قصیده لطیه نزله{ آنه مسلم آنه} جعفر عبدالمهدی العبادی

قصیده لطمیه { نزله ،، حماسیه }

___________

آنه مسلم آنه    ***    قاتل الخوّانه

******/**

ضربته عالطاغی ضربه ما یحصّل   چاره

آنه  گَلهم   بالحرایب     أشبهه    الکراره

سیفي من ینزل  علیکم   اي  نفس  بتّاره

آنه   ما   خون   إبأمیری   انتم  الغدّاره

اي     ظلع   اُم   الولایه  إلّا آخذ  ثاره

ما  أهم بعدانه   *** آنه  مُسلم  آنه

*********/****

یالذی    خنتم  أمیري   انتم   الردتونه

شالسبب تالي إبخیانه  بالعجل عفتونه

إحسین  ریحانة  نبینه   کلکم  إتعرفونه

آنه  لو گطعوا  رگبتي  لل ابد  ما خونه

والتطب حصن الإمامه  بالحشر مامونه

یالله طبّوا اویانه  ***  آنه مسلم آنه

**********/****

گامت   اتهلهله   طوعه  یاهله  ابهالغیره

انته ابو  احزامین  حمزه   بالفعل تفسیره

شبه ابوالحملات حیدر خلّه خصمه ابحیره

تمشی ابنهجه او اعرفک ماخنت بالسیره

اگلب الکوفه   یگلهه   خانت اهل الدیره

خانوا الریحانه  **** آنه مسلم آنه

*******/****

شال سیفه او ضل یقاتل   کربلا سواها

موت الاحمر دله خصمه والزلم  بچاها

فوج  یتبع  فوج   یوله   بالخزر   رداها

رایة  احسین  ابیمینه   او للنصر علاها

ظلت الکوفه من إسمه  ترتجف خلاها

وانعرف عنوانه    *** آنه مسلم آنه

 

********/**

الشاعر جعفر عبدالمهدی العبادی

    

 

 

 

هوسه { بس حیدر أمیری} جعفر عبدالمهدی العبادي

 

 

آنه خادم لال طاها او لحنی بس الهم عزف

 

 

وآنه بس حیدر أمیری او ساکن إبأرض النجف

 

 

من ظهر مهدی الزچیه او صوته للعالم هتف

 

 

بسم العباس ایسل سیفه

 

 

******/****

جعفر عبدالمهدی العبادی

هوسه { الیحچی الحقیقه انکره} جعفر عبدالمهدی العبادي

الیحچي الحقیقه انکره هذه المثل گالو هلي

واحنه کرهونه او حچینه حیدر  إهوه الأولي

احچی رباط العتاب  الگاله   المجدّم  علي

حچاي الحگ مایردونه

*************/**

الشاعر جعفر عبدالمهدي العبادی

ومضه { تبني اگبور البقیع ابطلعتک } جعفر عبدالمهدی العبادی

مرت الجمعه یمهدی او ماجیت

لیمته   انتاني  یبن  طاها  الرسول

 

تبني اگبور   البقیع    ابطلعتک

والمناره   اتشیّد   الزهرا  البتول

********/***

الشاعر جعفر عبدالمهدی العبادی

قصیده عمودیه { والله امیرک گال بخٍّ بالغدیر} جعفر عبدالمهدی العبادی

قال الامام الصادق علیه السلام نحن ابناء الدلیل نمیلُ حیثُ یمیل

یاعرب یصرخ مجوسی الماقبل

ماهو اول  هوه  رابع  بالاخیر

ابلا دلیل اشلون نقبل  هالمقال

حیدر الله  امنصبه  اعلینه  الامیر

بالصحاح او في تفاسیر الکتاب

والله  امیرک  گال  بخٍّ  بالغدیر

حیدر الاسلام کلّه  او  کمّله

 اصلا ابهای  الخلگ  ماله نظیر

عوده شنهی اترید  تشویهه  الصوّر

 وانته فکرک بالغلط  ویه المصیر

یالمخالف  فکر  اشوی  لا تلج

 هذه أمر الله النزل واید خطیر

لو تصل واتصوم عمرک وانته حاج

ما  تنول  الجنّه  تدخل بالسعیر

تعرف ابلیس او قضیته امفصله

 خالف الله او ماسجد فکّر چبیر

گلّه اطلع من رحمتي او لا تطب

والّي یتماشه ابطریقک هم حقیر

هسه فرقک ویه ابلیس ابشنهو

 جنّی وانسي لاکن ابشکله تدیر

هوّه گال آدم خلیفه اشلون ایکون

 وانته نفسه الخالفت حیدر یصیر

**********/**

الشاعر جعفر عبدالمهدي العبادي

هوسه للحسن ع { شمس ال الزچیه} جعفر عبدالمهدی العبادی

طربت الروح ابهواکم من هواک استنشقت

یا شمس أل الزچیه محله شمسک واشرقت

یالحسن نورک تشع شع وال أوادم بی حچت

هه  إبنچ یالزهرا انزامط بي

*********/*****

الشاعر جعفر عبدالمهدی العبادی

هوسه لمولای صاحب الزمان{ ثار اهل المجد } جعفر عبدالمهدی العبادی

ثار اهل المجد ینخاک گوم ابعجل لبیله

شخصک ینفس احسین کلنه ارواح نفدیله

ما نهتم لوّن حفاي فوگ الجمر نمشیله

هه الثار ابدمنه او ماننسا

*********/**

الشاعر جعفر عبدالمهدی العبادی

قصیده لطمیه وایظا نعي للسیده رقیه س{طفلة احسین الشفیه} جعفر عبدالمهدی العبادی

قصیده لطمیه وایظا للنعي بکمال الحزن للسیده رقیه سلام الله علیها

********/**

طفلة احسین  الشفیه نادت او صاحت یبابا

من کثر ضجهه او بچیهه ماتت ابّطن الخرابا

*******/**

صاحت العمتهه زینب عمّه  وین   البابا  وینه

ملخوا  الترچیّه    منّي    والسرق شتّم عَلینه

وإصرخت دلحگ یبویه چنّه ما یسمع یجینه

شبّوا اخیمنه او شردنه ما اجت لینه الگرابا

********/**

وسطت  البیده   رکضنه  والثیاب امحرگات

صحنّه مای انرید عمّي منعوا اعلینه الفرات

عمّی السجاد   ایدینه   بالغیود  امگیدات

سبعت اشواط ارکضتهن یطلع ابشانی سرابا

*************//*

جمعو اطفال الهواشم بل حِبال  او  ربطونه

گالو ابناء الخوارج بل سیاط اهمه  إضربونه

صحنه یا عباس وینک عمّی دلحگ لوعونه

ما سمع صوت الیتامه اومارجع عمّه جوابا

*********/**

تالي یسرونه او مشینه والیسر صعبه علیّه

صحت إله یحسین بویه آنه إبنیتک رقیّه

ماتجي   واتشوف  حالي طفلتک بویه إبأذیه

سمعوا ابچاها النواصب گالو انجیب الهه بابا

*********/**

جابو الراس الطفلةِ  والطشت ذبّوا   علیهه

لطمت او ناحت حزینه حنّت او گامت لابیهه

لزمت الراس او تشمّه ماتت اعلیه من بچیهه

آه یا زینب غریبه  فگدت الطفله  المصابا

**********/**

الشاعر جعفر عبدالمهدی العبادی

 

بیت یاحیدر { یابه اتراب} جعفر عبدالمهدی العبادی

نور انته بس باقي الخلگ یابه اتراب

عیني  ابطریقک   للابد   یابه اتراب

گال النبي  وإبخُم  عِلن   یابه اتراب

انته   الوصي   من   الجلیل   إمخیّر

یا حیدر  او  یا  حیدر   او  یا حیدر

*******/**

الشاعر جعفر عبدالمهدی العبادی

ابوذیه { وعلهم} جعفر عبدالمهدی العبادی

وحگ من ذلل اعدائه وعلهم

ظلایم والعسر طبگن وعلهم

یبو صالح وعد دظهر وعلهم

نشیلک  سیدي  یبن  الزچیه

*********/**

الشاعر جعفر عبدالمهدی العبادی