هلي ابهمه مشوا للدین واسروا
علیا اعداهم غزوا مرّات واسروا
هلي ابدگت الحرب متهاب واسروا
هلی مای العذب ماهُم سراب
***********
الشاعر جعفر عبدالمهدی العبادی
ابوذیات عن لسان الحوراء زینب.س. مرحوم ملا صالح العبادی
عدونه ایشوف شیّلنه ورانه
طلعنه او دورنه حنّت ورانه
غدت ضجه امن اهل طیبه ورانه
اوثار اصیاح لوداع الشفیه
**********************
الدهر مایوم فرحنه وسرنه
او علینه جیش اجیوشه وسرنه
طلعنه من منازلنه وسرنه
عندک نشتکی رب البریه
******************
الدهر مایوم الی انصف ولیدار
ولا ابثدی الرّحم حن لی ولی دار
الیّ احباب هالرحلو ولی دار
شلت عنها غصب یهل الحمیه
********************
چنت بالگوم عیب اسئل وبالی
اذلّن ما خطر ظنّی وبالی
انتحل جسمی ابکثر هظمی وبالی
غریبه امیسره ما بین اُمیه
*******************
یخویه اگلوبنه امن الخوف طارات
واهل الشام طگو طرب طارات
زینب حیف بین الزلم طارات
ذلیله اشلون یاراعی الحمیه
******************
الرواسی الشامخه متشیل همنه
یخویه ابخوفنه امن الخیم همنه
عگب ولیای بیش انشیل هامنه
اوهبطت روسنه بالغاضریه
******************
سلامی اویا المحب ودیت لادم
اوعساه ایزید حکمه ایکون لادم
ما خله نهب لاشتم لادم
چتل اهلی اوحرگ بیتی علیه
*******************
الشاعر مرحوم ملا صالح العبادی
