یالمهدی { لهوازی} جعفر عبدالمهدی العبادی

وازی الیضدک عالوطن له وازی

والتقوی^ا  ثوب الجعفری لهوا زی

افدی العمر والّی احب لهوازی

اُم الادب واهل الشعر والمجدی

یالمهدی او یالمهدی او یالمهدی

*********/

الشاعر جعفر عبدالمهدی العبادی

ابوذیه { وداعیش} جعفر عبدالمهدی العبادی

عایش ابهوا احبابی وداعیش

وداع ابلا بچی گلّی وداعیش

لون یقتلنی وهابی وداعش

اهون من اخوی ایخون بیّه

*********/

الشاعر جعفر عبدالمهدی العبادی

ابوذیات{ ونه بینه؛ والاکبر؛ زینب الهم} جعفر عبدالمهدی العبادی

من اسیاط آل اُمیه ونه بینه

نصیح الهه  یعمه وین ابینه

الی^ا  ربّنه الشکایه  والنبینه

لما  رحموا  بنات الهاشمیه

********/

الک بحر الکر یجری والک بر

والک طفل انذبح ضامی والاکبر

والک نسوّه المشت یسره والاکبر

ذبیح انته او تدوسک خیل اُمیّه

********/

ابو الیمه اوعضیده زین أب الهم

لَهُم اُختٌ  تُسمی^ا  زینب الهَم

ولولا ابکربلاهم زینب الهُم

منو ایکمل جهاد الغاضریه

********/

الشاعر جعفر عبدالمهدی العبادی

یا حیدر{ والغیره ؛عادلنه} جعفر عبدالمهدی العبادی

یابو  الشجاعه   والکرم   عادلنه

کلمن یضد  حیدر  علی  عادلنه

واحنه الحمل لاجل البشر عادلنه

صحنه العلی غیرک فلا نتخیّر

یا حیدر او یا حیدر او یاحیدر

*********/

یابو  الشجاعه   والکرم   والغیره

طاها  علن  حیدر   ولی   والغیره

بخ بخ شخص تالی انگلب والغیره

حقده العلی واضح نذل من أنکر

یا حیدر او یا حیدر او یا حیدر

************/

الشاعر جعفر عبدالمهدی العبادی

هات {وانته خل؛ فاطمه} جعفر عبدالمهدی العبادی

آنه اصحح  یا  عدوی    وانته خل

عوف نصبک اصفی خلّک وانته خل

لا   تعاند  وحّد   الله     وانته  خَل

 علی الحل  ابشان  کل  المشکلات

**************

ربی گایل عبدی عیبک فاطمه

 من جهنم الله جسمی فاطمه

آنی شیعی وافخر امی فاطمه

 اُمی قدوّه ابشان کل الامهات

*****/****

الشاعر جعفر عبدالمهدی العبادی

 

میجنه { ونسنه} جعفر عبدالمهدی العبادی

گال الک فرحه اصیرن ونسنه

راح محبوبی    یخیّی   ونسنه

اشلون  اترکنه  یلایم   ونسنه

راح اون اعلیه صدگ  ونسنه

یلّی تنشد هذه وزن  المیجنه

****/***

الشاعر جعفر عبدالمهدی العبادی

ابوذیات للرضا ع {منهل؛مشهد؛ ودّنه} جعفر عبدالمهدی العبادی

یمن   للطیّبات  اتکون منهل

هلالک خیر عالکوان من هل

عطرکم یالوصی فواح  من هل

تشعشع وانتشر لاهل  البریه

************

للباطل یصاحب ابد مشهد

والعین ابطریق الخیر مشهد

اتمنه اکون  الیوم   مشهد

وازورنه الرضا وانطی تحیّه

*****/*****

یا قصار الشوگ عجّل ودّنه

للرضا  کلمن  سئلنه   ودّنه

والیحبّه   وصل   ربّه  ودّنه

القوسین أهو من  رب البریه

************/

الشاعر جعفر عبدالمهدی العبادی

ابوذیات للامام الصادق{یانار ،لهبها} جعفر عبدالمهدی العبادی

اطفی حرگ  گلیلی  یانار

هانوه الذی عالخلگ یانار

لون تتسائلون الاشد یانار

نار الحرّگت خیمة رقیّه

*****/****

علیه  النار  متوجر   لهبها

لهب الروح للمذهب لهبها

فخر جدی واضل آنه لهبها

آنه الصادق أمیر الجعفریه

*****/***

الشاعر جعفر عبدالمهدی العبادی

 

 

سلسله ابیات{ یا حیدر و یالمهدی }لاربعتعش معصوم علیهم السلام {جعفر عبدالمهدی العبادی}

سلسله ابیات{ یا حیدر و یالمهدی }لاربعتعش معصوم علیهم السلام

 

*****/*****

یا بو الشجاعه والکرم أحمدنه

طاری الفخر لو ینطری إحمدنه

عادینه کلمن  عادنه  وأحمدنه

بس القبل بالمرتضی وامأدی

یالمهدی او یالمهدی او یالمهدی

******/******

یا بو الشجاعه والکرم حیدرنه

دُر الولایه  العالیه  حی دُرنه

اُمنه العفیفه الطاهره حی دُرنه

غذتنه حُباً للنبی  والحیدر

یا حیدر او یاحیدر او یا حیدر

******/******

یا اُم الشجاعه والکرم فاطمنه

وابحبهه ربک من سقر فاطمنه

والماقبل  واثق أنا  فاطمنه

تشفعله ام المصطفی بالمحشر

یا حیدر او یا حیدر او یا حیدر

******/******

یابن البتول الطاهره  حَســنّـه

بالمجتبی ربنه ابفضل حـسّـنّـه

حس بینه گبل النایحه حسّـنّـه

لا ما تعذّر لو نطق ما عندی

یالمهدی او یالمهدی او یالمهدی

*****/*******

نور البصیره والدرب یحسینی

حب الولایه ابغیرتی یحسینی

راعی الحقد صایَح إلی یحسینی

گتله الفخر للواله اهل الحمدی

یالمهدی او یالمهدی او یالمهدی

****/****

یا بو مُحمدنه علی ساجد دوم

وآنه ابطریقک یاوصی ساجد دوم

واعله الثمن عالم انا ساجد دوم

منک شفاعه أوهَم إلّی تحضر

یا حیدر او یا حیدر او یا حیدر

******/****

یابو الدیانه والعلم   یا  باقر

باقر علم مثلک یصح  یاباقر

عِلمک ثمن حتی العدوا  یاباقر

وانته الذی نورک زهه ابکل بلدی

یالمهدی او یالمهدی او یالمهدی

******/*******

بث العلم لاهل الفهم صادقنه

هیهات من غیرک شخص صادقنه

واحنه العلی اوآله او الک صادقنه

واسع نهج نهجک یضل یاجعفر

یا حیدر او یا حیدر او یاحیدر

 

*****/*****

یا بو الکرامه والصبر کاظمنه

علّمنه والغیض ابصبر کاظمنه

صحنه الگلب یا سیدی کاضمنه

وانته الکفیل البلشداید تحدی

یالمهدی او یالمهدی او یالمهدی

********/******

یمصالح امرضی الامم یرضانه

یمرجع الحق وآ فدک یرضانه

والحبک الباری غداً یرضانه

یدخلنه بجنان العدن والخُلدی

یالمهدی او یالمهدی او یالمهدی

******/*******

 

مثله جواد ابهل اُمم من له اجواد؟

کل الوجود المذهبی من  لإجواد

لا تسئلونی یا ربع من لأجواد

نور السلاله الطاهره شع وازهر

یاحیدر او یا حیدر او یا حیدر

*************

یابو الشجاعه والکرم یاهادی

هادینه لدروب العدل یا هادی

مثلک نصح کل الخلگ یا هادی

بس انته تهدیهه البشر یمشکر

******/***

راعی الکرامه الواضحه واطیّب

واتشافی کلمن یسئلک واطیّب

افضل لقب بالعسکری واطیّب

هوّه الرفیق انته السراج المُهدی

یالمهدی او یالمهدی او یالمهدی

*****/****

حچی الغبر یشبه مرض سالنه

سیف الحقدخصم النبی سالنه

وابندبتک  دمع  ابدمه  سالنه

عجل الوعد لجلک نفوس انفدّی

یالمهدی او یالمهدی او یالمهدی

*****/*****

الشاعر جعفر عبدالمهدی العبادی

 

 

 

 

 

 

 

 

 

 

قصیده لطمیه {اسمع اشصار یبویه با محمد} جعفر عبدالمهدی العبادی

حاطوا الدار** ابعدد و ابنار ** اسمع اشصار

 یبویه یا محمد

بویه لأصحاب ** حرگوا الباب** ظلعی اِنعاب

 یبویه یا محمد

یامحمد ***یا محمد *** یا محمد

یبویه یا محمد

************

بعدک   انته   گبل   منواکا

 هُمّا   خانوا   علی^_ا  دعواکا

اشلون  تَهجُر  أبی   حاشاکا

 واِنته جبریل   الذی  آخاکا

بَضعِتک آنی او  اَنا  مهجاکا

 گَبل  موُتک  چنت  بحماکا

حُرمه هتکوا*** حرمه  ضربوا

 تالی قتلوا  یبویه یا محمد

************

سورة   الکوثر   اَنا   هالسوره

 والموده  لِـــــــذوی  اِبـــــــدستوره

آیة الحق آیــــــــــــــة  الــــــمهجوره

حقی یُغصَب بالسقیفه اِبشورا

دخلوا البیت او بعد مسطوره

 بالوجه  آنی  او ظلع مکسوره

 بأمر الاسبق ** بابی یُحرَق

ناطقّه اِبحق   یبویه یا محمد

***********

والدفع  بابی   یبویه    سَبّنی

والخلیفه اِبگلب قاسی  هاننی

حکمه بالغدر او خیانه مِبتنی

والحرگ داری  اِجانی مِعتنی

تِدری اول بالشهاده  محسنی

والندائی  گلی  یاهو  اِیلبنی

علی مچتوف **ریتک اتشوف

حقد السیوف  یبویه یا محمد

**********

اِخرجت من بیتی وآنی مِفجعَه

واِصرخت  حیدر  علیه  رَجِعَه

مَجمَع الانصار شاهد مَجمَعَه

تدری بویه خاین  الّی   بایعَه

والی ثبتوا  اِلّا  شیعه   اَربعَه

 هذی  تالیة  البتول   اِمروِعَه

خانت الگوم **ویّه النجوم

بعدک اِبیوم **یبویه یا محمد

 ***********

الشاعر جعفر عبدالمهدی العبادی