قال الامام علی ع صوائحٌ تتبعها نوائح
وانطبر حیدر علي ابسیف اللئیم
حان الاستشهاد والأمر انقضیٰ
ابذیچ حاله او همّه لاسلام المبین
یرشد الناس او یقدّم موعضه
والجنان اتزینت مشتاگه حیل
تنتظر یصعد علینه المرتضیٰ
واهوّه حزنان او یفکّر بالجیاع
والیتامه اشلون یصعد مارضیٰ
لن هتاف امن الملیک العزّه صاح
کلشی بیدینی الارض ویّه الفضا
سوف نُعطیك یحیدر ما تشاء
والامر مال الیتامه انفوّضه
للحسن شبلك نطینه احنه الامور
گدهه ندری او شخصك انته ایعوضه
باچر ایتام الخلگ کلهم ملوک
والیناشد حاجه مطلوبه انگضه
باچر ابنک للکرامه ایسوی صیت
جوده یسحگ عالبخل وایرضرضه
یفرش اسماطه الکرم لبعد مکان
یاکل ابزاده اللي چان امعارضه
عینه عالخطار مو ناگصله شی
حاشه لو تلگاهه لحضّه امغمضه
والأبو السجّاد أقدّم کربلا
یوگف اگبال الطغات الظالمه
ینسفك دمه او یقتلونه الشهید
لا معین الینصره او لا من حمه
زینبک مسبیه ترکب عالهزیل
ماتضوگ المای واتسیر ابضمه
یستقام الدین بوجود الحسین
ینتصر عالسیف الحسین ابدمه
لجله أخلق شیعه واتقیم العزاء
تبچی لیل انهار عالخد لاطمه
وانته اصعد خلي مجلس بالجنان
واروی لاهل الجنه های الملحمه
حطلک احسینیه وی طاها الرسول
واسقی من کوثر مُحبک واطعمه
وآنه خالقهه الجنان الکم اکید
یاعلي اتّاني القدومک فاطمه
واقتنع حیدر صعد طب الجنان
اي ورب الکعبه فاز الخاتمه
جعفر عبدالمهدی العبادی
