صیر السند للخوان والزالف عالدرب یبه
اشد من الزناء اتکون الله ایگول عالغیبه
بدل ما تحچی شین الناس سولف دوم بالطیبه
والخیّر ما ذم إبناسه
یل عندک ذنوب اهوای واتحمّل علیهه اذنوب
هم تدري الاجل یا ساع؟ ما حان الوکت واتّوب؟
چم واحد ینام الیل ما فز الصبح هنوب
ما یصبر ساعه،، والموت
جعفر عبدالمهدی العبادی
انته یا سر الوجود والعگل تایه الك
وانته قطب الدنیه کلهه البیك یندار الفلك
ضامي تصبح یشفیه الماي شح ما یوصلك
والدین ابدمك رویته
الشاعر جعفر عبدالمهدی العبادی
سیل امدرعم الکرار من هد الخصم کفه
لعیون النبی المختار چم نار البطل طفه
من گد ما چبیر الصیت ما ینشاف البصفه
گطره اببحر الکرار کل اهل الصیت
حیدر قائد الصِنّاف واهل الصنف تدری ابهاي
لا تتبع سراب اوصیك والکرار عذب الماي
اخلیلك ربط تاریخ یبگه او هووس انته اویاي
صیت الصنّافه من حیدر
جعفر عبدالمهدی العبادی
بیت الما تچهبه الناس لو من ذهب بُـنـیـانه
لون امسکّر اعله الضیف گلّي اشینفع امکانه
اذا من طین دار ابهور واحد یجمع اخوانه
أفضل من ذیچ المتروکه
دکثّر بالظلم یفلان من العمداً ولك عسّر
حتي ایبین الموخوش وانشوف الصدگ خیّر
موشرط الکرم بفلوس لازم بالهله ایکثّر
واشما یعسر عچله ابداره
احنه الما نوطي الراس بس للخالق انهبّط
و احنه اهل الکلام الزین مو للشین وانخبّط
طیر الصیت هوه الراد حَب اعله الچتاف ایحط
کل ما اهده ایرد اعلینه
لازم بالحذاره اتکون ویّه الما یقدر الطیب
شفت اشیاء من هالناس راس الطفل منهه ایشیب
حگّه امفتّح اهوه العین وکت الذي اینام الذیب
ما غمض خاف ایغدرونه
یالتزامط آنه وآنه إلآنه لازم بالفعل
بالکلایف ویّه اخوتك توگف اتشیل الحمل
یا حلاة الصعبه تصبح تنگلب کلش سهل
من توگف بالنیبه اویاها
یاللي متزاعل انصحك یالله راضیهه إخوِتك
یاهو یفزع من تحشّم من یلبّي النخوِتك
هذه عید الله او اگلك لا تغرّك دِنیتك
هه اخوانك بالتضیج اتعین،، موش البرا
یا هله ابگوم الرفاگه او یاهله ابجیت هلي
صبّح العید اشحلاته او بیکم الهم ینجلي
الله یحفظکم یخوتي ابجاه ابوالحمله علي
والعیــــد بیکم یحلالي
الوکت مو خوش صایر و الخلگ متبعّده
والتریده إبــ نیّه بیضه اعلیك نیته امسوّده
المهم بالخیر اشوفه اشما حصل منّه او سِده
هذه آنه او هاذی اهیه اطباعي
الشاعر جعفر عبدالمهدی العبادی
ها یمن عندک مشاکل والعمر کله ابمحن
وابوسط گومك لچنّك عایش ابغربة وطن
دیر وجهک للمدینه اوکافي بس تنخه الحسن
بومحمد گضّاي الحاجه
مولود الحسن شع انوار ضووه او نوور الودیان
واستررت فاطمه الزهراء بخمسطعش من رمضان
وابکل السنه الشیعه اتصیح بأسم الحسن گرگیعان
واطفال اتگرگع هالیله
جعفر عبدالمهدی العبادی
خط خطة العباس ما واحد گدر یعبر
لو بالعمودی ایصیب لو بالافق یشطر
یا عزرئیل لا تنزل گال آنه الالک اشمر
وآنه اقبض روح العیاله
جعفر عبدالمهدی العبادی
الحاجه لو صعبت یصاحب والخلگ مترد جواب
راح اوجهک صوب واحد ینعرف لـلـحاجه باب
موسی بن جعفر تگصده هذه مای او مو سراب
والکاظم حتما یگضیهه
جعفر عبدالمهدی العبادی
اذا سئلوا منو الکرار او گالو اشنهو انجازه
نگلهم حیدر ابسیفه فخر کل البشر حازه
یوم الخندق المعروف اصعب موقف اجتازه
بس حیدر رد العیاله
اذا سئلوا منو الکرار او لیش امسمه بالحیدر
مرحب للیهود ازماط والیحرس حصن خیبر
صابه اصواب ابوالحسنین وابصوته البطل کبّر
وابخیبر عدیت ازماطی
یا صحابه العنهه تحچی واباُحد کلهه الفرار
صاح جبریل او یکبّر والمُحمد لــــنتصار
لا فتیٰ الّا علي او لا سیف الّا ذوالفقار
چان اتعبدون اصنام .... لو ماحیدر
جعفر عبدالمهدی العبادی
متعنین الک زوار واتخط الجدم باشواق
او لو تمطر مطر حالوب مانخلف ابد میثاق
نعرف انته منجه ابیوم ساق التفت اعله الساق
اتدافع عن الزوار یوم المحشر
سلطان الخلگ معروف واحد بالخلگ سلطان
ابومحمد یشیخ الناس تسطع گبته بخریسان
والیبغض جنابك یوم هذه اشلون احسبه انسان
گصینه اعیوبه والیبغض
الو ثگلت اهمومک والحمل اصبح ثجیل
دیر وجهک صوب مشهد صیح ابومحمد دخیل
حاجتک مگضیه حتما خالی ترجع مستحیل
یربته او مارد الحاجه
ما همنه البرد هیهات ولو دثت علینه اضباب
نوصل للرضا السلطان ضنوة علي داحي الباب
شیعه اعتنت للزهراء شباب اطلعت وي شیاب
یتک مشایه ابومحمد
جعفر عبدالمهدی العبادی
فاطمه المعصومه تشبهه لامهه فاطم بالفعل
واهیه ثورة علم صارت ضد ضلالات الجهل
یا شعر یوصفهه یگدر والوصف لا موسهل
چن فاطم صارت معصومه
جعفر عبدالمهدی العبادی
