قصیده المربعه ولادات الامام العسکري (سلسلة الذهب) جعفر عبدالمهدي العبادي

گالو  الحادي  عشر  هم  انولد

یعني سلسلة الذهب تکمل بعد

 

یعني سلسلة الذهب لاخر وصول

هذه ما قاله النبي طاها الرسول

المهدي منا من وِلِد زهرا البتول

یکتمل بوجوده خاتمة العدد

 

یکتمل بوجوده گالوهه العده

والحسن للطلعه أمره ایمهده

گالو إنسجنه یشیعه انهدده

بالمعسکر نگطع اعلیه المدد

 

بالمعسکر نگطع اعلیه الطریق

لا هواشم توصله او لا من صدیق

والخبر عنه یجي او یوصل دقیق

وانعزل عن اهله مولانه انفرد

 

وانعزل عن اهله غصبن مُجبري

ولهذه ایلقبوا بالعسکري

کان مسجوناً بأیدي الکافري

آل عباس اللعین المعتمد

 

آل عباس او أُمیّه او کل رجس

ما تطفّي افواهم نور الشمس

هذه ابوالمهدي أعَز من کل نفس

اللّه شائه او حطّه للولدم سند

 

الله شائه او حطّه للوادم سبیل

تعرف الباري لوحدک مستحیل

إلّا اهل البیت للخالق دِلِیل

منهو ثبّت  قُل هوّه الله اَحد

 

منهو ثبّت واِنحفظ بیمن سوأل

للمخالف  یگدر  ایجاوب  م‍حال

هیّه سلسلة النبي عذب او زلال

تکملتهه المهدي والمُنزل شهد

 *****

 جعفر عبدالمهدی العبادی

۴ربیع الثاني ۱۴۴۰

قصیده المربعه ( عیدالنبي او آله) جعفر عبدالمهدي العبادي

یاهله ابعید النبي او آله الطهور

انته عیدک یشبه العید الظهور

 

انته عیدک صوغه من باري المجیب

لهفة العاشگ لمن یوصل حبیب

هیچ اشبگنک واعاید کل جریب

او کل بعید الگاصد او جانه ابسرور

 

کل بعید او کل فرد من الگرب

نعتني البیته او لعد داره نطب

عیدک امبارک الک یهوه الگلب

هذي من اطباع کل عربی غیور

 

‌هذي هذی اطباع قوم الیعربي

یسلک ابدرب النبي او آل النبي

شیعي وارفع راسي دوم ابمذهبي

اجرع ابمر الصبر وابگه صَبور

 

اجرع ابمر الصبر واشرب دهر

اي وحگ الله او کتابه والسور

آنه شامخ والخصم میت قهر

صایم اسنین العمر وآنه شکور

 

صایم اسنین العمر مو هسه بس

عدنه عادي بصباح اویه النفس

ننتظر عید الچبیر البي ونس

وانته عیدک بشره وایخضّر زهور

 

انته عیدک بشره بگلوب اندرج

یعني من بعد الصیام ایحل فرج

محله یوم النسمع المهدي خرج

ذاک یوم الفرحه فرحه ابلا شعور

 

ذاکه یوم الفرحه وایحق الأمل

یاخذ المغصوب ینطي للأهل

ما یرد چف اللي عد بابه سئل

دنیه جنّه اتصیر واتفوّح عطور

 

 

دنیه جنه اتصیر کل لحضتهه عید

چسوه منّه ایلبس الفقره جدید

ذاک یوم الظالم ایعض عض بالاید

والظلام ایروح والدنیه تنور

******

جعفر عبدالمهدی العبادی

قصیدة استقبال عید الفطر (امودّع ابألله) جعفر عبدالمهدی العبادي

امودّع ابالله او رسوله یا شهر

انته درسک للخلایق معنوي

 

چنّه بضیافت کریم اعظم کریم

عفیه بل فاز ابمقام التربوي

 

یعني کل صایم تعلمه ایکن صبور

او چفّه وکت الظیم لا ما یلتوي

 

او لو وصل لمرادم ابدًا مایهاب

من ضعف جسمه یضل گلبه قوي

 

قاري القران واقوال الرسول

او یمشي ابمذهاب خط العلوي

 

ثائر إبنهج الحسین او مذهبه

یحچي بالحق ما یطب ذانه العوي

 

آنه واثق بالگلب عندي یقین

الباگ شط أهلي او شرب ما یرتوي

 

خلصیت او ضلّن ادروسک طریق

فزنه مدرستک تخرّج حربوي

 

حافظین ایمانْه اسلاح انتظار

حد وکت نادو قیام المهدوي

 

ننتفض ویا نهاجم کل شرور

العاده طاها او خاین ابآله الطهر

 

هسه ما نحچي لچن وکته یصیر

اندلي کلمن حاقد انیوم الظهر

 

یصلح الدین او یعیده اعله الاصول

 یمحي کل خربوط  من خلف الستر

 

یصفه بس کلمن عذب مابي نقاش

نرفع الرایات وانصیح النصر

 

کل شهر رمضان لو صار اوخلص

خلف ابوصالح نصلّي کل فطر 

*******

الشاعر جعفر عبدالمهدي العبادي

قصیده وابوذیه( ترحنه.ساحه اباثر ساحه) جعفر عبدالمهدي العبادي

امشي ابنوم مدري ابیقضتي او حیران

واطر ابلاد ساحه إبأثر ساحّه

اي نعم مجنون وامضیع حبیب

او ماعرفت الیل من اصباحّه

ابچي وادگ وانحب مدیم

او گلبی ما بطل یناس انیاحّه

کل گاع الاطرهه اتموت

من کثر الدمع مات الزرع سباحّه

او عَلَي صدروا اکید الموت

اهل الملک واشما هست فلاحّه

هربت اوگمت اخوض ابحور

ردت اویای کون ارجال کفاحّه

شهگت اعله السمه حد  القیم

صعد گلبي او یطگ بجناحّه

کل ما امر ودیان اعاین عالارض

بالچي الحبیب اهناک نوّخ راحّه

واگله دعاین للزمن غار ابیور

جیّش علینه او یرمي ضل بسلاحّه

او علیهم یمته راح ایغیر صُبحاً

او یخلّي الموریات اتصیر قدّاحّه

ویزیح الضلام او یکشف المحجوب

او نشوفه اینور نار الکون مصباحّه

متی تظهر یبوصالح ترحنه

ابرحاهه الخصم گعدت ترحنه

نصیح ابصوت خدامک ترحنه

إب بني العباس طحنه او آل اُمیه

****/**

الشاعر جعفر عبدالمهدی العبادي

قصیده عمودیه ( یاللی تضن طایح واموت) جعفر عبدالمهدي العبادي

 

های الک یاللي تظن طایح وإموت

اي گمت آنه اعله حیلي او ما أذل

 

صح بقیت اسنین مطروح الفراش

بس إله الباري الحمد هسه عدل

 

خوّتک ویای چانت باللسان

آنه اشیلن وانته تطرح بالحمل

 

صار مکشوف الامر واضح عیان

والبیان اسهل عله أبیاتي یدل

 

شتت گومي او گمت وحدک تجول

بیدک اتعکره او تحله انته الحبل

 

واللي ضل ویاي راح اعوج طریق

صار ضدي او بررک من کل فعل

 

لکن اهوه ایعود واعرف بي تمام

ذاته تطیب چ إخوي او مو نذل

 

هسه ممکن عوز ضکه امن الزمان

لو عثر وانته تصورته خبل

 

اگلب إبویهک یبن مرجانه روح

بالزماط اویاي سیفه اهوه یسل

 

نوگف ابوجهک یمن شفت الحشود

بربعین احسین ابن سید الرسل

 

وأعرف إبهاي الخبر کلّش اکید

یظهر المهدي او یلم کل الشمل

*********/*

جعفر عبدالمهدی العبادی

 

قصیده عمودیه لرسول الله ص( مولد کریم ) جعفر عبدالمهدی العبادي

 

 

 

صافن ابصفنة خیالی او فکري طار

لن نزل برض الحجاز ایطگ قدم

 

هذه واحد یدفن ابنیته عجیب

وهیه تصرخ بابا والمشهد ألم

 

شفت ناس ابلا ضمیر اولاشعور

لا مبادئ عدهه لا عدهم قیم

 

عدهم القتل او نهب کلش بسیط

ماکو خوّه او لاکو الفه اولا شیم

 

اهنایه محد یعرف الباري الجلیل

تارسین الکعبه وإعبادت صنم

 

والحجیج اصفیر تصفیگ او ضجیج

عگلي داخ او کلشي ما منهم فهم

 

گتله ربي ارجوک رجعني اردعود

من مجیئي او قد حصل لیّه الندم

 

صار لیل او من صفنت اعله السماء

لن اشوفن نور شگ وجه الظُلَم

 

واسمعت صوت انهدم عرش المجوس

انطفت ناره او طاق کسراء انهدم

 

وانطرد ابلیس مایصعد سماء

والمعسکر ماله اشوفنه انهزم

 

گالو اصباحه انولد مولد کریم

اي محمد سید العربی او عجم

 

وحّد الامه او ربط بین القلوب

والدخل لاسلام من جهله سلم

 

والمسیره امتدت الحد ما وعیت

حد وکتنه الان والحد منختم

 

منتظر یظهر شبیهه المصطفیٰ

ینقذ الامه او یرف بیده العلم

 

*****

الشاعر جعفر عبدالمهدی العبادي

 

قصیده عمودیه (یاهله ابشعبان) شعر الشاعرجعفر عبدالمهدی العبادي

یا هله ابشعبان یا شهر الفرح

 کلمن اموالي نشوفه ابفرحته

عد علي الکرار یحصل چم ولید

او یا ولید انسولف احنه ابجیته

نچي عن احسین علمنه الإبا

او حد قیام الدین خلّد ثورته

حگنه نفرحله اونغرّد بالنشید

إبإسمه کل مغرور نکسر شوکته

ابثورة احسین العضیمه اشگد دروس

احچي عن ثاني اللي درّس خوته

اعني عباس البطل راعي اللوا

 یوصل الماي او یضَل ابضمئته

هاي خطّه امخططه إبإید الإله

ثالث الیولد یضل ابعلته

اي علي السجاد ما طگ بالسیوف

الله شال الرایه حطهه ابیمنته

هسه من انقیم دایم مهرجان

کلّه من فضله او فضلهه عمته

رابع الیولد علي الاکبر یصیر

 چن علي الکرار چانت کرته

گالو انودیله ابن غانم یعود

لاکن العادت علیهم جثته

جبته الکم بالتسلسل کي اگول

لازم الیشعر یبین فکرته

اي نعم نصف الشهر عدنه ولید

یضوي العالم یناس ابطلعته

یرفع الرایات وایصیح القیام

من نهدهه اهناک تبدأ نهضته

یاخذ ازمام الإمور ایتلهه حیل

یا الاهي انعیش کلنه ابدولته

***//**

وحگ جبریل ویه اللي بدولاک

عِشگ منّک یصاحبنه بدولاک

نحب انعیش کل احنه بدولاک

نزورک کل صباح او کل مسیه

******/*/

الشاعرجعفر عبدالمهدی العبادي

 

 

 

قصیده عمودیه (شیعی او ما اهم بالقیل والقال) جعفر عبدالمهدی العبادی

شیعي او ما اهم بالقیل والقال 

طریقي ایشع شع امنبعید ضیّه

 

شي گالت مجوسي او ما الک عنوان

او عَلَي صاحوا تعال اویه الوهابیه

 

او بعد نادت بعض ناس انتم أعراب

دعوف السانک او لهجه الینوبیة

 

خاضت بلفتن ناس الفقیره إعگول

گالوا  عالفتن  رادو  ترا  الحِیّه

 

عافوا   نهج  لأسلام   والدین

لأجل تحفظ لسان البي هویه

 

او بعضهم عافت السان الدیانات

او لجئت عل لغات الأعجمیه

 

أوجّه والکلام الکل یسمعوا

أنه ابن المادخل مرا ابردیه

 

أضل وأحفظ بلادي او عرضي والدین

او لساني او مذهبی فوگ البقیه

 

أنه القائل إمامي صادق القول

تعلموا علّموا الوادم کلام الیعربیّه

 

أضلاً رافضي او ما أترک إحسین

وأفاخر  بل  هویّه   الجعفریّه

 

**/***

الشاعر جعفر عبدالمهدی العبادی

قصیده عمودیه(یاکریمه او حجة الله اعله الحجج) جعفر عبدالمهدی العبادی

یا کریمه او حجة الله اعله الحجج

فاطمه البضعه البتول الطاهره

 

انتی اعظم باب حلاّل العُضل

داخت الالباب کلهه امحیره

 

اله تحتل بید شخصچ یمحسین

ما تضل شده ابعکرهه امعکّره

 

وضّحیتی او بیّنیتی اشگد امور

حتی مسئلة الولایه الحیدره

 

واجهیتی الگوم ما هبتی الممات

توصل الفضلچ اگولن یا مرا

 

حرگوا الباب اعله دارچ هالطغات

او سامری الگوم اعله ظلعچ یعصرا

 

حد وکت صحتی المحمد یا ابا

طحتی عالگاع الضلوع امکسره

 

بس اگول اشلون گومات العلیل

یتّکي اعله النار واهیه امسعّرا

 

هسه من گمتی اثیاب امحرگات

داخ امری او محد الّی ایفسرا

 

چف ظلام الیل یتجاسر عجیب

هذه نور الله ابتمامه اویسطرا

 

شنهو لاسباب اصطبر رب الجلیل

ما طبگ بین الثریه اویه الثره

****/*/*

جعفر عبدالمهدی العبادی

قصیده عمودیه یا هله ابعید النبی ص{ جعفر عبدالمهدی العبادی

یا هله إبعید النبي  او  آله  الکرام

یاللي  ما  مثلک  مثیل   إیماثلک

 

من صباحک تلگه مجتمعه الصفوف

وإبصلاة   العید    الله   الفضّلک

 

یا هله إبفرحة شعب کلش اصیل

او ما ترک رمضان لمّن واصلــک

 

صایم إمصلي او یساعد کل فقیر

وإنته   آیة  خیر  دوم   إترتلک

 

تِخّرج الوادم تطب کل البیوت

اهلاً  وسهلاً  شرفـتـنـه  إبمدخلک

 

والمجالس بل هله او أحسن الکلام

کــُلَّ  عآم  إبخیر  الله  ایعوده لک

 

والجهال  أچیاس  وإتعاید  تروح

او چن عشگ مجنون هیچ إتغازلک

 

یا  هله  إبطرقة  طفل  لمّن  یدگ

عمو عدکم  عید  ها  رحمه الهلک

 

والله لو میت ابوي او مالي حیل

ما   أرد  أیده  او  أقدمله  الیرید

 

حافظ إدروس الحسن کلش تمام

چان فاگد حیدره او ماعنده عید

 

لکن  إبهلت  هلالک  من  إجیت

لَبس أیتام  السلف  کلهم  جدید

 **********

جعفر عبدالمهدي العبادي