هوسه للعباس (شیخ المایحل عجدات) جعفرعبدالمهدی العبادی

شیخ الما یحل عجدات ما ینخونه بل کلفه

عمّي الناس کلهه اتحیج والحاجات مختلفه

ادلیکم شخص موجود کافي ابخوّته اتحلفه

عباس ایحلهه  ابچفینه

*****/*

جعفر عبدالمهدی العبادی

قصیده عمودیه (شیعی او ما اهم بالقیل والقال) جعفر عبدالمهدی العبادی

شیعي او ما اهم بالقیل والقال 

طریقي ایشع شع امنبعید ضیّه

 

شي گالت مجوسي او ما الک عنوان

او عَلَي صاحوا تعال اویه الوهابیه

 

او بعد نادت بعض ناس انتم أعراب

دعوف السانک او لهجه الینوبیة

 

خاضت بلفتن ناس الفقیره إعگول

گالوا  عالفتن  رادو  ترا  الحِیّه

 

عافوا   نهج  لأسلام   والدین

لأجل تحفظ لسان البي هویه

 

او بعضهم عافت السان الدیانات

او لجئت عل لغات الأعجمیه

 

أوجّه والکلام الکل یسمعوا

أنه ابن المادخل مرا ابردیه

 

أضل وأحفظ بلادي او عرضي والدین

او لساني او مذهبی فوگ البقیه

 

أنه القائل إمامي صادق القول

تعلموا علّموا الوادم کلام الیعربیّه

 

أضلاً رافضي او ما أترک إحسین

وأفاخر  بل  هویّه   الجعفریّه

 

**/***

الشاعر جعفر عبدالمهدی العبادی

قصیده لطمیه للعباس( ابی لیث قسوره) جعفر عبدالمهدی العبادی

أبی لیثٌ قسورهَ   أنا إبنُ الحیدرهَ

آنه عباس   آنه عباس

****/*/****

من أطب بالحومه لگلبهه گلب

  والله  بالعباس   ماهاب  الحرب

والعده بگلوبهه امخلي الرعب

  چن أبي الکرار ساعات الضرب

واخلس الحومه خلس  

  ما یجرون النفس

زودي سبع الگنطره  ** أبی لیث قسوره  

******/**

یختي ذاک الگال احطّمکم حطم  

 الطمه اعله اعیونه من صار الطم

وافطمه امن الدنیه لو حان الفطم  

والشرد یحفر گبر روحه او یطم

یدفن ابروحه عجل

  وآنه عالکافر أجل

یبگه عالموت السره*** أبی لیث قسوره  

***/**

والله  یا زینب الچ  فدوه  العمر  

باچر امن اصباحهه  ابطرة الفجر

کلهه مني اتموت بس کاف الخزر  

شنهو شمر ایکون مو خالي الشمر

رخصه بس راید علیِه 

  والله اگصصهن إدیه

بیدي أفصم منحره ** أبی لیث قسوره  

*****/**

ساعت الیعلن أبوالیمه الجهاد 

  عینچ  اتشاهد  یزینب  لطّراد

أرفع ابراسچ یبت خیر  العباد 

 راح  أحرّگهم  وسویهم  رماد

صارمي ایحز الرگاب 

  إلّه اوکلهم تراب

کلهه تبگه امحیره ** أبی لیث قسوره  

******/*

لاچن  المقسوم  المگدر  یجد

زینب ایگطعون من عندي الزند

وسفه و إیروعون آیات الحمد

یبگه ابوالسجاد وحده او منفرد

روحتچ زینب أکید

رفعي راسچ یم یزید

واُمي گولي افضل مرا** وأبی لیث قسوره  

*****/**

جعفر عبدالمهدی العبادی

 

 

یقتل فرخک الطاهر

وروي أيضا في بعض الاخبار أن ملكا من ملائكة الصفيح الاعلى

اشتاق لرؤية النبي صلى الله عليه وآله واستأذن ربه بالنزول إلى الارض لزيارته،

وكان ذلك الملك لم ينزل إلى الارض أبدا منذ خلقت، فلما أراد

النزول أوحى الله تعالى إليه يقول: أيها الملك أخبر محمدا أن رجلا

من امته اسمه يزيد يقتل فرخه الطاهر ابن الطاهرة نظيرة البتول

مريم بنت عمران، فقال الملك: لقد نزلت إلى الارض وأنا مسرور

برؤية نبيك محمد فيكف اخبره بهذا الخبر الفضيع وإنني لاستحيي

منه أن افجعه بقتل ولده، فليتني لم أنزل إلى الارض قال: فنودي الملك

من فوق رأسه أن: افعل ما امرت به، فدخل الملك إلى رسول الله ونشر

أجنحته بين يديه وقال: يارسول الله اعلم أني استأذنت ربي في النزول إلى

الارض شوقا لرؤيتك وزيارتك، فليت ربي كان حطم أجنحتي ولم آتك

بهذا الخبر، ولكن لابد من إنفاذ أمر ربي عزوجل، اعلم يا محمد أن

رجلا من امتك اسمه يزيد زاده الله لعنا

في الدنيا وعذابا في الآخرة يقتل ((فرخك)) الطاهر ابن الطاهرة 

 

المصدر: بحار الانوار الجزء 45 صفحه 314

کلامهم نور_(فرخک وابن فرختک)

قال الحسین علیه السلام

 

((اَلسَّلامُ عَلَيْكَ يا رَسُولَا للّه

اَنَا الْحُسَيْنُ بْنُ فاطِمَةَ فَرْخُكَ وَابْنُ فَرْخَتِكَ

وَسِبْطُكَ الَّذى خَلَّقْتَنِى فى اُمَّتِكَ

فَاشْهَدْ يانَبِىَّ اللّه اَنَّهُمْ خَذَلُونى وَلَمْ يَحْفَظُونى

وَهذِهِ شَكْواىَ اِلَيْكَ حَتّى اَلْقاكَ ...))

 

المصدر بحار الانوار جلد45 صفحه314

و کتاب مصارع الشهداء ومقاتل السعداء جلد1 صفحه 86

موال ، ازهیري ( تصح، تعف) جعفر عبدالمهدی العبادی

 

عفیه إبنصیح  الثبت  لأکثر یروحی تَصِح

لازم نِرجع الزلف   وانگله لابُد  تَصِح

وإشچم روایت نَصِح عقل او نقل هم تصح

دإعفی لمن  یعتذر  اهل الکرامه التِعف

عف عن نساء الخلگ خاطر نسائک تِعف

لا تلهم المو الک جسمک وروحک تعف

تتعافه من کل مرض لو من حلالک تصح

****/***

الشاعر جعفر عبدالمهدی العبادی

ابوذیه (وظیفه) جعفر عبدالمهدی العبادی

عَلي  واجب  أحسبنه   وظیفه

الگصدني ایکون اگصدنه وظیفه

أرد اضعاف من فضله وظیفه

واگله إمقصّر او فضلک علیّه

****/**

الشاعر جعفر عبدالمهدی العبادی

ابوذیه للزهراا س(برضای) جعفر عبدالمهدی العبادی

لسان حال ام الحسن سلام الله علیها

 

حگي  إنقصب  وعلنوا  برضاي

ولا ساعي السعه امن الگوم برضاي

الف وسفه او الف یا حیف برضاي

صرت مَملک شبر یهل الحمیّه

**/**/

جعفر عبدالمهدی العبادی

قصیده عمودیه(یاکریمه او حجة الله اعله الحجج) جعفر عبدالمهدی العبادی

یا کریمه او حجة الله اعله الحجج

فاطمه البضعه البتول الطاهره

 

انتی اعظم باب حلاّل العُضل

داخت الالباب کلهه امحیره

 

اله تحتل بید شخصچ یمحسین

ما تضل شده ابعکرهه امعکّره

 

وضّحیتی او بیّنیتی اشگد امور

حتی مسئلة الولایه الحیدره

 

واجهیتی الگوم ما هبتی الممات

توصل الفضلچ اگولن یا مرا

 

حرگوا الباب اعله دارچ هالطغات

او سامری الگوم اعله ظلعچ یعصرا

 

حد وکت صحتی المحمد یا ابا

طحتی عالگاع الضلوع امکسره

 

بس اگول اشلون گومات العلیل

یتّکي اعله النار واهیه امسعّرا

 

هسه من گمتی اثیاب امحرگات

داخ امری او محد الّی ایفسرا

 

چف ظلام الیل یتجاسر عجیب

هذه نور الله ابتمامه اویسطرا

 

شنهو لاسباب اصطبر رب الجلیل

ما طبگ بین الثریه اویه الثره

****/*/*

جعفر عبدالمهدی العبادی

برنامج کتاب دیوان عبدالمهدی آندروید

بشارةٌ سارّه لجمیع الشعرا ومحبین الشعر و الروادید والخطبا واهل الادب

 

تم بحول الله برنامج کتاب دیوان عبدالمهدی الالکترونیکی للاندروید

ویحوي الکتاب خمسة عشر(15) باب من ابواب الشعر علی اوزان مختلفه

ف للمثال باب الاول القصائد الطمیات  و باب الرابع ابوذیات

یحوي علی فهرس أو قائمه أخر فیکون فیها نبذه مختصره عن حیاة الشعراء

یحوی قائمه تالیه تتصلک علی قناة عبدالمهدی الفیدیوات

 وفیها مزایا کثیره تختلف من باقی البرامج

رابط تنزیل البرنامج

اظغط علی الرابط و خذها

download