آنه فاطمه آنه الحزینه ** گبري المختفي إبأرض المدینه
ما ردت گبه او مناره ** روحوا لحسین الزیاره
بأربعینه بأربعینه
*****//**
یالله یا شیعه ابجمعکم واعتنوله الکربله
وآنه ویاکم أروحن نمشي مشایه إله
خطوه خطوه أحسبلکم هل وقوف إمسجله
إبني ابو السجّاد آیه والنشامه إترتله
إبني شیخ الرافضه ** عُمرَه بالذل ما گضه
إبني تهواه الغیاره** روحوا لحسین الزیاره
بأربعینه بأربعینه
***// ***
آنه واجهت النواصب حد وکت ضلعي إنکسر
إبني بالطف ضحّی(آ) کل شي ما فعل فعله بشر
ضحّی(آ) بعضیده او یمنته إسمه عباس الگمر
دمي وي دمه ینادي ثاري عند المنتظر
ضلعي رضّآه العذول ** صَدره داستّه الخیول
المهدي یصرخ یا لثاره *** روحوا لحسین الزیاره
*******/***
هذي مشیتکم یشیعه والله إحیائُن لِدین
ثوره ضد کل طاغی ثارت من مُحبین الحسین
هذه ممشاکم یــثــبّــت إنتوا ویّا ثائرین
یالله یبني یا بو صالح وکته تظهر لأربعین
تظهر ابسیفک تصیح *** یا لثارات الذبیح
والحجاب إکشف سِتاره *** روحوا لحسین الزیاره
**********/**
وابمشیکم یا روافض وآسو زینب بالمسیر
نادت إیزید إبأسرهه آنه بت حیدر أصیر
قائد العالم أبویه و إهوّآ یا نعم الامیر
یطعُم إبچفه الیتامه او قانع إبخبزة شعیر
راحت او طبت أسیره **رجعت إبهیبة أمیره
طیّحت عرش الإماره **روحوا لحسین الزیاره
**********/*
تمت بحول الله 13 ذالحجه 1438
شاعر اهل البیت ع جعفر عبدالمهدی العبادی
