ابوذیه { منسلاسل} جعفر عبدالمهدی العبادی

یکر بالسیف خصمه منسلاسل

او یقدم کلشی عنده منسلاسل

وأهو کلمن یضده منسلاسل

نار وایفور ابسقر مامن نجیه

*********/*

الشاعر جعفرعبدالمهدی العبادی

قصه او ابوذیه { ومانه} جعفر عبدالمهدی العبادی

کان في زمان السابق

 رجل عنده  زوجه اسمها« إمحانه»

 تزوج أمرئه ثانیه اسمها« أمانه »

فی کِبره عمره و کان من یذهب عند الزوجه الکبیره  فتُحلق شعرات السود من وجه کی یبیبن رجل شیبه مثلها

واذا یذهب عند زوجة الصغیره تُحلق الشعرات البیض کی یبین رجل شاب

لمّا فات اسبوع قالوا له الناس ها یا افلان حاش الحیه

 

 فقال طحنه ما بین حانه ومانه  واتهلست الحانه

 

‍

 

یخی شط العرب شطنه ومانه

و  اتراب  الوطن  أَبنه ومانه

طحت یاخوی عد  حانه ومانه

ولا شَعرَه البگت بالوجه لیّه

 

جعفر عبدالمهدی العبادی

عتاب { کردای} وابوذیات { مالوم و معنبیتی} الشاعر جعفر عبدالمهدی العبادی

دآی الجهل وابمنجلک کردای

زیي   العلم وأتمنه الک کردای

عربي او ترک لو منطلق کردای

عند الله التقّي ماهي بالأنساب

 

یگلولي   تلوم   إشلون   مالوم

إنه الگلبی من  الخلّان   مالوم

حچي الحق ردي والردي مالؤم

سگم وأثّر دخل بسم القضیه

حرام    الچان   عرفوا   معنبیتي

اویروحی    اشکثر  إنتي  معنبیتي

لَص ابوکت شظهه  عرفته معنبیتي

خویـــّي   الّي   نِگب    للأجنبیه

******///****

الشاعر جعفر عبدالمهدی العبادی

ابوذیه { وداعیش} جعفر عبدالمهدی العبادی

عایش ابهوا احبابی وداعیش

وداع ابلا بچی گلّی وداعیش

لون یقتلنی وهابی وداعش

اهون من اخوی ایخون بیّه

*********/

الشاعر جعفر عبدالمهدی العبادی

ابوذیات{ ونه بینه؛ والاکبر؛ زینب الهم} جعفر عبدالمهدی العبادی

من اسیاط آل اُمیه ونه بینه

نصیح الهه  یعمه وین ابینه

الی^ا  ربّنه الشکایه  والنبینه

لما  رحموا  بنات الهاشمیه

********/

الک بحر الکر یجری والک بر

والک طفل انذبح ضامی والاکبر

والک نسوّه المشت یسره والاکبر

ذبیح انته او تدوسک خیل اُمیّه

********/

ابو الیمه اوعضیده زین أب الهم

لَهُم اُختٌ  تُسمی^ا  زینب الهَم

ولولا ابکربلاهم زینب الهُم

منو ایکمل جهاد الغاضریه

********/

الشاعر جعفر عبدالمهدی العبادی

ابوذیات للرضا ع {منهل؛مشهد؛ ودّنه} جعفر عبدالمهدی العبادی

یمن   للطیّبات  اتکون منهل

هلالک خیر عالکوان من هل

عطرکم یالوصی فواح  من هل

تشعشع وانتشر لاهل  البریه

************

للباطل یصاحب ابد مشهد

والعین ابطریق الخیر مشهد

اتمنه اکون  الیوم   مشهد

وازورنه الرضا وانطی تحیّه

*****/*****

یا قصار الشوگ عجّل ودّنه

للرضا  کلمن  سئلنه   ودّنه

والیحبّه   وصل   ربّه  ودّنه

القوسین أهو من  رب البریه

************/

الشاعر جعفر عبدالمهدی العبادی

ابوذیات للامام الصادق{یانار ،لهبها} جعفر عبدالمهدی العبادی

اطفی حرگ  گلیلی  یانار

هانوه الذی عالخلگ یانار

لون تتسائلون الاشد یانار

نار الحرّگت خیمة رقیّه

*****/****

علیه  النار  متوجر   لهبها

لهب الروح للمذهب لهبها

فخر جدی واضل آنه لهبها

آنه الصادق أمیر الجعفریه

*****/***

الشاعر جعفر عبدالمهدی العبادی

 

 

اوذیه للاُم{بلمنه} جعفر عبدالمهدی العبادی

تفرح کل وکت اُمنه بلمنه

وعاشت هل عمر کلّه بلمنه

الدنیه ماتسوه یخوانی بلمنه

وحشه اتصیر دنیانه او أذیه

*************

الشاعر جعفر عبدالمهدی العبادی

ابوذیات{وسلنی ، وداوی } جعفر عبدالمهدی العبادی

ابسلاسل   وکتی چتفنی وسلنی

تعال اگرب یخی منی    وسلنی

المرض  والعوز حاوطنی وسلنی

طحت بسما طحت نفسی أبیّه

*************

اشلّن یا  جرح گلّی وداوی

وآنه المشتعل کلّی وداوی

لون یرجع بعد وکتی وداوی

إبشیبی اشنفع لو مر علیّه

***********

الشاعر جعفر عبدالمهدی العبادی

ابوذیه {ونحباک} جعفر عبدالمهدی العبادی

احبنک صحت  گتلی  ونحباک

ارید اعتب وارید اصرخ ونحباک

 لما تدری فُجِع قلبی  ونحباک

وما یسکت  لمن  ترجع  علیّه

**********************************

 الشاعر جعفر عبدالمهدی العبادی