ابوذیه { برکان} جعفر عبدالمهدی العبادی

 

أحس إیمال  صبري  إبوحل   برکان

او طفح وسط الگلب یا صاح برکان

لچنّي   إتمسکت    بالعوز    برکان

الهُدی  وما ضاگت  الدنیه  علیه

**********/**

الشاعر جعفر عبدالمهدي العبادی

قصیده عمودیه { گالوا انتم مشرکین} جعفر عبدالمهدی العبادی

 

ترکوا حیدر گالوا انتم مشرکین

والیعوفه منکم  اینول  النجاح

 

ناس تبعتهم فقیره إمن  العقول

تالي  دزوهم  زعمهم  للکفاح

 

ذبحوا الشیعه عجیبه  إبلارحم

مد  علیهم   لیل  ما  فیه الصباح

 

 لاکن الله الیفضح إبهیچ الشکول

هب خبرهم اي نعم  هبة  ریاح

 

 فسداً  اي  نسوانهم  عملاً  زنا

تالي سموهه  إبجهادن  للنکاح

 

یعني ماعدهم دیانه او لا جهاد

یعني شغلتهم رذیله او بس فساد

الله  شال الثامهم  طاح السواد

یعني اُمتهم فتن  مو  للصلاح

 

هذي تالیته  الیعوف  المرتضی

یخسر او لاما یحصل اي فلاح

 

واحنه والینه الأیمه  او  ما  نعوف

حب علی الکرار عدنه أقوی سلاح

 

واحنه ما ذلینه چه  عدنه  الحُسین

واحنه طیر الحُر لوّن طگ الجناح

******/***

الشاعر جعفر عبدالمهدی العبادی

تصویر گیف { مرت الجمعه یمهدی} جعفر عبدالمهدی العبادی

ابوذیه {منصبلهم} جعفر عبدالمهدی العبادی

أبد هیهات عمري  منصبلهم

وانا الودّی  یلایم  منصبلهم

ابوالکاظم   ویهله   منصبلهم

رفیع الشان  عد  رب  البریه

*********//***

الشاعر جعفر عبدالمهدی العبادی

قصیده لطمیه للصادق ع { مجالس مجالس أمیر الجعفریه} جعفر عبدالمهدی العبادی

مجالس  مجالس    أمیر  الجعفریّه

مدارس مدارس      تخرّج   رافضیه

بیهه ابوالکاظم مُدرّس  *** صاحب الغایه او مؤسس

مجالس  مجالس

******/*****

صادق او صادق فعاله **  بالعلم  ما من مثاله   

  فعله مصدر

ثابت او ثابت کلامه  ** واضحه ابوجهه الامامه  

جدّه حیدر

لو حچه قران ناطق  ** اي نعم جعفر الصادق

  بسمه نفخر

مدرسه او دایم تِعلّم **بالسدر هوّه المعلم  

  ما  تِأخّر

درّس إشیوخ المذاهب   **   بیّن انواع العجائب

تالي نکروهه القضیه  ** مجالس مجالس

*******/*****

من یسولف کلهه سکته ** نفسه طاها لو وصفته  

  بالهواشم

علمه والمنطق رهبهم ** رکعوا او دگّوا رکبهم   

  والله عالم

 بیته حرگوه ابخیانه ** والله ماعدهم دیانه   

  خصمه ظالم

اي نفس أل الرزیه  ** والحرگ باب الزچیه  

 أُمّه   فاطم

بالحبال امگیدینه *** ینجر إبأرض المدینه

اشگد قبیحه الناصبیّه ***مجالس مجالس

********/**

یمشي واینادي اشکبرهه ** اتذکرت عمتی او خدرها

والارامل

یا مصیبتهم مصیبه **    آه یا زینب غریبه 

والثواکل

حرگوا اخیمهم علیهم ** فرّوا او محّد یجیهم

ماکو عادل

نادت العالم حزینه ** یالله رجعونه ولینه

 یل عواذل

هذه چن طاها أمینه ** ثورته او ثورةحُسینه

اي نعم خیر البریه ** مجالس مجالس

***********/**

هانوا الصادق یشیعه** هذي بالعالم فجیعه

 نلقي سُمعه

دزّوا السم الحقوده ** هزوا الدین او عموده

 خل نودعه

اظلمت الدنیه عَلینه **  نلطم الیله إجینه  

 جُمله جَمعَه

یا أمیر الشیعه جعفر ** في عزائک کلنه نحضر

 فزعه فزعه

نعلن الیوم ابحداده ** نلطم او ناخذ شهاده

واحنه نخرج رافضیّه  ** مجالس  مجالس

******/***

الشاعر جعفر عبدالمهدی العبادی

قصیده لطمیه لجسّام ع{ بدر الهواشم طلع} جعفر عبدالمهدی العبادی

القصیده علی لحن گومن بنات النبي ص

بدر الهواشم طلع      چنّه الگمر من سطع

یشبه صفات الحسن   للطاغیه   ما   خضع

******/**

هلیله زفّه لجاسم   علگن شمع یا حرمنه

نادولی سکنه ینسوه خلوهه تضوی خیمنه

نوفي وصیّت اخونه  تنزل ملایک خدمنه

کلهه تخدمک یمعرس هلیله چانت أملنه

حنّه او عرس للبدر *** فجر الحزن لایطر

باچر تبدّي المحن ** للطاغیه ما خضع

******/***

نادتله رمله أبصباحه خلینی اشبگک واشمّک

عمّک وحید  إبغربته   گوم  انته ناصر لِعمّک

راح او یگلّه ترخّص   فدوه آنه دمي  لدمّک

 ناداله  لا  لا   تقاتل  إرجع   یعمّی   لِأُمِّک

یاعمّي رد للخیم *** خایف یلوحک سَهم

ما ترحم أهل الوَثن ***/* للطاغیه ما خضع

******/**

راح او یردله ابوصیّه جاله  ابعزم  وابتسامه

راید  أقاتل  یعمّی  عندی  ابیمینی  علامه

رخّصتک ارحل یگله  یبن  الغیاره  النشامه

من هد یبارز خصمهم ذکّرهه خیبر حسامه

شبهه الحسن من یکر ** ذللهه جیش الکفر

قاتل لإهل الفتن ** للطاغیه ما خضع

*********/**

 کَر عالزم   بالحریبه    نزلهه   بیهم   زلازل

ضل یرتجز آنه وآنه   واگطعهه روس العواذل

ناده المناد إعله گومه  من هوّه هذه  المناظل

حرب الجمل صوّریته  چنّه الحسن من یقاتل

بالهدّه مارد  أبد ***  عالذله لا ما  گعد

ضل اسمه طول الزمن *** للطاغیه ما خضع

******

الشاعر جعفر عبدالمهدی العبادی

ابوذیه {منتگدهه} جعفر عبدالمهدی العبادی

الخطاب للذین یقولون إترکوا التشیّع

اذا کان الغُراب   دلیل  قومٍ

 یَمُرُّ بهم علی جیف الکلاب

........

العلي امفصله الخلافه منتگدهه

هلي الگدهه واعرفک منتگدهه

الهلاک اتجرهه شعبک منتگدهه

غراب انته او خصالک هیه هیه

**********/**

الشاعر جعفر عبدالمهدی العبادی

عتاب {فاطمه الهم} جعفر عبدالمهدی العبادی

هلي سرهم  لأعرفه   فاطمه الهم

او گلبي آنه إبهواهم  فاطمه الهم

شعبنه   إخت الرضا   فاطمه الهم

شفیعه اتکون ساعات الحساب

********/***

الشاعر جعفر عبدالمهدی العبادی

قصیده لطیه نزله{ آنه مسلم آنه} جعفر عبدالمهدی العبادی

قصیده لطمیه { نزله ،، حماسیه }

___________

آنه مسلم آنه    ***    قاتل الخوّانه

******/**

ضربته عالطاغی ضربه ما یحصّل   چاره

آنه  گَلهم   بالحرایب     أشبهه    الکراره

سیفي من ینزل  علیکم   اي  نفس  بتّاره

آنه   ما   خون   إبأمیری   انتم  الغدّاره

اي     ظلع   اُم   الولایه  إلّا آخذ  ثاره

ما  أهم بعدانه   *** آنه  مُسلم  آنه

*********/****

یالذی    خنتم  أمیري   انتم   الردتونه

شالسبب تالي إبخیانه  بالعجل عفتونه

إحسین  ریحانة  نبینه   کلکم  إتعرفونه

آنه  لو گطعوا  رگبتي  لل ابد  ما خونه

والتطب حصن الإمامه  بالحشر مامونه

یالله طبّوا اویانه  ***  آنه مسلم آنه

**********/****

گامت   اتهلهله   طوعه  یاهله  ابهالغیره

انته ابو  احزامین  حمزه   بالفعل تفسیره

شبه ابوالحملات حیدر خلّه خصمه ابحیره

تمشی ابنهجه او اعرفک ماخنت بالسیره

اگلب الکوفه   یگلهه   خانت اهل الدیره

خانوا الریحانه  **** آنه مسلم آنه

*******/****

شال سیفه او ضل یقاتل   کربلا سواها

موت الاحمر دله خصمه والزلم  بچاها

فوج  یتبع  فوج   یوله   بالخزر   رداها

رایة  احسین  ابیمینه   او للنصر علاها

ظلت الکوفه من إسمه  ترتجف خلاها

وانعرف عنوانه    *** آنه مسلم آنه

 

********/**

الشاعر جعفر عبدالمهدی العبادی

    

 

 

 

هوسه { بس حیدر أمیری} جعفر عبدالمهدی العبادي

 

 

آنه خادم لال طاها او لحنی بس الهم عزف

 

 

وآنه بس حیدر أمیری او ساکن إبأرض النجف

 

 

من ظهر مهدی الزچیه او صوته للعالم هتف

 

 

بسم العباس ایسل سیفه

 

 

******/****

جعفر عبدالمهدی العبادی