يا منجي الامه المضلومه
یالشخصك معروفه اعلومه
يالتاخذ ثار امن الظالم
واتشيد گبات الفاطم
يامن خصمك يصبح نادم
یشرد و ایذب کل اهدومه
یامن من تظهر واتنادی
علمک یزهر کل الوادی
یا شیمت اهلی او اجدادی
یالجدک تشهدله الحومه
صک بینه الجور انظلمینه
مامش واحد یرحم بینه
جدك متغير كل دینه
والباقي النه بس ارسومه
نقراء مصحف ما نتدبر
والوادم بس تهوه المنکر
إلّه القله او شنهوه التگدر
شتغیّر بالناس النومه
محتاجین الامه الفزّه
او عرش الکافر بیدک هزّه
والمؤمن رجعله العزه
واللايم خله ايكف لومه
#جعفر_عبدالمهدي_العبادي
فاطمه اليعرفهه من عدهه اشعرف
عود من بحر الفضيله اشوي غرف
عود من بحر الفضيله اشويه نال
منهو يگدر یطّلع کل الخصال
إله احمد وي علي او آله الزلال
هيّه نور الله عنوان الشرف
هيّه نور الله عنوان الصله
يعني دين الباري كلّه إبأكمله
هيّه حرمه او علمتنه المرجله
هيّه والحق صفحه والباطل طرف
هيّه والحق صفحه والباطل كِتَر
يعني ليحبهه یضل یلعن عمر
هذه نور الطاهره ابگبله انتشر
والظلام انزاح من گلبه انکرف
والظلام انزاح من گلبه انگلع
من نهد نور الرضیه اعلیه سطع
یا محب گلی ابذچرهه ما دمع
هيّه دمعة كل مُحب لمّن ذرف
هیّه دمعة كل محب لبگلبه ود
السلام اعلیهه حین التنولد
واحنه کل واحد یضدهه انضد ضد
اله بولایتهه عالکون اعترف
جعفر عبدالمهدي العبادي
والله الشهم عباس عالحومه من هد
خله الشجاع الچان جسمه ایتبرید
خله الشجاع الچان بالحومه یخلس
لمن یمربي طیف رجلینه تیبس
واللي يهد اعليهه لا ميتنفس
گبل الصواب ایطیح والروح تصعد
لمّن صعدهه او لاح بیهم فرسته
شمرت علي الكرار چانت شمرته
خلّه المعسکر طار بأسرع رکضته
واهل الخیول اتدوس فوگ المجنّد
عمي البطل عباس مثّل جهنّم
كلمن يطب ميدان ريحت حرگ شم
کیفه او لعب یولات طشرهم او لم
هذه او گبل یا صاح جرت المهنّد
من جرّه حتی الحوك بالبیده شارد
تالیهه عالی الصوت صاح المجاهد
هل من مبارز گال واطلعله مارد
یضحك غده العباس بالصيده عيّد
عيّد ابوالنوماس من ضرب السنان
عاين لمارد شاف بيهه الرعب بان
گلاله راحت اتموت وکت الفَرِس حان
مالك مفر هليوم وين إتّشرّد
چم ضربه طگه او طاح واسحگ عله الفچ
ضل يرتجز عباس واعله الزلم دچ
قط للنهر خیال والجابله انشچ
لو منه طار الراس لو یگطع الید
یعني المفر هيهات واعرف صفاته
لازم يوصل الماي لخيم خواته
کبّر عله الجیمان واملك فراته
واترس جربته الماي وابكل فخر رد
جعفر عبدالمهدی العبادی
أحب الميم ويّه الفاء والعين
وأبغضه اللي بغضهم دوم والعين
لوّن احتاج هُمّه المدد والعين
ولا ريدن مدد باجي البريه
جعفر عبدالمهدی العبادی
وحگ جبریل ویه اللي بدولاک
عِشگ منّک یصاحبنه بدولاک
نحب انعیش کل احنه بدولاک
نزورک کل صباح او کل مسیه
الیضدک مچانه ایصیر بدراک
گمر وامضوی افلاک بدراک
العلم یحیی الگلب بادراک
العقول ایتم طردهه الجاهلیه
جعفر عبدالمهدی العبادی
لا تِگطف احجار یالبیتک گزاز
مو یگطفونک تره ابنفس الحجر
تالی بیتک ینحطم فوگک اکید
وانت حدره اتصیر ما یحصل مفر
جعفر عبدالمهدي العبادي
یا ضنوة عجيد الگوم موسى الجعغر الكاظم
معصومه او یبت معصوم علمچ من شخص عالم
من گد ما یحببچ چان سمّاچ ابإسم فاطم
هه اتشفعیله کلمن والآچ اتشفعیله
ابمثل های الیالی النور شع شع بالفضا
والاجانب شنهو صاحت گلنه مولود الرضا
هذه شيخ الشيعه هذه يحمي ناسه امن اللضا
ما تدخل نار السعّاره
جعفر عبدالمهدي العبادي
مقبوله صومك والصلا والحجه
بولايتك لام الحسن والحجه
هذه الامر من العلي تشريعه
شيعه او نضل غصبن عليهم شيعه
جعفر عبدالمهدی العبادی
قالت الصدیقة الشهیده فاطمة الزهراء سلام الله علیها : وجعل الله الامر بالمعروف والنهي عن المنکر مصلحةً للعامه.
****
شي عجیبه الناس صارت والعجاب
گامت النسوان تطلع لا حجاب
گامت النسوان تطلع عاریه
واللّه أخجل مِن أجیبن طاریه
لازم المنکر أصیرن ناهیّه
باچر إمکاني شبر تحت التراب
باچر إمکاني شبر لمّن أموت
واجب احچیهه النصیحه ابعالي صوت
وسفّه عالعربي یعدیهه ابسکوت
غیرتک چا وین ما گلک ثواب
غیرتک چاوین راحت یا کتر
اقصدک انته یمن تحچي اشکبر
او تطلع امریتک فلا عدهه ستر
والمأشر تأشر اعلیهه السباب
والمأشر تأشر او عیني التِرَب
هذي تعرفهه تراهي امن العرب
بإذني من أسمع اگب امن الغضب
من عسا بیتک یهل فاسق خراب
من عسا بیتک لون ما تهتدي
ارجع النفسک او افهم مقصدي
من لباس العِز اریدک ترتدي
والمذله ارفضهه وانزع هالثیاب
والمذله ارفضهه حطلک احترام
شنهي بنتک تحکمک یبن الکرام
صیر زلمه او چلمتک هیّه التمام
خاطر الباري یکرمک بالحساب
خاطر الباري یکرمک والنبي
حجّب ابنیتک حجاباً زینبي
کن علیٰ منهاج ابوالیمه الأبي
والمناهج غیر منهجهم سراب
جعفر عبدالمهدی العبادي
۱۰ ربیع الثاني ۱۴۴۰
