی العبادی