ابوذیه (والعین) جعفر عبدالمهدی العبادی

أحب  الميم ويّه الفاء  والعين

وأبغضه اللي بغضهم دوم والعين

لوّن احتاج هُمّه المدد والعين

ولا ريدن مدد باجي البريه

جعفر عبدالمهدی العبادی

ابوذیه ( بدولاک * بدراک) جعفر عبدالمهدی العبادی

وحگ جبریل ویه اللي بدولاک

عِشگ منّک یصاحبنه بدولاک

نحب انعیش کل احنه بدولاک

نزورک کل صباح او کل مسیه

 

الیضدک مچانه ایصیر بدراک

گمر وامضوی افلاک بدراک

العلم یحیی الگلب بادراک

العقول ایتم طردهه الجاهلیه

 

جعفر عبدالمهدی العبادی

 

ابوذیه ( سوادین) جعفر عبدالمهدي العبادي

سَوا ایگطعون رجلینه سَوادین

لبوالسجاد إنه ابراسي سوادین

ارید اول ربیع البس سوادین

علیٰ المحسن او فاطمة الزچیه

******

الشاعرجعفر عبدالمهدي العبادي

ابوذیه (سنه کاف) جعفر عبدالمهدي العبادي

سنه لام الیکض دربي سنه کاف

سنه ماکاف من عدهم سنه کاف

سنه گهوه اتدور عندي سنه کاف

سنه حته الچاي هم حسره علیه

******

جعفر عبدالمهدی العبادی

ابوذیه (ولتجد) جعفر عبدالمهدي العبادي

لون کل العمر تبحث ولتجد

اعظم منّه ما تلگه ولتجد

عوفه درب العوی ترکه ولتجد

سراط الجد علي حامي الحمیه

*****

جعفر عبدالمهدی العبادی

ابوذیه ( دربیانه) جعفر عبدالمهدي العبادي

طریق إحسین دایم دربیانه

و إعله الخلگ نوّر دربیانه

الخصم منّي ارتعش دربیانه

شیعي او ما اعوف ابن الزچیه

*****

جعفر عبدالمهدی العبادي

ابوذیه (ونتلینه) جعفر عبدالمهدي العبادي

أنشدک عن تلینه ونتلینه

انجرینه ابحبل ذلهم ونتلینه

إلک  شیعه یمهدي ونتلینه

تضل قائد یشیخ الرافضیه

******

جعفر عبدالمهدي العبادي

ابوذیه (وقریت) جعفر عبدالمهدي العبادي

یمن بعلومکم درسیت وقریت

ابوقارک شیعتک مولاي وقریت

الک چانون بالدلال وقریت

لحد تظهر یبن حامي الحمیه

*******/**

جعفر عبدالمهدی العبادي

ابوذیه { من أجواد} جعفر عبدالمهدی العبادی

 

سجیتي من جودک من أجواد

طیب طاهر ابنسلک من أجواد

لون سئلوني بالعالم من إجواد

الجواد انته او تضل خیر البریه

*****/**

الشاعر جعفر عبدالمهدی العبادي

ابوذیه (وظیفه) جعفر عبدالمهدی العبادی

عَلي  واجب  أحسبنه   وظیفه

الگصدني ایکون اگصدنه وظیفه

أرد اضعاف من فضله وظیفه

واگله إمقصّر او فضلک علیّه

****/**

الشاعر جعفر عبدالمهدی العبادی