قصیده لطمیه {یبوفاضل جیب المای} جعفر عبدالمهدی العبادی
یبو فاضل جیب المای والحرایر تنتظر های
قصة المای الحزینه اطفال لحسین او ونینه
تحرگ احشای
********
یبو فاضل گوم انهض للیتامه
گوم یاصاحب لوانه للختامه
شیمة الابطال هذی لا ظلامه
والطفل یبچی یعمی من سهامه
والسهم أثر علینه*** والطفل زاید أنینه
قصة المای الحزینه **اطفال لحسین او ونینه
تحرگ احشای
******
گامت اسکینه تصیح ابکسر خاطر
ریت ابوالحملات جدی الیوم حاضر
گوم یالیث الحرایب شنهو ناطر
الحگ العبدالله عمی لایهاجر
گوم ادی هالفرض *** اطفال نامت عالارض
قصة المای الحزینه **اطفال لحسین او ونینه
تحرگ احشای
************
والعتب زاد اعله عمهه او حشمته
اِبحلیب ام البنین الرضعته
وابظلع زهرا الزچیه حلفته
وابوعد یسقی العطاشه ذکرته
عاتبت عمهه سَکینه *** عالوجن دمعه او حزینه
قصة المای الحزینه **اطفال لحسین او ونینه
تحرگ احشای
*******
من سمع تبچی سکینه الغیض شاله
لأجیب المای آنه او لا محاله
هذه وعدی ایکون یا بنت الرساله
آنه الّی اعداه هابت من خیاله
عمی یعضید الامام ** نادته اِبهمت کلام
قصة المای الحزینه **اطفال لحسین او ونینه
تحرگ احشای
**********
شایل الصمصام والجربه ابیمینه
راح لإحسین او یگله یا ولینه
راید الرخصه یوالی ابحق نبینه
والّی یوگف فی طریقی اعمی عینه
رخصه الوالی الشهید *** انته لحسینک عضید
قصة المای الحزینه **اطفال لحسین او ونینه
تحرگ احشای
********
وآدع احسینه یشمه او ضل یطوفه
راح صایل للفرات الکل تشوفه
لایهمه الگوم لا کثرة سیوفه
والمهمه المای لو گطعت چفوفه
آه یوداع الحزین *** ابوفاضل والحسین
قصة المای الحزینه **اطفال لحسین او ونینه
تحرگ احشای
**********
الشاعر جعفر عبدالمهدی العبادی
