قصیده لطمیه
یا محرم ها إجیت** والله مِنّک شیبیت
أهلي بالطف ذبحوهم ** وآنه بالحیره بگیت
*****/*
تبدي مئساتي وکت عِفت المدینه
منک انته او تبدي أیام الحزینه
من نهد وگفت فرسته او گال إجینه
گال ابوالسجّاد بَلّغني نبینه
تنذبح بیهه انته ضامي ** لا معین او لا محامي
ماکو ناصر لو نخیت ** یا محرم ها إجیت
*****/*/*
شرد أگولن عالکفلني بوالفَضُل
گطعوا اچفوفه او سگط فوگ الرمل
والله کلمن غیري چا تیّهـ عگل
لکن آنه إصبرت وإحملت الثگل
الله راد الموقف إلنه ** وإحنه لبّینه او قبلنه
وآنه أبداً ما شِکیت *** یا محرم ها اجیت
****/*/*
مَنّه راحوا گِلّي چم واحد گُمر
شفت اخوي احسین رد محني الظهر
علي الاکبر ما شرب ماي النهر
والفرات اللي إنعجد لأُمّي مَهَر
نشرب الماي إنمنعنه *** او سال عالرمضاء دمنه
وإنته من دمنه إرتویت *** یا محرم ها إجیت
**//*/*
ابن اخوی القاسم ابعمر الربیع
وسفه عمره بطّف او هیچي یضیع
أُمه رمله شافت المصرع فجیع
طایح او راسه عله السمهَر رفیع
حنّته صارت دمائه ** چه لبوالیمه إنتمائه
گلّي چم شمعه طفیت ** یا محرم ها اجیت
*******/*
وردة احسین الذي نشتمهه شم
هذه عبدالله الطفل طگوا سهم
ظهر ابوالسجاد لمصابه إنجسم
مو فقط بس هاذ وانگول انختم
من عگب لحسین تالي ** حرگوا اخیام الغوالی
وآنه من بعده انسبیت *** یا محرم ها اجیت
**********/*
تمت بحول الله 15 ذی الحجه 1438
جعفر عبدالمهدی العبادی
