قصیده عمودیه للامام الحسن علیه السلام { یرحب کل هله} جعفرعبدالمهدی العبادی

یا   چریم   الما  یسلهم عینه 

ینطرالجای او یرحب کل هله

لا تطب داخل مضیفی او تستریح

      إدخل ابعینی  البکان امعدله

نعرف اوصافک یبو القاسم تمام

       علمتنه اشلون نحوی المرجله

انته من وصفک فلا سائل ترد

     تگضی الحاجات متضل مشکله

مثل ابوک الحید راکع للإله  

       بالصّلا چاین او مارد سائله

والّی تنخاک او تریدک چف عطا

        تعدل احمول الّی چانت مایله

والعطا قبل السوال اکبر سرور

     للفقیر او شخصک انته القائله

یا هله ابجیتک نقدّم هالکلام

        نورک إمضوی المعالم والفله

والملایک نزلت الجدّک تبارک  

        بالنشید إمن السماوات العُله

انته قطعت نور من رب العرش

      گرت اعیون الشهم عقد الوله

************/***

الشاعر جعفر عبدالمهدی العبادی