بس اماشی الکون گدهه طبعي ما احب الرخیص
وارگه دوم اعله الـــمعالی ما ادوور عـــالنصیص
وآنه گـانوص امـن اصـیدن مــن اگـدّر عالــگنیص
لا طار او لا فر امن ایدي
الیشیل العصّیٰ لازم یعرف الطگ والرشگ
والعرب گالت واگلک یـطلع الـحگ بـالحلگ
الیمد روحه اعله ناری لو صلب هم یحترگ
سعفه انته او ما تحمل ناری
مثل عند العرب معروف رساله الیملك التدبیر
واضح کلشی الاحچي ابد ما حاجـه للتـفسیر
اذا باللي خذیته الخیر ابد ما عافه یوم الطیر
حتما ما ینفع والحُر شال ایده
جعفر عبدالمهدی العبادي
أنه ابن المن یطگ یکسر عظم بالطگ
وابیوم النهروان ابسیفي شلت الحگ
وأنه العباس شفتوا النهر چان ازرگ
من دمکم احمر سویته
جعفر عبدالمهدی العبادی
مقصد الاحچي أناصح والمثل هووه الدرس
ماله گعده اویه الرجال الماملک عزة نفس
والعِزم نفسه اعله گعده ابّطنه یستاهل رفس
ینهان الما یکرم روحه
الیجل نفسه ایتعله الما یجل یصبح ذلیل
لا تماشی اللي یچذب لا تماشیلک بخیل
الغبر لو مرله وادم کلهه تنوی اعله الرحیل
خسران الیمشی اویا افتینی
الفتن أخّر شعبنه والسبب جهل البعض
لا صعد لا خله غیره ایفوق ساعه اللي نهض
الله تدری اشگال عنهم بالگلب بیهم مرض
عالذله ایدورون ادواره
جعفر عبدالمهدی العبادی
قال الامام عَلِيِّ بْنِ أَبِي طَالِبٍ عَلَيْهِ السَّلاَمُ : مَنْ عَرَّضَ نَفْسَهُ لِلتُّهَمَةِ - فَلاَ يَلُومَنَّ مَنْ أَسَاءَ اَلظَّنَّ بِهِ.
حدّث سید النُصاح واتمنه الحچی اتفهمه
ظن السوء ایسدد گوس وایصیبك ترا ابسهمه
احذر لا تروح امکان موضع صار للتهمه
والفاهم ما خط اجدامه
محتاجه النفس ترتاح حیل امشوشه افکاري
بعید امن السلف والناس وحدي إبهمي واسراي
لا راید خبر شیصیر لا تـتـنـاقل اخباري
بس راحة بالي اتمناها
عشت ابسلف یهوه ایناب والخل بي یحط خلّه
لا یندل طریق الزین لا یقبل هــله اتـدلّه
لا تسئل دلیلی اشبیهه متعلعل بألف عله
من جهل الدایر بالدیره
جعفر عبدالمهدی العبادی
خطاب العباس علیه السلام مع الشمر علیه اللعنه
إحنه اهل الکرم محنه بخالا
وإنه الیطعن لإخو لاچن بخالا
خطّه او گلتوا خنغشّه بخالا
ولک رد لا ارد جثتک لإمیه
المارد قبل خروجه للمیدان کان یقول للجیش حول برازهُ مع العباس
اطگ وارشگ واهدّن مردعنه
تشوفوا اچفوفی بالطگ مردعنه
ساعه الجدم بالطف مردعنه
تمردع والگمر هووس لاخیه
هووس یا ابوالسجاد یا سبط النبي المختار
یثّائر عله الظلام یا حُر یا ابو الاحرار
ودو مارد العراک مردعته او صلیته ابنار
گطّعته ابسیفی زلمتهم
هوسات للعباس علیه السلام
من صار الگمر عباس واستبشر علی الکرار
ناده ابصوت یم ابنین احچیلچ نباء واخبار
یوم العاشر ابعاشور یشعل بالخصیم النار
هذه ابنچ رفعت راس،، یم الغیره
سیف ازماط ابو السجاد یوم الطگ والملاگه
والیگرب لحد احسین بالطف ینگطع ساگه
مثل الحمزه من ایصیب حتما یکتل اطراگه
کلمن صابه العباس،، طلّع روحه
هذه ابنچ یأم عباس سیف الحگ عله الباطل
بس اهوه الکفوهه ایصیر کافل والنعم کافل
یتوصف صگر بالصید ساعه الـ بالعرک نازل
وایصید الماینصاد،، هذه العباس
جعفر عبدالمهدی العبادي
گال ابو الحملات مُنصح وأعني خوّاض المنون
لاتصیر ابفتنه غافل صیر چن ابن اللبون
لا ظهر واترکبه ناس لا ضرع للیحلبون
خسران الما یاخذ بیهه
جعفر عبدالمهدي العبادي
حیدر بالحرب صیّاد جندلهه الزلم بالطگ
واحلوگ التسب الدین بچفوفه الشهم شگگ
بعض الشردوا امن الموت للموت الجدم ازرگ
شگگ بیهه واحلوگ الشر
ما کع بالردم عباس قهقرهه الزلم من هد
صرصر عاتیه او زلزال طاح ابکربله او زیّد
رک ابمهره عالشجعان دوله اعله النهر شیّد
داس اعلیهه فرسان الطگ
للراید دنوو الله او راید یقترب صوبه
هذه الحُر درس معلوم کلمن راید التوبه
لازم بالحسین ایلوذ وایظا یعدل اسلوبه
مثل الحُر حد الموت،، ضل اویه احسین
جعفر عبدالمهدی العبادی
مَثل عند العرب ینگال نصیحه اببالک إتخلّه
ذاك الکله راده ابـیوم عاف امـن السهم کـلّه
لا حــصل عـنب مسکین لا ردت إلـــه الـسله
حتّیٰ الخوّان إمنافینه
جعفر عبدالمهدی العبادی
یل عندک ابوالحسنین إحمد ربک او شکره
او بالک تترک الکرار عگلک ینهدم فکره
لون متعکره الاوضاع حیدر یفتح العکره
حیدر شیخ الکونین ... الله امخلي
جعفر عبدالمهدی العبادي
الحنّه الفاطمه الزهراء وانتي النبع للحنه
کلمن وِدّه الکم فاز دنیه او آخره اتهنه
کلام الصادق المعروف من زارچ إله الجنه
بسم المعصومه ایطب بیهه
جعفر عبدالمهدی العبادی
